1 Timotee 3:6 - Kuö Dëdrä Jenɛɛsë Rutë

⁶ 'Ɔnyɩ bä nyɔɔlɔ ‑ka 'nyierea' ‑plɩɩ nyɔsʋaawii 'klɩ; 'ɔ ‑pɩ Sataan a 'sa 'pɔnɩ 'ɔa 'lɩgbagbakʋa ‑gʋ.

1 Timotee 3:6 Referans Kwoze

1 Timotee 6:4

'ɔnyɩ dɛɛ ‑a jre, 'lɩ 'ɔ ‑gbaaa. Waklüüa ‑gälɩ ‑toplokʋa ‑wusu 'blaa 'ɔmɩ. 'A 'i ja diia 'tʋ, 'blarʋ, ‑jejrekʋ nyra nyɔɔ ‑molooa bʋbɔwiia bobokʋ,

1 Piɛɛrë 5:5

‑Sëgbë 'amɩ, 'ana 'mʋgbɛ 'ba ‑träärälɩ 'cɛcɩtagbü, 'kä 'a ‑täträlɩ. 'Ba 'cie 'ana nyüfë 'wʋ, 'be 'i ‑jɩjra: «Nyɔsʋa 'nyɩ 'bata nyüülü 'jraraa' 'üa nyüfëa, ‑maa 'ɔ srara 'ɔa ‑gbinanakʋ nyüülü 'ciea' 'üa nyüfë 'wʋ.»

1 Piɛɛrë 2:2

Nyɔsʋaawii 'iibä 'cɩca nyɩtɩnɩ, 'ba 'bata 'iin ‑beere 'sɩrɩ 'jüplü 'bataa' nyɩtɩnɩ 'amä 'bʋa ‑bɛ 'amä 'lɩmlɩwʋ,

2 Korɛɛntënyüü 12:7

Wiili Nyɔsʋa sraraa' 'mɩ ibäa' plɛklɩkalawii nɩ, 'ɔ ‑tʋ 'mɩ ‑sʋɩ 'doo ‑gälɩ ‑beere 'büti 'järä 'na fugba ‑sʋɩ 'lɩ 'nyɩ ‑pɩ ‑gʋ 'lɩgba. Sataan kälɩ 'ɛ sɔ; 'ɔɔ Nyɔsʋa ‑tʋ 'lɩ 'ɔmä 'mɩ ‑sʋɩ 'lɩ tʋ 'nyɩ ‑pɩ 'lɩgba.

1 Korɛɛntënyüü 8:1

Dɛɛlɛ bäa' mlaalü 'ü 'blaraa' ‑wäsɩa nɩ, ‑yɛɛ ana 'fɩɔ jre 'cɩcasa. 'Ia wiijejrekʋlʋ nö 'iin kä a ‑gbaalɩ, ‑maa ‑wawlakʋ 'paa nyɔɔ 'klü 'lɩ.

1 Korɛɛntënyüü 3:1

'Mɔɔlɔ nɩ, 'na ‑wlajü 'amɩ, 'nyɩ 'amɩ ‑gba ‑a dɛtrɛ, ‑beere nyüü Nyɔsʋaa ‑Susu bäa' 'lɩ. ‑Maa 'sɩrɩ 'a bäa' nyüülü nöa' wiili käa' 'jajɛ tʋ, ‑bɛ 'a bäa' 'jüplü 'Kriisë 'lɩ nɩ, 'a 'ia 'sa 'n dɛtrɛ 'amɩ ‑gba.

Judë 1:6

'Aanjëlü 'nyɩa' bɩa 'üa 'kamablɩa 'mlɩ kʋ ‑bɛ ü sɔa' 'lɩ nɩ, Nyɔsʋa 'pa 'üün 'cɩ 'jöjrüükpü 'lɩ 'plɔʋplɔʋa ‑gʋ, 'ümä ‑gäa ‑srɩ ‑susugbee ‑glaaa.

2 Piɛɛrë 2:4

'A jre 'iin 'sɩrɩ, Nyɔsʋa 'nyɩa' 'aanjëlü nʋa' ‑balʋ 'klɩ ‑a bere, ‑maa 'ɔ be 'üün 'lɩtʋŋlɔbütügbaa 'mlɩ, 'ü 'pala 'cɩ 'jöjrüükpü 'lɩ; 'üa ‑gätʋtaɩn 'ü ‑glaaa.

2 Timotee 3:4

'Ünya ‑mölöö ‑trɔɔrɔa, diili käa' 'üa plɛ 'tʋ, 'ii 'ü malawʋ ‑bɛ 'ü ‑gbaalɩ ‑gböösa. Diili käa' 'üa polu 'tʋ, 'ii 'ü nëmä ‑wa 'kä 'ünya Nyɔsʋaa ‑wawakʋ 'wʋsi.

Lukë 10:18

'Ɔnya ‑gbala 'üün: «'N 'jä Sataan ‑bɛ 'ɔ sɔ cɛlɩ 'ɔ blö ‑beere ‑mamɛɛ.

1 Timotee 3:7

Abɩa nyüülü 'nyɩa' 'cɛcɩnyüü bä 'pa 'ɔa 'cɩca 'nyrɩ, 'ü ‑pɩ 'ɔa bʋbɔnyrɩ 'pa, 'ɔ ‑pɩ Sataan a ‑gbasi mlɩ blö.