1 Timotee 6:14 - Kuö Dëdrä Jenɛɛsë Rutë

¹⁴ ‑Träärälɩ wiili Nyɔsʋa ‑gbalaa' ‑mɩ. ‑Nyɩ blö ‑fre 'lɩ, nyɔɔ 'nyɩ 'kplara ‑mɩ wii 'kä ana 'Pläkänyɔɔ Jesu 'Kriisë jö.

1 Timotee 6:14 Referans Kwoze

2 Piɛɛrë 3:14

'A 'ia ‑gʋ 'na ‑wawanyüü 'amɩ, 'a ‑glaaa' wiili nɩ, 'ba 'pa 'kpɔɔ 'amä nyüülü ‑fre 'nyɩa' 'lɩbä bä, nyüülü wii 'nyɩa' ‑gälɩ bä bä, nyüülü nyra Nyɔsʋa 'Nönröa' 'wli bä.

1 Piɛɛrë 1:7

‑Sʋɩlɩ nɩ, 'ii srara 'sɩrɩ 'ana nyɔsʋaplɛ bäa' 'cɩcasa ‑bɛ 'ɛ ‑sia' ‑sika 'wʋ. ‑Sika 'mrɛɛ ä bɩa. ‑Bɛ ‑sikalä nɩ, kapu 'lɩ 'ü ‑srörö 'ään 'ämä kpëträ. 'Asɩ 'ana nyɔsʋaplɛ bä bɩa, 'kä ‑srɩlɩ kä 'mlɩ Jesu 'Kriisë 'mäa' ji nɩ, 'amä 'bʋala, 'ümä 'amɩ 'lɩbrɛrɛ, 'amä 'wliklɩbʋala 'ana nyɔsʋaplɛa ‑gʋ.

1 Tɛsalonikënyüü 5:23

Abɩa Nyɔsʋalɔ bäa' 'pʋpʋɛ bere 'amɩ 'klɩ. Abɩa 'ana 'kläa 'fɩɔ: 'ana bobowli, 'ana ‑gälɩasusu nyra ana fugba, bereklɩ. Wii ‑pɩ 'amɩ 'kpla ana 'Pläkänyɔɔ Jesu 'Kriisëa jijisrɩ 'lɩ!

Judë 1:24

Abɩa Nyɔsʋa 'bʋala, 'ɔ 'mrɛɛ 'ɔ 'ba 'amɩ böblökʋ mlɩ, 'ɔɔ 'mrɛɛ ɔ ja 'amɩ 'ɔa 'wliklɩbʋabʋakʋ 'lɩ dɔrʋa 'mlɩ ‑beere nyüülü 'nyɩa' bʋbɔdɛɛ ‑gba kä.

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

'Nyügälɩjawii 1:7

‑Jää! 'Ɔ bä cɛlɩa ‑gbrua 'mlɩ 'ɔɔ jö! Nyüüa 'fɩɔ nya 'ɔɔn 'jäa, 'palɩ nyüülü 'flooa' 'ɔɔn, 'kä ‑tʋtʋ ‑gälɩa ‑glügbüa 'fɩɔ nya 'ɔa ‑gʋ 'wu. 'Cɩcasa! 'Asɩ i bä!

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

2 Timotee 4:1

'A 'ia ‑gʋ, 'tasɩrɩ 'n ‑gbala ‑mɩ Nyɔsʋa nyra 'Pläkänyɔɔ Jesu 'Kriisëlɔ 'mäa' 'lɩbänyüü nyra jäjänyüüa ‑gä ‑tʋ, 'taɩn 'lɩ 'ɔɔ ‑bɛ 'ɔa 'Kamaplä 'mäa' ‑srɩɩ ji nɩ, 'üa 'klɩ:

2 Tɛsalonikënyüü 2:8

'A ‑plɩɩ ‑Gbakäklɛnyɔɔ 'mä 'wʋcrɛrɛ, 'kä 'Pläkänyɔɔ Jesu nya mlɩa ‑fʋflʋ nʋ 'kä 'ɔnya 'ɔɔn bʋblɔ 'ɔa jijisrɩ 'lɩ.

Kolɔɔsënyüü 4:17

'Ba ‑gbala Akiipë ɔ ‑tʋ 'jrʋpalä 'Pläkänyɔɔ ‑nyɩa' 'ɔɔn 'nyügba, 'ɔmä 'ään 'wlara 'mʋfasa.

Kolɔɔsënyüü 1:22

‑Maa 'köklesaplɩɩ ɔ nɩ, 'ɔa 'Jʋlɔ 'ɔ nröröa' nyɔɔ 'lɩ nɩ, 'ɔa jäjäkʋ 'lɩ 'ɔ ‑srörö 'ɔ nyra 'amɔ nya 'nönröwli, 'amä 'ɔa 'klʋɩ 'nyüglö 'sɩrɩ 'a bäa' nyüülü kä 'nyü 'naa' ünyɩa' bʋbɔdɛɛ ‑gba kä, ü wii ‑nëmäa' 'kpla.

Filipënyüü 1:10

'amä dɛɛlɛ 'naa' jre, 'ana 'nyü 'mä 'lɩwʋ; 'ia 'taɩn 'lɩ wii ‑pɩ 'amɩ 'kpla 'Kriisëa jijisrɩ 'lɩ.

1 Korɛɛntënyüü 1:8

'Ɔɔ nëmä 'amɩ 'klü ‑nyɩ ‑bɛ 'amä 'pläa blöröfa 'wʋ 'tɔ, nyɔɔ ‑pɩ 'amɩ wii ‑gälɩ ‑tʋ ‑srɩlɩ kä 'mlɩ ana 'Pläkänyɔɔ Jesu 'Kriisë 'mäa' ji.

1 Jaan 3:2

'Na ‑wawanyüü 'amɩ, Nyɔsʋaa 'jü a bä ‑mlatɩ, ‑bɛ 'sɩrɩ amäa' ‑srɩɩ bä nɩ, Nyɔsʋa ‑kaaŋlʋ amɩ 'iin srara. ‑Maa wiili a jrea' nɩ, 'taɩn 'lɩ 'ɔmäa' ‑srɩɩ 'ɔa nyufa srara nɩ anya 'ɔa 'sa bäa, 'be 'sɩrɩ 'ɔ bäa', 'asɩ amä 'ɔɔn 'jä.

1 Piɛɛrë 1:19

'Kriisëa ‑torulu käa' ‑gböösa ‑gba, 'uu 'ɔ nʋ. Jesu ‑beere kä ‑bablëëjʋ 'nyɩa' bʋbɔdɛɛ ‑gba kä, ɔ kä ‑gba 'nyɩa' 'kpafa bä.

1 Timotee 6:20

‑Wlajʋ Timotee, 'kpla 'mʋfasa wiili a ‑nyɩa' ‑mɩ kälɩ. ‑Gaalalɩ dɛtʋlʋ 'nyɩa' 'wli nyra ‑toko kä ‑gälɩ, 'kä ‑gaalalɩ ‑gbagblɛ ‑srɛsrɛkʋlʋ 'nyɩa' ‑gbaakä ‑gälɩ.

2 Tɛsalonikënyüü 2:1

‑Wlajü 'amɩ 'amɔ a ‑gbala, dɛɛlɛ bäa' 'Pläkänyɔɔ Jesu 'Kriisëa jijisrɩ nyra 'ɔa ‑gbaa trarakʋ nɩ,

1 Tɛsalonikënyüü 3:13

Abɩa 'Pläkänyɔɔ ‑sɔɔrɔ 'amɩ 'wʋ, 'ia 'taɩn 'lɩ ‑srɩlɩ kä 'mlɩ ana 'Pläkänyɔɔ Jesu 'Kriisë 'mäa' dɛrɩ 'blöö, 'ɔɔ ‑bɛ 'ɔa nyüülü kä 'fɩɔ 'ɔ käa' nɩ, 'anya nyüülü kä 'nyü 'naa' bäa ana Tʋ Nyɔsʋaa 'klɔɔtrʋ; nyɔɔ ‑nëmä 'amɩ wii ‑a 'kplara.

Filipënyüü 2:15

'ana 'nyü 'mä 'na, 'ü ‑pɩ 'ana 'kläa 'mlɩ ‑balʋ 'järä. 'Amä Nyɔsʋaa 'jülü 'nyɩa' bʋbɔdɛɛ ‑gba kä ‑gbagblɛnyüü nyra plɛbʋbɔnyüüa ‑tɔrʋpɩɔ, 'ana 'klä 'mä 'pläa 'mlɩ ŋʋala.

Filipënyüü 1:6

'Na plɛ 'suru wii 'dooa ‑gʋ: nyɔɔlɔ cɛtrɛa' 'amɩ 'lɩ ‑taa 'mʋfa 'jrʋpalä nɩ, 'ɔnya 'ään 'wlaraa, 'ɔnya 'ään nʋ nʋ kä Jesu 'Kriisëa jrüü nya 'lɩjrä.

Ɛfɛsënyüü 5:27

'Ɔ nʋ 'imɩ 'kä 'cɛcɩlɛ 'naa' ‑gböösa 'mä 'ɔɔn 'klɩtɔrɔ, ɛnyɩa' 'kpafa ‑gba kä, ɛnyɩa' pɩpra, ɛnyɩa' bʋbɔdɛɛ ‑gba kä, ‑maa ɛ kä 'nyü 'naa', ɛ nyɔɔ 'nyɩa' 'lɩbɩa 'ɔmäa' wii 'kplara.

2 Piɛɛrë 2:21

'Be 'i 'na ɩ 'nɩmɩ 'kä 'ünyɩ jre 'nyʋfɔlʋ ‑gäa' 'klɩ; ‑maa jre 'uun ‑bɛ ‑a ‑sɔ 'nyünawiili ‑kpɩaa' dɛrɩ nɩ, 'i bʋbɔ.

2 Piɛɛrë 3:2

'amä wiili 'nyüna nyɔsʋaamlɩpalanyüü ‑gbala käa' 'amɩ plɛpa, ‑bɛ 'amä bɩa 'Pläkänyɔɔlɔ bäa' ana 'Lɩmlɩbanyɔɔ 'ɔa 'kamaawiili amɔ bäa' apotrë a 'kpɩaa' 'amɩ nɩ, amä 'iin plɛpa.