1 Timotee 6:16 - Kuö Dëdrä Jenɛɛsë Rutë

¹⁶ 'Ɔa 'doo 'ɔɔ 'nyɩ jä. Anyɩ 'lɩ ‑a bɩa amä 'napɛlɛ kä 'mlɩ 'ɔ kʋa' ‑gbajijrö. Nyɔɔ ‑kaapɩɔ 'ɔɔn 'jä, nyɔɔ 'nyɩ 'lɩ ‑a bɩa ɔ 'jä 'ɔɔn. 'Ɔɔ kä 'bʋalakʋ nyra 'klü 'plɔʋplɔʋa ‑gʋ! 'Asɩ i bä.

1 Timotee 6:16 Referans Kwoze

1 Timotee 1:17

'Abɩa 'Taɩn a 'fɩɔ 'lɩa 'Kɩɩ, ɔnyɩ 'cicia', ɔ nyɔɔ 'nyɩ 'jäa' 'wʋ, ɔ bäa' 'Lɩgla Nyɔsʋa 'doo, ɔ 'jrara ‑bɛ ɔ 'bʋala 'plɔʋplɔʋ! 'Asɩ i bä.

Jaan 1:18

Nyɔɔ ‑kaapɩɔ Nyɔsʋa 'jä. 'Jʋ 'doo 'doolɔ sɔa' Tʋa ‑nyɛɛ, 'ɔɔ 'lɩ a 'järä 'ɔɔn.

1 Jaan 1:5

Wiili a 'nröröa' 'ɔa mlɩ 'wli ‑bɛ a ‑gbalaa' 'amɩ nɩ, 'iibä: Nyɔsʋa bä ‑srɩ, 'jöjrüükpüa dɩjɔ 'doo 'nyɩ 'ɔɔn 'lɩ ‑a bä.

Kolɔɔsënyüü 1:15

'Ɔɔ bä Nyɔsʋalɔ anyɩ 'jäa' 'wʋa 'pije; 'ɔɔ bä ‑Kätɩjʋ, 'ɔɔ ‑si diili kä 'fɩɔ nröröa' 'wʋ.

Jaan 6:46

Nyɔɔ ‑kaapɩɔ Tʋ 'jä, ima 'nyɩ ɔ sɔa' Nyɔsʋaa ‑nyɛɛ ‑a bä; 'ɔɔ 'jä Tʋ.

'Nyügälɩjawii 22:5

‑Gbia ‑ka ‑nëmä 'lɩ ‑a bä, 'üa ‑gbʋʋ ‑ka ‑nëmä 'napɛ nyra 'jrʋa 'batakʋ ‑gba ‑a bä, 'be 'Pläkänyɔɔ Nyɔsʋa nëmä 'üün ‑gälɩ ŋʋala, 'kä 'ünya 'kama 'plɔʋplɔʋa ‑gʋ.

'Nyügälɩjawii 4:11

«O 'Pläkänyɔɔ, ana Nyɔsʋa, 'i 'wʋ ‑mɩ 'klɩ amä ‑mɩ 'jrara, amä ‑mɩ 'bʋala, amä ‑mɩ 'klü ‑nyɩ, 'be ‑mɔ nʋ diia 'fɩɔ, ‑mɔ 'nyie 'aiɛ 'i nrörö ‑bɛ 'i bälɩ.»

'Nyügälɩjawii 1:6

'Ɔ nrörö amɩ 'kamaplä 'lɩ 'ɔnya nrörö amɩ ‑gbɔsapɛrɩnyüü 'lɩ amä 'ɔa Tʋ Nyɔsʋaa 'jrʋpafɛ. Abɩa 'wliklɩbʋbʋakʋ nyra 'klü bä Jesu 'lɩ 'plɔʋplɔʋa ‑gʋ! 'Asɩ i bä.

Judë 1:25

'Ɔa 'doo bä ana 'Lɩgla Nyɔsʋa, 'ɔɔ ‑srörö Jesu 'Kriisë ana 'Pläkänyɔɔ kälɩ 'ɔnya 'balɩ amɩ mlɩ, a ‑nyɩ 'ɔɔn 'bʋalakʋ, 'wliklɩbʋabʋakʋ, 'klü nyra 'kamakʋ 'taɩn a 'fɩɔ 'lɩ, 'köklesaplɩɩ nyra 'plɔʋplɔʋa ‑gʋ. 'Asɩ i bä!

Ɛfɛsënyüü 3:21

'ɔɔ kä 'wliklɩbʋbʋakʋ 'Cɛcɩa 'mlɩ nyra Jesu 'Kriisë 'lɩ, i ‑wɩara 'taɩn a 'fɩɔ 'lɩ nyra 'plɔʋplɔʋa ‑gʋ! 'Asɩ i bä.

'Nyügälɩjawii 7:12

ü nɩnɩa: «'Asɩ i bä! A ‑nyɩ ana Nyɔsʋa 'lɩbrɛrɛkʋ, 'wliklɩbʋabʋakʋ, wiijejrekʋ, 'trɔrʋ nyra 'bʋalakʋ, 'klükäkäkʋ nyra 'wʋsɔɔrɔkʋ 'plɔʋplɔʋa ‑gʋ! 'Asɩ i bä!»

Ebröönyüü 13:8

'A braasrɩɩa Jesu 'Kriisë 'doolɔ 'ɔɔ bäsaa, 'ɔɔ bä 'saarɩa Jesu 'ɔnya bä 'plɔʋplɔʋa Jesu.

'Nyügälɩjawii 21:3

'Nyaa 'nu 'wʋsɔɔrɔ wiili sɔa' cɛlɩ 'wli ‑bɛ 'i nö: «‑Jää, Nyɔsʋaa ‑Tete 'a nyüüa ‑nyɛɛ ji, 'üa ‑nyɛɛ 'ɔ nëmä kʋ. 'Üü nëmä 'ɔa nyüü bä, Nyɔsʋa 'mʋgbɛ nya 'üa Nyɔsʋa bäa.

Jaan 14:9

Jesu nya ‑gbala 'ɔɔn: «‑Mää ‑mlatɩkä 'nyraa 'amɔ 'nyɩ 'nyɛ, ‑bɛ ‑kaapɩɔ 'mɩ jre, Filipë? Nyɔɔ ma 'jä 'mɩ, 'ɔ 'a Tʋlɔ 'jä. 'Iɛ ‑daaa ‑maa: ‹Srara amɩ Tʋ le?›

'Nyügälɩjawii 1:8

'Pläkänyɔɔ Nyɔsʋa nɩnɩa: «'Mɔɔ bä Alëfaa nyra Omega, nyɔɔlɔ bäa' 'lɩ, ɔ bä käa' 'lɩ ‑bɛ ɔ jöa', 'Nɩmrɛɛ Nyɔsʋa.»

Jaan 8:58

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, 'mɔɔ bä ‑plɩɩ 'fɩɔwʋ Abraamë nya 'mä ji.»

Filipënyüü 4:20

Abɩa ana Tʋ Nyɔsʋa 'bʋala 'taɩn a 'fɩɔ 'lɩ! 'Asɩ i bä!

Jaakë 1:17

dɛɛ bäa' ‑nyɩnyɩdɛɛ ɛ 'naa', ɛ bäa' 'mʋfadɛɛ nɩ, cɛlɩ 'ɛ sɔ. ‑Srɩa Tʋa ‑nyɛɛ 'ɛ sɔ. 'Ɔ 'nɩ 'cici 'cici ‑a. 'Cicikʋ 'nyɩ 'ɔɔn 'lɩ ‑a bä.

1 Jaan 1:7

‑Maa ama 'nyɛrɛ ‑srɩ 'klɩ, 'sɩrɩ 'ɔa 'mʋgbɛ bäa' ‑srɩ nɩ, anya ‑maa, 'kä 'ɔa 'jʋ Jesu 'Kriisëa ‑toru nya amɩ ‑gbafuto, ana ‑balʋa 'fɩɔa ‑gʋ.

1 Jaan 4:12

Nyɔɔ ‑kaapɩɔ Nyɔsʋa 'jä; ‑maa ama ‑wawla nɩ, Nyɔsʋa bä amɩ 'lɩ, ‑bɛ amɔ 'lɩ 'ɔa ‑wawakʋ jräräwli 'cɩcasa.