1 Timotee 2:10 - Kuö Dëdrä Jenɛɛsë Rutë

¹⁰ ‑Maa abɩa 'ŋlëgë srara 'üa 'nanakʋ 'üa 'cɩcagbia 'mlɩ, 'sɩrɩ 'ŋlëgë ma 'daa 'ü ‑träärä 'lɩ Nyɔsʋa, 'asɩ ü bä 'wʋ.

1 Timotee 2:10 Referans Kwoze

1 Piɛɛrë 2:12

'Ba kä 'cɩcagbi nyüülü 'nyɩa' Nyɔsʋa jrea ‑tɔrʋpɩɔ. 'Ama nʋ 'saa nɩ, ‑gbʋgblʋʋkänyüüa 'nyrɩ 'lɩ 'ümäa' 'amɩ ‑gälɩ ‑tʋ, üma 'jä 'ana 'cɩcagbi nɩ, 'ünya Nyɔsʋaa 'nyrɩ 'bʋalaa ‑srɩlɩ kä 'mlɩ 'ɔmäa' 'üa 'kläa 'mlɩ ji.

'Nyügälɩjawii 2:19

'N jre ‑na nʋnʋdii, 'n jre ‑na ‑wawakʋ, 'n jre ‑na nyɔsʋaplɛ, 'n jre 'iin 'sɩrɩ ‑fɛɛɛa' Nyɔsʋa 'jrʋpa, nyra ‑na plɛblöblökʋ. 'N jre 'iin 'sɩrɩ ‑na nʋnʋdii ‑sɔɔrɔa' 'wʋ 'kä ‑kätɩsaa ‑gʋ.

Akëtë 9:36

'Ŋlʋʋ 'doo bä kä 'wʋnyɛrɛnyüüa ‑tɔrʋpɩɔ bätälä 'ü 'daraa' Jopee 'äa 'mlɩ, 'ɔa 'nyrɩ bä Tabita. 'Iibä Dɔrëkaasë grɛɛkëwii 'lɩ. 'Ɔ ma nö nyüü 'mʋfagbi ‑gba, ‑bɛ 'ɔ ma jö 'pʋablanyüü ‑gba.

2 Piɛɛrë 3:11

‑Bɛ diia 'fɩɔ 'mäa' 'saa saka nɩ, ‑asɩ 'ana nʋnʋgbi nya bä le? Abɩa ana 'nyɛnyɛbeia 'nyü 'na ‑bɛ abɩa 'ia tie bä Nyɔsʋaa 'lɩträäräkʋ.

Titë 3:8

Wiili 'n ‑gbalaa' ‑mɩ nɩ, 'i bä 'tasɩrɩa wii, ‑bɛ 'n 'bata ‑a ‑sɔɔrɔ 'ia ‑gälɩ mɛ 'wʋ, nyüülü toroa' Nyɔsʋa plɛ 'mä 'klü 'pa 'ümä 'mʋfagbi nʋ. 'A wiili 'naa' ‑bɛ i 'mrɛɛa' 'imäa' nyɔɔ ‑gbaji.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Akëtë 9:39

Piɛɛrë nya sɔwʋ, 'ɔ nyra 'üün nya mi. 'Ɔ 'tɔa' nɩ, 'ünya fa 'ɔɔn nyëkaklöölä bäa' cɛlɩa 'mlɩ. 'Kusroŋlëgëlüa 'fɩɔ nya jijrö 'ɔɔn ‑gba ‑bɛ 'ü 'wuö. 'Ünya srara 'ɔɔn 'koti nyra ‑gälɩpakotili Dɔrëkaasë ma 'kplaaa' 'taɩn 'lɩ 'ɔ ‑ka bä käa' 'lɩ.

1 Timotee 2:9

'Asɩ 'n 'bata bɩa, 'ŋlëgë 'nyɩ ‑sesre ‑gbʋgbʋmäklɩ 'üa 'sosrokʋ nyra 'ŋuei nʋnʋkʋ 'lɩ. 'Ünyɩ 'sroo ‑sikadii, ‑plɩlɩ 'aiɛ 'dari 'lɩ, 'ünyɩ 'sroo 'kotili kä 'peru 'bʋaa' ‑gböösa.

1 Timotee 2:11

'Ŋlʋʋ 'nyɩ kä ‑a kä 'ɔmä wii 'pa, 'taɩn 'lɩ 'ü 'kpɩaa', 'ü kä 'ümä 'nyaklipo 'lɩträäräsa.