1 Timotee 2:2 - Kuö Dëdrä Jenɛɛsë Rutë

² 'Ba bibie 'kɩɩɩa nyra nyüülü kä 'fɩɔ 'kamaa 'wlili, 'kä ana 'klä ‑pɩ ‑yrɛ 'lɩ blö, 'ämä ‑pio bä, 'amä wiia 'fɩɔa mlɩ srara 'sɩrɩ a kpasraa' Nyɔsʋa ‑gba ‑bɛ a ‑trääräa' 'lɩ 'ɔmɩ.

1 Timotee 2:2 Referans Kwoze

1 Tɛsalonikënyüü 4:11

'Sɩrɩ 'amäa' nʋ ‑bɛ 'amäa' 'pʋpʋɛ 'lɩ kʋ, 'ii 'ba bobo. 'Ana 'mʋgbɛ 'ba ‑fɛ 'jrʋpa 'sɩrɩ a ‑gbalaa' 'amɩ,

Ebröönyüü 12:14

‑Yrɛ 'nyɩ bä 'a nyra nyüüa 'fɩɔa ‑tɔrʋpɩɔ, 'kä 'ana 'klä ‑gäääklɩ. Nyɔɔlɔ 'nyɩ nʋa' 'iin nɩ, 'ɔ ‑nëmä 'Pläkänyɔɔ ‑a 'jä.

Rɔmënyüü 12:18

Ima 'wʋ 'iin 'klɩ nɩ, 'ba nyra nyüüa 'fɩɔ 'nönröwli.

Filipënyüü 4:8

'Na ‑wlajü 'amɩ, 'ba ‑tʋ 'ana bobowli ‑taa waklüülü kʋa' ‑pɩ ‑gälɩ: diili kä 'fɩɔ bäa' 'cɩcasa, ibäa' 'lɩträäräsa, i ‑gäa' 'klɩ, i kä 'fɩɔ 'nyɩa' ‑fre pa, i kä 'fɩɔ 'naa', diili 'wʋa' ‑wawakʋ nyra 'bʋalakʋ 'klɩ, 'ii 'ba bobo.

Akëtë 24:16

'A 'ia ‑gʋ 'n 'paalɩklü ‑srɩ o ‑srɩ, 'na plɛ ‑pɩ 'mɩ 'daa Nyɔsʋa nyra nyüüa 'klʋɩ.

Akëtë 10:22

'Ünya ‑gbala 'ɔɔn ‑maa: «'Sʋgɩanyüüa 'kamanyɔɔ Kɔrënɛɛyë blɔ amɩ. 'Ɔ ‑gäklɩ ‑bɛ 'ɔ pɩɛ Nyɔsʋa. 'Ɔa 'cɩcanyrɩ bä juifënyüüa 'fɩɔa mlɩ. Nyɔsʋaa 'nyüna 'aanjë ‑gbala 'ɔɔn ɔ were ‑mɩ 'ɔa ‑nyɛɛ, wiili ‑nëmäa' 'lɩsa 'ɔmä 'iin 'nyaklipo.»

Lukë 2:25

Nyɔɔ 'doo bä kä Jerusalɛɛmë 'ɔɔ 'ü 'dara Simeɔɔn. Nyɔɔlɔ ‑gäklɩ, 'ɔ ‑träärälɩ Nyɔsʋa. Israɛɛlëa 'klülɩpapakʋ 'ɔ ma ‑glaaa'. 'Nyüna ‑Susu bä kä 'ɔɔn 'lɩ,

Lukë 1:6

Sakarii ‑bɛ 'ɔa 'ŋlʋʋ ‑gäklɩ Nyɔsʋa 'klɩ ‑gälɩ; 'ü ‑träärälɩ 'ɔa ‑dɔa 'fɩɔ, wiili 'Pläkänyɔɔ 'daaa' 'ii 'ü nö, 'ünyɩ wala dɛɛ ‑a.