1 Timotee 5:10 - Kuö Dëdrä Jenɛɛsë Rutë

¹⁰ 'kä nyüü 'paa 'ɔa 'cɩcagbia ‑gä. Ɔ bä 'ŋlʋʋlɔ 'bʋaa' 'ɔa 'jü, ɔ 'kʋɛɛa' 'lɩ nyɔtugbanyüü, ɔ sua' 'cɛcɩnyüüa bei ‑gba, ɔ jia' ‑sʋɩjänyüü ‑gba, ‑bɛ ɔ nʋa' 'mʋfagbi 'kɔkɔmlɛ.

1 Timotee 5:10 Referans Kwoze

1 Timotee 6:18

‑Gbala 'üün ü nʋ 'mʋfagbi, ü kä 'cɩcagbi 'kɔkɔmlɛ, abɩa 'üa ‑gbi 'na, 'kä 'ü jö ‑mölöö ‑gba.

Titë 3:8

Wiili 'n ‑gbalaa' ‑mɩ nɩ, 'i bä 'tasɩrɩa wii, ‑bɛ 'n 'bata ‑a ‑sɔɔrɔ 'ia ‑gälɩ mɛ 'wʋ, nyüülü toroa' Nyɔsʋa plɛ 'mä 'klü 'pa 'ümä 'mʋfagbi nʋ. 'A wiili 'naa' ‑bɛ i 'mrɛɛa' 'imäa' nyɔɔ ‑gbaji.

Akëtë 9:36

'Ŋlʋʋ 'doo bä kä 'wʋnyɛrɛnyüüa ‑tɔrʋpɩɔ bätälä 'ü 'daraa' Jopee 'äa 'mlɩ, 'ɔa 'nyrɩ bä Tabita. 'Iibä Dɔrëkaasë grɛɛkëwii 'lɩ. 'Ɔ ma nö nyüü 'mʋfagbi ‑gba, ‑bɛ 'ɔ ma jö 'pʋablanyüü ‑gba.

Titë 3:1

'Pa 'üün plɛ 'sɩrɩ 'ü käa' 'ümäa' 'lɩ 'üa ‑gʋmlanyüü nyra 'üa 'brea 'wliklɩnyüü ‑träärä, ü 'nyɛɛ wiili 'ü 'daaa' ‑gälɩ, ü nʋ wiilia 'fɩɔ 'naa'.

Titë 2:7

‑Na 'mʋgbɛlɔ nɩ, nʋ 'cɩcagbi wiia 'fɩɔa 'mlɩ nyüü 'mä ‑na 'sa nʋ. ‑Bɛ ‑na 'kpɩkpɩakʋa 'mlɩ nɩ, nʋ 'imɩ 'cɩcasa 'lɩ, 'lɩträäräkʋ 'lɩ nyra 'klɩgägäkʋ 'lɩ.

2 Timotee 3:17

'kä nyɔsʋaanyɔɔ 'mä 'wʋsɔɔrɔ ‑gböösa 'cɩcagbia 'fɩɔa nʋnʋkʋa ‑gʋ.

Rɔmënyüü 12:13

'Ba ji Nyɔsʋaa 'nyünanyüü ‑gba. 'Ba 'kʋɛɛlɩ 'mʋfasa nyüülü jöa' 'ana ‑nyɛɛ.

Lukë 7:44

'Ɔnya ‑sie 'ŋlʋʋlɔa ‑nyɛɛa 'pɛlɩ kälɩ 'ɔnya ‑gbala Simɔɔ: «‑Jää 'ŋlʋʋlɔ kʋa' ‑pɩ 'wʋ? 'N paa' ‑na nyukua ‑wälɩ nɩ, ‑nyɩ 'mɩ 'nɩ ‑a ‑nyɩ 'mä 'na bei ‑gba su. ‑Maa 'ɔɔlɔ nɩ, 'ɔa 'mɩɔ 'ɔ nʋ 'ɔnya papla 'na bei 'nɩ, 'ɔnya nʋ 'ɔa 'wlia 'ŋuei 'ɔnya wɔpɔ 'uun.

Matiö 5:16

'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

1 Piɛɛrë 2:12

'Ba kä 'cɩcagbi nyüülü 'nyɩa' Nyɔsʋa jrea ‑tɔrʋpɩɔ. 'Ama nʋ 'saa nɩ, ‑gbʋgblʋʋkänyüüa 'nyrɩ 'lɩ 'ümäa' 'amɩ ‑gälɩ ‑tʋ, üma 'jä 'ana 'cɩcagbi nɩ, 'ünya Nyɔsʋaa 'nyrɩ 'bʋalaa ‑srɩlɩ kä 'mlɩ 'ɔmäa' 'üa 'kläa 'mlɩ ji.

Ebröönyüü 13:21

abɩa 'ia Nyɔsʋalɔ nʋ 'imɩ 'amä 'jrʋpalä kä 'fɩɔ 'naa' a nʋnʋkʋ mlɩbɩa, 'amä wiili 'ɔ 'bataa' nʋ, ɔ ‑srörö Jesu 'Kriisë kälɩ 'ɔmä 'amɩ 'lɩ wiili käa' 'ɔɔn 'tʋ ‑tʋ. 'Ɔɔ kä 'bʋalakʋ 'plɔʋplɔʋa ‑gʋ! 'Asɩ i bä!

Ebröönyüü 13:2

'Ba 'kʋɛɛlɩ nyɔtugbanyüüa 'doo. 'Be ‑mülüü nʋ 'imɩ, 'ünyɩ 'iin jre ‑a jre 'ünya pla 'üa nyüköli 'aanjë.

Ebröönyüü 10:24

A ‑gäglänyiöli amä 'klülɩpapla amä ‑wawla ‑bɛ amä 'cɩcagbi nʋ.

Titë 3:14

'I 'na 'kä ana nyüü 'kpɩa bɩa 'cɩcagbia nʋnʋkʋ, 'ümä nyüüa ‑gbajijikʋ mlɩbɩa 'ü ‑pɩ ‑beere tuulu 'nyɩ tʋa'.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Lukë 7:38

'Ŋlʋʋlɔ nya 'prɛrɛ 'ɔa dɛrɩ, 'ɔa beia 'pɛlɩ, 'ɔnya 'wu ‑bɛ 'ɔa 'mɩɔ totro Jesua bei 'wʋ. 'Ɔnya nʋ 'ɔa 'ŋuei 'ɔnya wɔpɔ 'uun, 'ɔnya 'kplara 'ɔa bei ‑tɔklʋ 'klɩ, 'ɔnya ‑gblɔɔ 'iin ‑daŋlʋɩnɩ 'wʋ 'kä.

Jenɛɛsë 18:4

'Ümä 'amɩ 'nɩ jie ja, 'amä bei ‑gba su, ‑bɛ 'amä ‑taa tuulua ‑wälɩ ‑fʋflʋ 'pala.

3 Jaan 1:12

Nyüüa 'fɩɔ 'paa Demetriusëa 'cɩcanyrɩ. 'Ɔa 'cɩcagbia 'mʋgbɛ 'paa 'ɔa ‑gä, ana 'mʋgbɛ 'paa bɩa 'ɔa ‑gä, ‑bɛ ‑jre 'iin 'sɩrɩ ama 'paa' nyɔɔa ‑gä, 'i bäa' 'cɩcasa.

1 Piɛɛrë 4:9

‑Moloo ma ji ‑mɔa nyüköli nɩ, ɔ 'kʋɛɛlɩ 'ɔɔn 'cɩcasa, ‑maa 'ɔnyɩ 'pala 'ɔa ‑gʋ ‑plɛlɩ wii.

2 Timotee 3:15

Kolo ‑na nyɔkɔwlaa 'wʋ jre nyɔsʋaapɔɔkʋ; 'ii 'mrɛɛ i ‑nyɩ ‑mɩ 'lɩgaglakʋlʋ 'mäa' ‑mɩ 'lɩmlɩbabakʋ ‑nyɩ, 'lɩmlɩbabakʋlʋ bäa' Jesu 'Kriisë plɛtorokʋ 'lɩ.

2 Timotee 2:21

'A 'ia ‑gʋ nyɔɔlɔ 'cɛrɛa' 'ia bʋbɔgbilia 'fɩɔ ‑wälɩ nɩ, 'ɔnya ‑beere 'cɩca ‑püüülü 'nyɩ 'a 'lɩkäwla. 'Ünya 'ɔɔn 'klɩberea 'ɔa 'Kamanyɔɔa ‑gʋ. 'Ɔɔ 'ü nëmä 'cɩca 'jrʋpaa 'fɩɔ kälɩ ‑nyɩ.

2 Timotee 1:5

'N jre ‑na nyɔsʋaplɛtorokʋlʋ 'nyɩa' ‑gla 'klɩ bä, u bäa' ‑mɩ 'lɩ. 'A 'ɛɛ ‑na 'yioa 'yio Loiisë nyra ‑na 'yio Öniisë 'klaa kä; 'n 'suru, 'ɛɛ ‑klaa bɩa.

1 Timotee 5:25

'Cɩcagbiaa 'mʋgbɛ 'nyɩ ‑sisie ‑a ‑sisie; a 'jää 'imɩ. ‑Bɛ ‑mɩlɩ anyɩ 'jäa' 'köklesaplɩɩ nɩ, 'inyɩ ‑wlɛ ‑sisiedii 'lɩ ‑a.

1 Timotee 2:10

‑Maa abɩa 'ŋlëgë srara 'üa 'nanakʋ 'üa 'cɩcagbia 'mlɩ, 'sɩrɩ 'ŋlëgë ma 'daa 'ü ‑träärä 'lɩ Nyɔsʋa, 'asɩ ü bä 'wʋ.

Kolɔɔsënyüü 1:10

'Ia 'taɩn 'lɩ nɩ, 'a 'mrɛɛ 'amä 'Pläkänyɔɔ 'tʋkä wiia 'fɩɔa 'mlɩ; 'a 'mrɛɛ 'amä 'ɔa 'klʋɩ 'nyɛrɛ. 'Anya 'mʋfagbia 'kaɩn 'kaɩn nʋa ‑beere tuu ‑tʋa', 'kä 'ana nyɔsʋajejrekʋ nya ‑gälɩpapla.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Akëtë 22:12

«Nyɔɔ 'doo bä kä 'lɩ, 'ɔɔ 'ü 'daraa' Ananiasë. 'Ɔ ‑träärälɩ Moisëa ‑Dɔ, juifëlü kä 'fɩɔ bäa' 'lɩ 'lee 'paa 'ɔa 'cɩca 'nyrɩ.

Akëtë 10:22

'Ünya ‑gbala 'ɔɔn ‑maa: «'Sʋgɩanyüüa 'kamanyɔɔ Kɔrënɛɛyë blɔ amɩ. 'Ɔ ‑gäklɩ ‑bɛ 'ɔ pɩɛ Nyɔsʋa. 'Ɔa 'cɩcanyrɩ bä juifënyüüa 'fɩɔa mlɩ. Nyɔsʋaa 'nyüna 'aanjë ‑gbala 'ɔɔn ɔ were ‑mɩ 'ɔa ‑nyɛɛ, wiili ‑nëmäa' 'lɩsa 'ɔmä 'iin 'nyaklipo.»

Akëtë 9:39

Piɛɛrë nya sɔwʋ, 'ɔ nyra 'üün nya mi. 'Ɔ 'tɔa' nɩ, 'ünya fa 'ɔɔn nyëkaklöölä bäa' cɛlɩa 'mlɩ. 'Kusroŋlëgëlüa 'fɩɔ nya jijrö 'ɔɔn ‑gba ‑bɛ 'ü 'wuö. 'Ünya srara 'ɔɔn 'koti nyra ‑gälɩpakotili Dɔrëkaasë ma 'kplaaa' 'taɩn 'lɩ 'ɔ ‑ka bä käa' 'lɩ.

Akëtë 6:3

'Ii känyrɩ, 'na ‑wlajü 'amɩ, 'ba 'balɩ nyüü ‑uunsɔɔ 'ana ‑tɔrʋpɩɔ, ü nyüü poa' 'nyakli, ü 'Nyüna ‑Susu 'sia' 'klɩ ‑bɛ ü ‑glaa' 'lɩ, amä 'üün 'ia 'jrʋpalä ‑nyɩ.

Jenɛɛsë 24:32

Nyɔɔlɔ nya 'tɔ ‑gbööli. Labaan nya 'ba samooɩɩa ‑gälɩ ‑pööti; 'ɔnya ‑nyɩ samooɩɩ mamasipi nyra 'üa jijri. 'Ɔnya ‑nyɩ nyɔɔlɔ nyra 'ɔa nyüü 'nɩ 'ümä 'üa bei ‑gba su.

Jenɛɛsë 19:2

'ɔ ‑nëma: «'Na 'pläkänyüü, 'n bibie 'amɩ, 'ba ji 'ana 'jrʋpafɛnyɔɔa ‑nyüköli 'amä 'lɩ 'prere, ‑bɛ 'amä 'ana bökli ‑gba su. 'Ama tɛkä ‑srɩkägblawla ‑bɛ 'amä ‑si.» 'Iibäa' 'üün nɩ: «‑Woo, anya ‑saplɛ 'lɩ 'prerea.»

1 Timotee 5:16

'Kusroŋlëgë ma bä 'cɛcɩnyɔɔ 'aiɛ 'cɛcɩŋlʋʋa ‑nyɛɛ nɩ, ɔ ji 'üün ‑gba, 'ɔnyɩ 'cɛrɛ 'üün 'cɛcɩ ‑gba. 'Ia 'taɩn 'lɩ nɩ, 'cɛcɩ 'mrɛɛ ɛ ji 'kusroŋlëgëlü 'nyɩa' 'kasa nyɔɔ kä ‑gba.

1 Timotee 3:7

Abɩa nyüülü 'nyɩa' 'cɛcɩnyüü bä 'pa 'ɔa 'cɩca 'nyrɩ, 'ü ‑pɩ 'ɔa bʋbɔnyrɩ 'pa, 'ɔ ‑pɩ Sataan a ‑gbasi mlɩ blö.

Jenɛɛsë 43:24

Nyɔɔlɔ nya pla 'üün Josɛɛfëa ‑gbööli, 'ɔnya ja 'üün 'nɩ 'ümä 'üa bökli ‑gba su. 'Ɔnya ‑nyɩ 'üa ‑sʋbru jijri.

1 Timotee 3:2

'Ii känyrɩ, nyɔɔ 'mäa' 'cɛcɩtagbö bä nɩ, 'ɔa bʋbɔnyrɩ ‑nëmä nyüüa mlɩ ‑a bä: 'ŋlʋʋ 'dooa dʋɔ, ɔ kälä 'ɔa nyufaa wiigba, ɔ jre wiia 'kplaklakʋ, ɔ bä 'lɩträäränyɔɔ, ɔ bä nyüü 'lɩkʋɛɛnyɔɔ, ɔ bä bɩa nyüüa 'kpɩkpɩakʋ mlɩ.

Matiö 25:17

‑Mɔlɔ 'jäa' 'sɔɔ nya nʋ dɛɛ 'dee 'ɔnya 'järä 'ia ‑gälɩ talaan 'sɔɔ ‑mölöö.