1 Timotee 4:12 - Kuö Dëdrä Jenɛɛsë Rutë

¹² Nyɔɔ 'nyɩ fɛrɛ ‑na sëgbadɛɛ! Bä nyɔsʋaplɛtoronyüüa 'klɩtɛnyɔɔ, ‑na 'papawiia 'mlɩ, ‑na nʋnʋgbia 'mlɩ, ‑na ‑wawakʋ 'lɩ, ‑na ‑susu 'lɩ ‑na nyɔsʋaplɛtorokʋ 'lɩ nyra ‑na ‑fre 'klɩfɔlɔkʋ 'lɩ.

1 Timotee 4:12 Referans Kwoze

Titë 2:7

‑Na 'mʋgbɛlɔ nɩ, nʋ 'cɩcagbi wiia 'fɩɔa 'mlɩ nyüü 'mä ‑na 'sa nʋ. ‑Bɛ ‑na 'kpɩkpɩakʋa 'mlɩ nɩ, nʋ 'imɩ 'cɩcasa 'lɩ, 'lɩträäräkʋ 'lɩ nyra 'klɩgägäkʋ 'lɩ.

2 Timotee 2:22

Fɔlɔ ‑sëgbadɛɛa bʋbɔgbi 'klɩ. Nyüülü nöa' 'üa plɛa 'fɩɔ ü wea' 'Pläkänyɔɔ nɩ, 'üa ‑gba ‑a ‑baatra 'klɩgägäkʋ, nyɔsʋaplɛtorokʋ, ‑wawakʋ nyra plɛgälɩflɛrɛkʋ.

2 Timotee 2:15

'Pa 'kpɔɔ ‑mä Nyɔsʋa 'tʋkä ‑beere 'mʋfa 'jrʋpafɛnyɔɔ 'nyɩa' 'nyüsü kä ‑bɛ ɔ 'kpɩaa' nyüü 'mʋfasa 'papawiili bäa' 'cɩcasa.

1 Piɛɛrë 5:3

'Ana 'klügälɩkäläkʋ 'nyɩ nrörö nyüülü 'ü tɩa' 'amɩ ‑gba ‑goou 'lɩ, ‑maa 'ba bä 'üa ‑gʋ ‑gälɩtɛnyüü.

1 Korɛɛntënyüü 11:1

'Sɩrɩ 'n nöa' 'Kriisëa 'sa nɩ, 'ba nʋ bɩa 'na 'saa.

1 Tɛsalonikënyüü 1:6

'Amɔlɔ nɩ, 'a nʋ ana 'sa nyra 'Pläkänyɔɔa 'sa. 'A 'jä ‑sʋɩa 'fɩɔ, ‑maa 'asɩɛ 'a nʋ dɔrʋlʋ sɔa' 'Nyüna ‑Susua ‑nyɛɛ 'anya 'nyiere nyɔsʋaawii 'klɩ.

Titë 2:15

‑Jää wiili ‑käa' ‑nëmäa' 'kpɩa 'kamasa. 'Jrara nyüüa 'klü 'kä ‑paaa 'üün ‑tɔɔɔ 'lɩ. Nʋ 'imɩ, ŋalɛ 'nyɩ 'bla ‑mɩ. Nyɔɔ 'nyɩ fɛrɛ ‑mɩ.

Matiö 18:10

«'Ba ‑tre 'ana nyüfë ‑bɛ 'anyɩ 'pa 'ia ‑tɔrʋpɩɔa 'jʋ 'doo sawʋ, 'be 'n ‑gbala 'amɩ: 'üa 'aanjëlü bäa' cɛlɩ, 'ü kʋ 'na Tʋlɔ bäa' cɛlɩ, 'ɔa 'klɩ 'plɔʋplɔʋ.

2 Timotee 2:7

Bobo wiili 'n ‑gbalaa' ‑mɩ 'cɩcasa: 'be 'Pläkänyɔɔ nya 'iin nʋa 'kä ‑nya 'ia 'fɩɔ 'wli 'nu.

Jaakë 3:13

Nyɔɔ bä 'ana ‑tɔrʋpɩɔ ɔ jre wii ‑bɛ 'ɔ ‑glalɩ ɔ srara 'imɩ plɛblösa 'ɔa 'cɩcagbia mlɩ.

Jaakë 3:17

Cɛlɩa 'lɩgaglakʋ 'nyɩ ‑fre ‑a pa, 'unyɩ 'blarʋ ‑a kä, 'u ‑plɔ. Cɛlɩa 'lɩgaglakʋ ‑träärälɩ nyüü, 'u cere nyüüa ‑balʋ, 'u 'si 'cɩcagbi 'klɩ, 'unyɩ ‑glɛglɛ ‑a, 'unyɩ 'pa nyüü mlüü 'lɩ ‑a. 'Unyɩ bä ‑glaaklɩ.

Filipënyüü 4:8

'Na ‑wlajü 'amɩ, 'ba ‑tʋ 'ana bobowli ‑taa waklüülü kʋa' ‑pɩ ‑gälɩ: diili kä 'fɩɔ bäa' 'cɩcasa, ibäa' 'lɩträäräsa, i ‑gäa' 'klɩ, i kä 'fɩɔ 'nyɩa' ‑fre pa, i kä 'fɩɔ 'naa', diili 'wʋa' ‑wawakʋ nyra 'bʋalakʋ 'klɩ, 'ii 'ba bobo.

1 Tɛsalonikënyüü 2:10

'A 'jä 'imɩ, Nyɔsʋaa 'mʋgbɛ nya 'jä 'imɩ, 'sɩrɩ a 'nyɛrɛa' 'ana ‑tɔrʋpɩɔ 'amɔ bäa' nyɔsʋaa plɛtoronyüü, 'sɩrɩ Nyɔsʋa 'bataa' 'a 'ia 'sa a 'nyɛ. A ‑gäklɩ, anyɩ ‑fre 'lɩ ‑a bä. Nyɔɔ 'nyɩ 'lɩ ‑a bɩa ɔ 'pa ana ‑gʋ bʋbɔwii.

1 Timotee 1:14

Ana 'Pläkänyɔɔa ‑gbinanakʋ nya 'si 'mɩ 'klɩ, 'ɔ ‑nyɩ 'mɩ nyɔsʋaplɛtorokʋ nyra ‑wawakʋlʋ bäa' 'Kriisë Jesu 'lɩ.