1 Timotee 1:5 - Kuö Dëdrä Jenɛɛsë Rutë

⁵ Dɛɛlɛ 'n 'batraa' wiili 'n ‑gbalaa' ‑mɩa 'mlɩ nɩ, 'ɛɛ bä ‑wawakʋlʋ sɔa' plɛlɛ 'nyɩa' ‑fre paa 'mlɩ, i sɔa' 'mʋfa bobowli 'lɩ nyra 'tasɩrɩa nyɔsʋaplɛtorokʋlʋ 'nyɩa' ‑gla 'klɩ bäa' 'lɩ.

1 Timotee 1:5 Referans Kwoze

1 Timotee 1:19

Toro Nyɔsʋa plɛ 'kä ‑na bobowli 'naa. 'Ia bobowlili nɩ, ‑mölöö 'ba ‑plɩ 'iin, 'üa nyɔsʋaplɛtorokʋ nya ‑gblooo.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

2 Timotee 2:22

Fɔlɔ ‑sëgbadɛɛa bʋbɔgbi 'klɩ. Nyüülü nöa' 'üa plɛa 'fɩɔ ü wea' 'Pläkänyɔɔ nɩ, 'üa ‑gba ‑a ‑baatra 'klɩgägäkʋ, nyɔsʋaplɛtorokʋ, ‑wawakʋ nyra plɛgälɩflɛrɛkʋ.

2 Timotee 1:5

'N jre ‑na nyɔsʋaplɛtorokʋlʋ 'nyɩa' ‑gla 'klɩ bä, u bäa' ‑mɩ 'lɩ. 'A 'ɛɛ ‑na 'yioa 'yio Loiisë nyra ‑na 'yio Öniisë 'klaa kä; 'n 'suru, 'ɛɛ ‑klaa bɩa.

2 Timotee 1:3

'N 'trɛɛ Nyɔsʋalɔ 'n nöa' 'na 'nyünaplɛa 'fɩɔ ɔ kä 'jrʋpa 'n ‑fɛɛɛa', 'sɩrɩ 'na tʋɩɩ ma nöa'. 'Asɩ 'n bibiea' Nyɔsʋa ‑srɩ ‑bɛ ‑gbia nɩ, 'n bobo ‑na ‑gäa 'doo.

1 Piɛɛrë 3:21

'Nie 'klɩ ‑srörökʋlʋ bä 'nɩwlipapakʋa 'pike, 'ii 'pʋɔ amɩ 'saarɩ. ‑Mää ana fugbaa ‑gba ‑a ‑fre 'babakʋ ‑a, ‑maa 'nyünaplɛa Nyɔsʋaa ‑nyɩnyɩkʋ bäsaa. Jesua 'Kriisëa 'kuaabrea sɔsɔkʋ 'lɩ a 'wʋlɩmlɩ.

1 Piɛɛrë 3:16

'Anyɩ pla 'ana bobowli ‑fre, nyüülü paaa' 'ana bʋbɔnyrɩ 'ana 'cɩcagbili 'a nöa' 'Kriisë 'lɩa ‑gʋ, ‑bɛ 'ü 'daaa' 'amɩ ‑beere ‑balʋnyüü nɩ, 'nyüsü 'mä 'üün 'bla.

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.

2 Piɛɛrë 1:7

Nyɔsʋaa ‑gbaa kpasrakʋa ‑gälɩ nɩ, 'ba 'palɩ ‑wawlakʋ, ‑bɛ ‑wawlakʋa ‑gälɩ nɩ 'ba 'palɩ 'tasɩrɩa ‑wawakʋ.

Rɔmënyüü 10:4

'Kriisë, 'ɔɔ bä ‑dɔa bɩarɛ, 'kä nyüülü kä 'fɩɔ toroa' 'ɔɔn plɛ nɩ, Nyɔsʋa 'mä 'üün 'klɩgänyüü 'dara.

Titë 1:15

Nyüülü 'nyɩa' ‑fre pa, diia 'fɩɔ kpëträ 'üa ‑gʋ, ‑maa ‑mülü 'paa' ‑fre ‑bɛ 'ünyɩ toroa' Nyɔsʋa plɛ nɩ, dɛɛ 'dee 'nyɩ kpëträ ‑a kpëträ 'üa në ‑gʋ, 'üa wiijejrekʋ pa ‑fre, 'üa plɛ nya 'su 'wʋ.

1 Timotee 3:9

'Ü kä 'ümä 'üa 'cɩca bobowli nʋ, 'ümä 'cɩcasalä ‑sisrea' nyɔsʋaplɛtorokʋa 'mlɩ 'kpla 'mʋfasa.

2 Korɛɛntënyüü 1:12

‑Jää wiili kä ‑gʋ dɔrʋ 'blaaa' amɩ ana bobowlia 'mlɩ: ana nʋnʋgbi 'wlalɩkä, 'inya bä 'cɩcasa nyüüa ‑tɔrʋpɩɔ ‑gböösa. 'Iili nɩ, Nyɔsʋaa ‑nyɛɛ 'i sɔ ‑bɛ 'i jö amɩ ‑gälɩ. Nyɔsʋaa ‑gbinanakʋ 'uu 'tiere amɩ, ‑mää nyɔɔa 'lɩgaglakʋ ‑a.

1 Piɛɛrë 4:8

‑Maa wiili bäa' 'ia 'fɩɔa 'wli nɩ, 'ba nʋ 'ana plɛa 'fɩɔ 'ba ‑wawla, 'be ‑wawlakʋ cere ‑balʋ 'kɔkɔmlɛ.

Jaakë 4:8

'Ba jijrö Nyɔsʋa ‑gba, ‑bɛ 'ɔmä 'amɩ ‑gbajijrö. ‑Balʋnyüü 'amɩ, 'ba 'wʋ ‑fre 'lɩ; 'ba kpëtä 'ana polu, 'amɔ käa' polu 'sɔɔ!

Akëtë 23:1

'Pɔɔlë nya tɛ juifëa tropina 'lɩa nyüü 'klɩ 'ɔ ‑nëma: «'Na ‑wlajü 'amɩ, Nyɔsʋaa 'nyrɩklɩa ‑gʋ 'nyɩ 'na ‑susu ‑fre ‑a pla ‑a ji 'saarɩ ‑gälɩ; 'na plɛ 'nyɩ ‑taaralɩ ‑a 'ia ‑gʋ.»

1 Jaan 3:3

Nyɔɔ o nyɔɔ 'piea' 'iin plɛ ‑gälɩ nɩ, 'ɔa nyufa 'ɔ kpëtä 'sɩrɩ 'Kriisëa 'mʋgbɛa 'nyü 'naa'.

Ebröönyüü 10:22

ŋalɛ 'nyɩ 'blaa amɩ a jijrö Nyɔsʋa ‑gba, 'be ana plɛ ‑gäklɩ, 'ɛ 'si 'ɔa plɛtorokʋ 'klɩ. Bʋbɔ bobowiili kä 'fɩɔ bäa' ana plɛ ‑gälɩ, i kpëträ, 'kä ana fugba ‑futo 'nɩlɩ 'nyɩa' ‑fre pa.

1 Korɛɛntënyüü 13:1

Ama 'pa nyüü nyra 'aanjëa mlɩa wii, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'n ‑beere ‑gliii, 'aiɛ tutufʋfʋ 'ü böa', u käa' ‑yrɛ.

Rɔmënyüü 14:15

‑Ama 'jɔklɔ ‑na ‑wlajʋa 'klü jijria ‑gʋ nɩ, ‑mää ‑wawakʋ 'lɩ ‑kanyɩ 'nyɛrɛ. ‑Nyɩ bʋblɔ nyɔɔlɔ kä ‑gʋ 'Kriisë jäa' jijria ‑gʋ.

Rɔmënyüü 9:1

'Cɩcasa 'n ‑gbala 'amɩ, ‑mää ‑gbagblɛ ‑a, 'be 'Kriisë 'lɩ 'n bä; 'Nyüna ‑Susu 'tiere 'na bobowli 'kä 'i 'paa watu 'doo:

Akëtë 24:16

'A 'ia ‑gʋ 'n 'paalɩklü ‑srɩ o ‑srɩ, 'na plɛ ‑pɩ 'mɩ 'daa Nyɔsʋa nyra nyüüa 'klʋɩ.

Akëtë 15:9

'Ɔnyɩ amɩ ‑tɩa ‑a 'bö, 'be 'üa nyɔsʋaplɛ 'ɔ tɛklɩ 'ɔnya kpëtä 'üa polu.

Matiö 12:35

'Cɩcanyɔɔlɔ nɩ, 'ɔa plɛ 'si 'cɩcadii 'klɩ; 'ii 'ɔ 'baa 'cɩcadii. Plɛbʋbɔnyɔɔlɔ nɩ, 'ɔa plɛlɛ 'sia' bʋbɔgbi 'klɩ nɩ, 'ii 'ɔ 'baa plɛbʋbɔdii.

Matiö 5:8

Abɩa dɔrʋ 'bla nyüülü kä plɛ ‑gälɩ 'pɔlɔa', 'be 'ünya Nyɔsʋa 'jäa.

1 Jaan 3:23

‑Jää 'ɔa ‑dɔlʋ 'ɔ ‑nyɩa' amɩ: a toro 'ɔa 'Jʋ Jesu 'Kriisëa 'nyrɩ plɛ, 'kä a ‑wawla 'sɩrɩ 'ɔa ‑dɔlʋ 'ɔ ‑nyɩa' 'amɩ ‑gbaa'.

Ebröönyüü 13:18

'Ba bibie ana 'wlili. 'Be a 'suru 'sɩrɩ ana bobowli 'naa'. 'Sɩrɩ amäa' nʋ ‑bɛ ana nʋnʋgbi 'mäa' 'na wiia 'fɩɔa 'mlɩ nɩ, 'iibä ana bobokʋ.

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

Galaatënyüü 5:6

'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii.

Rɔmënyüü 12:9

'Ana ‑wawlakʋ 'nyɩ bä ‑glaaklɩ. 'Ba jrara ‑balʋ 'nyüa 'mlɩ, 'kä 'a nö i 'naa' ‑a 'doo.

1 Timotee 1:18

'Na 'jʋ Timotee, ‑jää wiili 'mäa' ‑mɩ ‑gbala. 'Ii ‑bɛ wiili nyɔsʋaamlɩpalanyüü 'sa käa' 'lɩ ‑na ‑gʋ bä dɛɛ 'dee. I kʋ ‑na plɛklɩ ‑mä 'mʋfa ‑golu ‑fu nyɔsʋaplɛtorokʋ 'lɩ.

1 Jaan 3:10

‑Jää 'sɩ 'ü jrea' Nyɔsʋaa 'jü nyra Sataan a 'jü: nyɔɔ o nyɔɔ 'nyɩa' 'klɩgä, 'aiɛ ɔnyɩa' 'ɔa ‑wlajʋ ‑wa nɩ, 'ɔnyɩ Nyɔsʋaa 'jʋ ‑a bä.