1 Piɛɛrë 5:2 - Kuö Dëdrä Jenɛɛsë Rutë

² 'Sɩrɩ ‑bablëëgbanyɛrɛnyɔɔ ‑tʋʋäa' ‑bäblëë 'nyügba nɩ, 'ba nʋ 'saa 'ba ‑gäälä nyüülü Nyɔsʋa ‑nyɩa' 'amɩ 'nyü ‑gba, ‑mää 'klɩkʋsa ‑a, ‑maa 'ba nʋ 'ana plɛa 'sa. 'Anyɩ ‑fɛ 'ia 'jrʋpalä 'äa ‑gälɩa möliia jrörökʋa ‑gʋ, ‑maa 'ba ‑fɛ 'ämɩ 'sɩrɩ 'a ‑wa 'ämɩ.

1 Piɛɛrë 5:2 Referans Kwoze

Titë 1:7

'Be 'cɛcɩtagbölɔ ‑fɛɛɛa' Nyɔsʋaa 'jrʋpaa 'klä kä 'ämä 'na, 'ɔa bʋbɔnyrɩ 'nyɩ kä ‑a kä 'imä nyüüa mlɩ bä. 'Ɔnyɩ bä ‑tɔklʋbɔtɔnyɔɔ, 'ɔnyɩ kä 'crɛ, 'ɔnyɩ bä 'nʋblanyɔɔ, 'ɔnyɩ bä nyɔɔlɔ ‑waa' ‑golu, 'ɔnyɩ bä nyɔɔlɔ fɔlɔa' mölii dɛrɩ ‑balʋsa.

1 Timotee 3:8

'Asɩ nyɔɔlɔ bäa' diakrë kä 'ɔmä bɩa bä: ɔ bä nyɔɔwʋbasa, 'ünyɩ kä 'më 'sɔɔ. 'Ünyɩ 'mla 'saa 'nʋ, ‑bɛ 'ünyɩ fɔlɔ mölii dɛrɩ ‑balʋsa.

Titë 3:1

'Pa 'üün plɛ 'sɩrɩ 'ü käa' 'ümäa' 'lɩ 'üa ‑gʋmlanyüü nyra 'üa 'brea 'wliklɩnyüü ‑träärä, ü 'nyɛɛ wiili 'ü 'daaa' ‑gälɩ, ü nʋ wiilia 'fɩɔ 'naa'.

1 Timotee 3:3

'Ɔnyɩ bä 'nʋblanyɔɔ 'aiɛ 'blarʋkänyɔɔ, 'aiɛ ɔnyɩ bä möliiwanyɔɔ ‑maa ɔ bä ‑pɔplɔnyɔɔ, ɔ ‑wa 'wlinönrökʋ, möliia ‑wawakʋ 'nyɩ fa 'ɔa plɛ.

1 Korɛɛntënyüü 9:7

'Ba ‑gbala 'mɩ ‑a 'jä. Nyɔɔ 'plɛɛ ‑fɛɛɛ 'sʋgɩajrʋpa ‑bɛ ɔ 'pɛɛ 'ɔa nyufa le? Nyɔɔ 'plɛɛ pla tuu ‑bɛ 'ɔnyɩ ji 'ua 'bö le? ‑Ale nyɔɔlɔ 'nyɛrɛa' mlaa ‑gba 'nyɩ 'mla 'üa nyɩtɩnɩ ‑a?

2 Piɛɛrë 2:3

Dɛɛnyü nyra ‑gbagblɛwii 'ümä nʋ 'ümä 'amɩ ‑trɔɔrɔ. ‑Mää ‑mlatɩkä 'üa ‑gä 'nyɩ ‑träärä, 'üa ‑gbogblookʋ 'nyɩ 'nyüglö ‑a 'nyüglö.

Ebröönyüü 12:15

'Ba ‑tre 'ana nyüfë nyɔɔ 'doo ‑pɩ Nyɔsʋaa ‑gbinanakʋ wala, wasäa tigblii ‑pɩ 'ana ‑tɔrʋpɩɔ ‑gaaala, 'i ‑pɩ 'amɩ 'lɩcakla ‑bɛ 'i ‑pɩ nyüü 'kɔkɔmlɛ bʋblɔ.

Titë 1:11

Blörö 'üa 'mä. ‑Gbüüü 'ü 'caklalɩ, wiili 'nyɩa' 'kpɩkpɩasa bä 'ii 'ü 'kpɩa, 'ümä ‑gʋ ‑gbagblɛ nʋ 'ümä mölii 'jä.

Lukë 12:32

«Ŋalɛ 'nyɩ 'bla 'amɩ, 'amɔ ‑beerea' ‑bablëëkpa jɔ, 'be 'tʋ 'i kä Tʋ, 'ɔnya ‑nyɩ 'amɩ 'kamaplälä.

Filemɔɔ 1:14

‑Maa 'n ‑kaaŋlʋa' ‑na ‑nyɛɛa ni 'jä nɩ, 'nyɩ 'lɩ ‑a bɩa ‑a nʋ dɛɛ, 'cɩcagbili ‑nëmäa' nʋ ‑pɩ ‑beere 'sɩrɩ 'n kpɛrɛa' ‑mɩ, ‑maa i sɔ ‑na 'mʋgbɛa 'cɩcagbi 'lɩ.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Rɔmënyüü 1:15

‑Jää wiili kä ‑gʋ 'n 'sosoa' 'wʋ 'mä 'amɩ 'Mʋfagogo 'sa 'palɩ 'amɔlɔ bäa' bɩa Rɔmë.

Akëtë 21:13

'Ɔ ‑nëma nɩ: «Dɛplɛɛ kä ‑gʋ 'a 'wuö ‑bɛ 'a 'bata 'na 'klüa 'lɩjäräkʋ le? 'N ‑ëlere, ‑mää 'na kpasrakʋa 'dooa ‑gʋ ‑a, ‑maa 'mä 'nɩmɩ Jerusalɛɛmë järä 'Pläkänyɔɔ Jesua 'nyrɩklɩa ‑gʋ.»

Akëtë 20:29

'N jre 'iin 'sɩrɩ ama toroa' 'lɩ ‑gälɩ klaklamlaa 'mäa' 'ana ‑tɔrʋpɩɔ pala, 'ü ‑nëmä ‑bablëëjüa nyatɛrɩ ‑a 'jä.