1 Timotee 1:19 - Kuö Dëdrä Jenɛɛsë Rutë

¹⁹ Toro Nyɔsʋa plɛ 'kä ‑na bobowli 'naa. 'Ia bobowlili nɩ, ‑mölöö 'ba ‑plɩ 'iin, 'üa nyɔsʋaplɛtorokʋ nya ‑gblooo.

1 Timotee 1:19 Referans Kwoze

1 Timotee 3:9

'Ü kä 'ümä 'üa 'cɩca bobowli nʋ, 'ümä 'cɩcasalä ‑sisrea' nyɔsʋaplɛtorokʋa 'mlɩ 'kpla 'mʋfasa.

'Nyügälɩjawii 3:10

'N ‑gbalaa' ‑mɩ ‑a kpʋkplɔmlɩ ‑sʋɩa 'mlɩ ‑beere 'mɔɔ, ‑bɛ ‑nʋa' 'imɩ nɩ, 'ia ‑gʋ 'na 'mʋgbɛ 'nyaa ‑mɩ 'nyiöli ‑gääläa 'taɩn 'lɩ ‑sʋɩ 'mäa' 'pläa 'fɩɔa 'mlɩ ji. ‑Sʋɩlɩ jö 'imä ‑tʋtʋ ‑gälɩa nyüüa 'fɩɔ 'lɩtɛ.

1 Timotee 6:9

Nyüülü 'bataa' 'bɩɔjijikʋ 'nyɩ 'lɩ ‑balʋ dɛrɩ ‑a tʋŋlɔ, 'ü böblö ‑gbasu mlɩ: mlüüdii 'kɔkɔmlɛ nyra bʋbɔdiia 'tʋ 'tutro nyüü bʋblɔkʋ nyra 'mɔlɔkʋ 'lɩ.

Titë 1:9

'Ɔ kä 'ɔmä nyɔsʋaawiia 'mlɩ nyɔnyrɔ 'sɩrɩ 'ü 'kpɩaa' 'ɔmɩ 'iin. 'Ia 'taɩn 'lɩ 'ɔnya 'mrɛɛa 'ɔmä ‑mölöö 'klülɩpa, 'kä 'ɔnya 'üün srara 'sɩrɩ wiili 'ü 'saalɩ bäa' ‑gbagblɛ.

'Nyügälɩjawii 3:8

'N jre ‑na nʋnʋdii. 'N jre 'iin 'sɩrɩ ‑nyɩa' 'saa 'klü kä, ‑maa ‑tʋ 'na 'papawii 'nyü ‑gba, ‑nyɩ 'mɩ dɛrɩ ‑a sɔ. 'Ia ‑gʋ, 'n 'sara ‑mɩ tatu 'klɩ nyɔɔ 'nyɩ 'lɩ ‑a bɩa ɔ 'pa 'umɩ.

Ebröönyüü 3:14

'Be diili kä 'fɩɔ bäa' 'Kriisëa dii, amɔ kä 'imɩ, ‑maa a kä amä ana plɛgälɩpiepiekʋ 'lɩ kʋ kʋ ‑a ji 'plä 'mä bɩa,

2 Timotee 4:4

'Ünya 'üa 'nyakli kalaa 'ü ‑pɩ 'cɩcasa 'nyaklipo 'ümä ‑gʋ ‑gbagblɛwii 'nyaklipo.

1 Jaan 2:19

Ana ‑tɔrʋpɩɔ 'ü sɔ, ‑maa 'ü ma 'nyɩ ana ‑nyɛɛa nü ‑a bä. Üma bä ɩ ana ‑nyɛɛa nü nɩ, 'ü nyra amɔ nya ɩ ‑wälɩkʋa. ‑Maa 'ü sɔ amɩ dɛrɩ nyüü 'mä 'saa jre 'üa ‑tɔrʋpɩɔa nyɔɔ 'doo 'nyɩ kä 'kasa ana ‑nyɛɛa nyɔɔ ‑a bä.

1 Timotee 6:21

‑Mölöö nɩnɩa 'ü jre ‑taa wiili, 'ünya 'wʋ nyɔsʋaanyʋfɔ 'wʋ. 'Abɩa Nyɔsʋaa ‑gbinanakʋ bä ‑mɩ ‑gälɩ. 'Asɩ i bä.

1 Timotee 1:5

Dɛɛlɛ 'n 'batraa' wiili 'n ‑gbalaa' ‑mɩa 'mlɩ nɩ, 'ɛɛ bä ‑wawakʋlʋ sɔa' plɛlɛ 'nyɩa' ‑fre paa 'mlɩ, i sɔa' 'mʋfa bobowli 'lɩ nyra 'tasɩrɩa nyɔsʋaplɛtorokʋlʋ 'nyɩa' ‑gla 'klɩ bäa' 'lɩ.

Galaatënyüü 5:4

'Amɔ boboa' ‑maa ‑dɔa 'lɩträräkʋ nëmä 'amɩ 'klɩgä nɩ, 'a nyra 'Kriisë 'a ‑gbasɔsrɔ; 'a ‑kanyɩ Nyɔsʋaa ‑gbinanakʋ 'lɩ ‑a bä.

1 Korɛɛntënyüü 11:19

Abɩa 'crɛ bäblä 'mlɩ 'ana ‑tɔrʋpɩɔ ‑bɛ ‑mülü ‑trääräa' 'lɩ Nyɔsʋa 'mä jrere.

'Nyügälɩjawii 3:3

'Ii känyrɩ, 'pa wiili 'kpɩaa' nyra i ‑nuua' 'wli plɛ; ‑träärälɩ 'imɩ 'kä ‑toro 'lɩ ‑balʋ ‑gälɩ. ‑Ama 'nyɩ 'kä ‑a tɛ 'cɩcasa nɩ, 'nyaa ‑mɩ 'wʋ jia ‑beere 'jejienyɔɔ, ‑nëmä 'taɩnlɩ kä 'mlɩ 'mäa' ji ‑a jre.

Matiö 6:27

Nyɔɔ 'plɛɛ bä ‑pɩ 'ana ‑tɔrʋpɩɔ ɔ 'mrɛɛ 'kä plɛlɩtaarakʋa ‑gʋ ɔ 'pa 'ɔa jrüüa ‑gälɩ ‑gliiibɔʋ le?

1 Timotee 6:12

‑Fu 'cɩca ‑golulu bäa' nyɔsʋaplɛtorokʋ; 'kpla ‑gböösa 'klälä 'nyɩa' blöröfa kä. 'A 'kläläa ‑gʋ 'ɔ we ‑mɩ. ‑Nya 'nyiere kä Jesu 'klɩ nyüü 'kɔkɔmlɛa 'klʋɩ.

2 Timotee 2:18

'Ü tʋŋlɔlɩ 'cɩcasa dɛrɩ; 'ü nɩnɩa Nyɔsʋa 'a kä nyüü 'kuaabre 'ba. 'Asɩ 'ü nö ‑bɛ 'ü bʋblɔ nyüü 'kɔkɔmlɛa nyɔsʋaplɛ.