1 Timotee 6:17 - Kuö Dëdrä Jenɛɛsë Rutë

¹⁷ ‑Gbala 'bɩɔjinyüülü bäa' ‑taa 'plälä kʋa' ‑pɩa 'mlɩ nɩ, 'ünyɩ ‑gbalɩ; 'ünyɩ 'pie 'üa plɛ ‑taa 'bɩɔlʋ kʋa' ‑pɩ unyɩ ‑wlɛa' 'lɩ ‑gälɩ. ‑Gbala 'üün ü 'pie 'üa plɛ 'Lɩbä Nyɔsʋa ‑gälɩ, 'ɔɔ ‑nyɛɛ amɩ diia 'fɩɔ, 'kä 'ɔ ‑sööö 'lɩ ‑gba dɔrʋ 'mä amɩ 'bla.

1 Timotee 6:17 Referans Kwoze

Akëtë 14:17

‑Maa 'ɔnyɩ 'ɔa ‑gbinanakʋa srarakʋa ‑gʋ ‑a fio: 'ɔ nʋ 'mʋfagbi, 'ɔ ‑nyɛɛ 'amɩ 'nʋŋlʋ, 'ana papladii 'wʋälɩmlɩ, 'i tʋä 'mʋfasa 'ia 'taɩn 'lɩ, 'kä 'ɔ 'sie jijri nyra dɔrʋ 'ana polu ‑gälɩ.»

1 Timotee 4:10

'A 'ia ‑gʋ a ‑fɛɛɛ 'jrʋpa ‑gböösa, ‑bɛ 'ü jejre amɩ, 'be a ‑tʋ ana plɛa 'fɩɔ 'Lɩbä Nyɔsʋalɔ bäa' nyüüa 'fɩɔa 'Lɩmlɩbanyɔɔ 'lɩ, ü ‑tɛɛ toroa' 'ɔɔn plɛ, 'üa ‑gʋ.

Matiö 19:23

Jesu nya ‑gbala 'ɔa 'wʋnyɛrɛnyüü ‑maa: «'Cɩcasa 'n ‑gbala 'amɩ, 'inya 'lɩklaa 'kä 'bɩɔjinyɔɔ 'mä cɛɩɩa 'kamapläa 'mlɩ pa.»

Titë 2:12

'U 'kpɩa amɩ bʋbɔgbi nyra ‑taa 'pläläa diia ‑wawakʋa ‑wälɩcɛrɛkʋ, amä ‑pɩ ‑tʋtʋ ‑gälɩ kʋ 'lɩglasa, ana 'klä 'mä 'klɩgä ‑bɛ amä 'lɩ Nyɔsʋa ‑träärä.

Kolɔɔsënyüü 3:16

Abɩa 'Kriisëa 'papawiia 'fɩɔ kʋ 'amɩ 'lɩ. ‑Moloo ma bälɩ ɔ 'kpɩa 'ɔa ‑moloo, ‑bɛ 'ba 'papla toto 'lɩglasa: 'ba brɩ nyɔsʋaa 'lɩbrɛrɛdʋ, Jesubibriedʋ, nyra 'dʋlʋ Nyɔsʋaa ‑Susu ‑nyɛɛa' 'amɩ ‑bɛ 'ba brɛrɛ 'Pläkänyɔɔ 'lɩ. 'Ba nʋ 'ana polua 'fɩɔ 'amä 'ɔɔn 'trɛɛ.

Lukë 19:2

Nyɔɔ 'doo bälɩ 'ɔɔ 'ü 'dara ‑Sakee. 'Ɔ bä dapookälɩpɛrɛnyüüa 'cifi. 'Ɔnya ji 'bɩɔ.

Rɔmënyüü 11:20

'I 'na; 'ünyɩ toro Nyɔsʋa plɛ ‑a, 'a 'ia ‑gʋ 'ü 'bölɩ 'ümɩ. ‑Bɛ ‑mɔlɔ nɩ, nyɔsʋaplɛtorokʋa ‑gʋ ‑sɔɔrɔwʋ. 'Ii känyrɩ ‑nyɩ bɔtɔ ‑tɔklʋ! ‑Maa abɩa ŋalɛ 'bla ‑mɩ,

Jenɛɛsë 13:2

Abramë ji kä 'bɩɔ ‑gböösa. 'Ɔ ma kä mlaa, nyra ‑sika.

2 Timotee 4:10

'be Demasë 'a 'mɩ ‑wälɩ 'pala 'pläa ‑wawakʋa ‑gʋ, 'ɔa Tɛsalonikëbätä mi. Klesɛɛsë mi Galasiia 'bre, Titë mi Damasëa 'bre.

1 Timotee 6:13

‑Mɔ 'n ‑gbala Nyɔsʋaa 'klɩ, Nyɔsʋalɔ bäa' diia 'fɩɔa ‑fʋflʋa 'käkolofa, nyra Jesu 'Kriisëa 'klɩ, Jesulɔ 'palaa' Pɔɔsë Pilatëa 'klɩ 'cɩcasa.

1 Timotee 1:3

'Taɩn 'lɩ 'n mö käa' Masedoanëa ‑tʋtʋ ‑gälɩ nɩ, 'n ‑gbala kä ‑mɩ ‑a kʋ Ɛfɛsëbätä ‑mä nyüü ‑mölöö ‑gbala 'ü ‑pɩ ‑gbagblɛwii 'kpɩa.

1 Tɛsalonikënyüü 1:9

'Ii känyrɩ, ‑moloo ma bälɩ 'ɔ 'saalɩ 'sɩrɩ 'a nʋa' ana 'kplakpladɛɛ, 'sɩrɩ 'a 'cɛrɛa' ‑papanyɔsʋaɩɩ ‑wälɩ ‑bɛ 'a jia' 'Lɩbä Nyɔsʋalɔ bäa' 'cɩcasaa 'jrʋpa ‑fɛ.

Ɛfɛsënyüü 5:5

‑Bɛ 'ba jre bɩa 'saa nyɔɔlɔ nöa' ‑sagbili Nyɔsʋa 'nyɩ 'bataa', 'aiɛ ɔ nöa' diili plaa' ‑fre 'lɩ, 'aiɛ ɔ käa' tɛ, 'iibä ‑a ‑tɩ ‑plɩɩ Nyɔsʋa ‑bɛ ‑a bibie dii ‑mɩdoo. 'Ia nyɔɔlɔ ‑nëmä ‑jaaa ‑a ji 'Kriisë nyra Nyɔsʋaa 'kamapläa 'mlɩ.

Akëtë 17:25

'Ɔnyɩ 'bata 'bata ‑a nyɔɔ 'mä 'ɔa wiigba kälä ‑beere 'sɩrɩ dɛɛ 'makɩ ɩa' 'ɔɔn, 'be 'ɔa 'mʋgbɛ 'ɔɔ ‑nyɛɛ 'lɩbänyüüa 'fɩɔ 'klä, fiofio ‑fʋflʋ nyra diia 'fɩɔ.

Akëtë 14:27

'Ü 'tɔa' nɩ, 'ünya 'papla 'cɛcɩnyüü ‑gba, 'ünya ‑gbala 'üün wiili kä 'fɩɔ Nyɔsʋa sröröa' 'üün kälɩ 'ɔ nʋa', nyra 'sɩrɩ 'ɔ ‑fɛa' nyüülü 'nyɩa' juifë bäa plɛ ‑gba ‑bɛ 'ü toroa' 'ɔɔn plɛ.

Marëkë 10:24

Jesua wiipadɛɛ kala 'ɔa 'wʋnyɛrɛnyüü plɛ 'klɩ. 'Ɔnya 'patä 'ɔnya ‑gbala 'üün: «'Na 'jü 'amɩ, Nyɔsʋaa 'kamapläa 'mlɩa papakʋ nya 'lɩklaa, 'kä nyüülü kä plɛ bäa' diikäkäkʋ dɛrɩa ‑gʋ.

Matiö 27:57

‑Gbiajrʋ mia' nɩ, Arimatëbätäa 'bɩɔjinyɔɔ 'doo 'ü 'daraa' Josɛɛfë nya ji. 'Ɔa 'mʋgbɛlɔ 'ɔ bä Jesua 'wʋnyɛrɛnyɔɔ.

Matiö 6:32

'Be 'ia ‑taa diilia 'fɩɔlʋ nɩ, nyüülü 'nyɩa' Nyɔsʋa jre 'bata 'iin ‑gböösa. 'Be 'ana Tʋlɔ bäa' cɛlɩ, 'ɔ jre diilia 'fɩɔ 'makɩa' 'amɩ.

Titë 3:6

‑Susulu nɩ, ana 'Lɩmlɩbanyɔɔ Jesu 'Kriisë Nyɔsʋa ‑srörö kälɩ 'ɔnya ‑gbäträ amɩ 'uun 'wʋ 'kä ‑gböösa,

1 Timotee 5:21

Nyɔsʋaa 'klɩ, 'Pläkänyɔɔ Jesu 'Kriisëa 'klɩ nyra 'aanjëlü Nyɔsʋa 'baa' 'lɩ, 'üa 'klɩ, ‑jäsɩ 'n ‑gbala ‑mɩ nɩ: ‑träärälɩ wiili 'n ‑gbalaa' ‑mɩ, ‑gäglɛkʋ 'nyɩ bä 'ia 'mlɩ.

1 Timotee 3:15

‑Maa ama 'nyɩ sɔsɔ ji ‑a ji nɩ, 'n ‑jɩjra 'sɩrɩ ‑nëmäa' nʋ Nyɔsʋaa ‑gböööa 'mlɩ. ‑Gbööölä nɩ, 'ää bä 'Lɩbä Nyɔsʋaa 'Cɛcɩ, 'ää bä 'cɩcasaa ‑gɔmʋʋ nyra 'äa ‑toko.

Matiö 12:32

Nyɔɔ o nyɔɔ 'mäa' Nyɔɔa 'Jʋa ‑gʋ bʋbɔwii 'pa nɩ, 'ɔa ‑balʋ bä ceresa. ‑Maa nyɔɔ o nyɔɔ nëmäa' 'Nyüna ‑Susua bʋbɔwii 'pa nɩ, 'ia ‑balʋlʋ ‑nëmä 'ɔmɩ ‑a cere 'plɔʋplɔʋ ‑taa 'pläläa 'mlɩ, nyra 'plälä jöa' 'äa 'mlɩ.

Lukë 3:11

'Ɔnya ‑gbala 'üün: «‑Moloo ma 'klaa 'koti 'sɔɔ, 'ɔ ‑nyɩ ‑mɔlɔ 'nyɩa' dɛɛ 'klaa, kä ‑mɔlɔ 'klaaa' jijri nö bɩa dɛɛ 'dee.»

1 Timotee 6:9

Nyüülü 'bataa' 'bɩɔjijikʋ 'nyɩ 'lɩ ‑balʋ dɛrɩ ‑a tʋŋlɔ, 'ü böblö ‑gbasu mlɩ: mlüüdii 'kɔkɔmlɛ nyra bʋbɔdiia 'tʋ 'tutro nyüü bʋblɔkʋ nyra 'mɔlɔkʋ 'lɩ.

2 Piɛɛrë 1:11

'Inya 'amɩ ana 'Pläkänyɔɔ, ana 'Lɩmlɩbanyɔɔ Jesu 'Kriisëa 'kamaplälä 'nyɩa' blöröfa kä, 'äa tatu 'klɩsaa.

Matiö 25:16

‑Mɔlɔ 'jäa' talaan ‑gböö nya nʋ 'ɔa ni 'ɔnya ‑fɛ 'jrʋpa, 'ɔnya 'järä 'ia ‑gälɩ talaan ‑gböö ‑mölöö.