1 Timotee 1:4 - Kuö Dëdrä Jenɛɛsë Rutë

⁴ ‑Gbala 'üün bɩa ‑kätɩ nänëlë nyüü 'saraa' 'lɩ 'üün, nyra 'üa tʋɩɩa 'klɩtotrotɔɔlʋ 'ü 'paaa' unyɩ bɩaraa' nɩ, 'ünyɩ 'dara 'iin wii. 'I ja ‑topokʋ; 'inyɩ ‑fɛ Nyɔsʋa 'jrʋpalä nröröa' nyɔsʋaplɛtorokʋ 'lɩ ‑a.

1 Timotee 1:4 Referans Kwoze

Titë 3:9

‑Maa ‑nyɩ ‑topo mlüüsa, ‑nyɩ mala ‑kätɩnyüüa 'nyrɩa ‑täsäkʋ 'wʋ, ‑nyɩ 'blara, ‑nyɩ ‑topo ‑dɔwiia ‑gʋ. 'Ia 'fɩɔlʋ bä 'fëflɛdii, 'inyɩ fala 'klɔɔtrʋ ‑a.

Titë 1:14

'Ia 'taɩn 'lɩ nɩ, 'ü ‑ka ‑nëmä juifëa ‑kätɩkätɩwii plɛ ‑a toro, 'ü ‑ka ‑nëmä 'lɩ nyüüa ‑dɔlʋ bea' 'cɩcasa ‑gälɩ 'klɩ ‑a ‑träärä.

1 Timotee 4:7

‑Maa dɛɛlɛ bäa' 'nänëlë plaa' nyɔɔ ‑fre 'lɩ, 'inyɩ falaa' nyɔɔ 'klɔɔtrʋ nɩ, ‑nyɩ 'dara 'iin wii. 'Kpɩa 'sɩrɩ ‑nëmäa' nʋ ‑bɛ ‑mäa' Nyɔsʋaa 'lɩträärä 'kʋ ‑nyɩ.

2 Timotee 4:4

'Ünya 'üa 'nyakli kalaa 'ü ‑pɩ 'cɩcasa 'nyaklipo 'ümä ‑gʋ ‑gbagblɛwii 'nyaklipo.

2 Piɛɛrë 1:16

'Taɩn 'lɩ a sraraa' 'amɩ ana 'Pläkänyɔɔ Jesu 'Kriisëa 'klü nyra 'ɔa jijisrɩ nɩ, ‑mää 'nänë anyɩ 'amɩ 'klɩ pala. ‑Maa ana 'nyü 'jä 'ɔa 'bʋabʋakʋ.

1 Timotee 6:20

‑Wlajʋ Timotee, 'kpla 'mʋfasa wiili a ‑nyɩa' ‑mɩ kälɩ. ‑Gaalalɩ dɛtʋlʋ 'nyɩa' 'wli nyra ‑toko kä ‑gälɩ, 'kä ‑gaalalɩ ‑gbagblɛ ‑srɛsrɛkʋlʋ 'nyɩa' ‑gbaakä ‑gälɩ.

Ebröönyüü 13:9

'Anyɩ 'cɛrɛ 'ana nyüfë ‑wälɩ nyɔɔ 'nyɩ ji 'ɔnyɩ 'kpɩa 'amɩ ‑pasa 'kpɩkpɩakʋ, u nyra ‑mulu 'a 'kpɩaa' 'nyɩa' dɛɛ 'dee bä. 'I 'na Nyɔsʋaa ‑gbinanakʋ 'mä ana polu 'klülɩpa, ‑maa ‑mää jijria ‑dɔ ‑a. 'Ia ‑dɔlʋ nɩ, 'u ‑kaapɩɔ nyüülü prɛa' 'uun dɛrɩ 'känyɩgla.

2 Timotee 2:14

'Pa nyüü plɛ, ‑gbala 'üün ‑taa wiili 'Pläkänyɔɔa 'klʋɩ, 'ünyɩ 'blara waklüüa ‑gʋ. 'Ia ‑golulu 'nyɩ fala nyɔɔ 'klɔɔtrʋ ‑a, ‑maa nyüülü 'poa' 'iin 'nyakli, 'üa 'doo 'i bʋblɔ.

2 Timotee 2:22

Fɔlɔ ‑sëgbadɛɛa bʋbɔgbi 'klɩ. Nyüülü nöa' 'üa plɛa 'fɩɔ ü wea' 'Pläkänyɔɔ nɩ, 'üa ‑gba ‑a ‑baatra 'klɩgägäkʋ, nyɔsʋaplɛtorokʋ, ‑wawakʋ nyra plɛgälɩflɛrɛkʋ.

1 Timotee 6:11

‑Maa ‑mɔ bäa' Nyɔsʋaa nyɔɔ nɩ, fɔlɔ 'ia 'fɩɔlʋ 'klɩ. 'Bata ‑gböösa 'klɩgägäkʋ, Nyɔsʋaa 'lɩträäräkʋ, nyɔsʋaplɛtorokʋ, ‑wawakʋ, plɛböblökʋ nyra plɛpɩpɛ.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

Titë 1:1

'Mɔɔ 'Pɔɔlë, Nyɔsʋaa ‑geei nyra Jesu 'Kriisëa apotrë, 'mɔɔ ‑jɩjra. Nyɔsʋa ‑gbala 'mɩ ‑a we 'ɔa nyüülü 'ɔ 'baa' 'lɩ 'ümä nyɔsʋaplɛtoro, 'ümä 'cɩcasa jre, 'üa 'nyɛnyɛkʋ nyra 'üa nyɔsʋaplɛ 'mä dɛɛ 'dee bä.

2 Korɛɛntënyüü 1:12

‑Jää wiili kä ‑gʋ dɔrʋ 'blaaa' amɩ ana bobowlia 'mlɩ: ana nʋnʋgbi 'wlalɩkä, 'inya bä 'cɩcasa nyüüa ‑tɔrʋpɩɔ ‑gböösa. 'Iili nɩ, Nyɔsʋaa ‑nyɛɛ 'i sɔ ‑bɛ 'i jö amɩ ‑gälɩ. Nyɔsʋaa ‑gbinanakʋ 'uu 'tiere amɩ, ‑mää nyɔɔa 'lɩgaglakʋ ‑a.

Ɛfɛsënyüü 3:2

'N jresaa 'a 'nu 'sɩrɩ Nyɔsʋaa ‑gbinanakʋ 'lɩ 'ɔ ‑nyɩa' 'mɩ 'Mʋfagogoa 'sasajrʋpa 'ana ‑gʋ.

2 Timotee 2:23

Fɔlɔ 'fëflɛtopokʋ nyra mlüüsaa ‑topokʋ 'klɩ; 'be ‑jre 'iin 'sɩrɩ 'i käa' ‑golu.