1 Piɛɛrë 3:4 - Kuö Dëdrä Jenɛɛsë Rutë

⁴ ‑maa abɩa 'ana 'nanakʋ bä 'ana polua 'mlɩ: plɛlɛ 'naa' ɛ traraa' 'kä. 'Ia 'samaa 'nanakʋlʋ 'nyɩ bʋblɔ bʋblɔ ‑a. 'Unya kä 'peru kpaku Nyɔsʋa ‑nyɛɛ.

1 Piɛɛrë 3:4 Referans Kwoze

Kolɔɔsënyüü 3:12

‑Bɛ Nyɔsʋa 'baa' 'lɩ 'amɩ 'amäa' 'ɔa 'nyünanyüü nyra 'ɔa ‑wawanyüü bä nɩ, ‑bɛ 'ɔ ‑waa' bɩa 'amɩ nɩ, 'ba kä nyatɛplɛ, ‑gbinanakʋ, 'wʋcieciekʋ, plɛböblökʋ nyra 'mlɩkpʋkplɔkʋ.

Rɔmënyüü 2:29

'Tasɩrɩa juifëlɔ nɩ, 'a nyɔɔlɔ bäa' juifë plɛklɩ; ‑bɛ 'böbökʋlʋ nɩ, plɛa 'böbökʋ bäsaa. 'Ia 'böbökʋlʋ nɩ, 'Nyüna ‑Susu 'uu nö 'iin, ‑maa ‑mää ‑dɔlʋ ‑jɩjraa' ‑a. 'Ia juifënyɔɔlɔ nɩ, ‑mää nyüü 'nyɩ 'bʋala 'ɔɔn ‑maa Nyɔsʋa 'ɔɔ 'bʋala 'ɔɔn.

Matiö 11:29

'Ba 'pie 'na ‑gblɛ ‑plɩ ‑gälɩ 'kä 'a 'cɛrɛ 'na 'kpɩkpɩakʋ ‑wälɩ 'umä 'amɩ 'tiere, 'be 'n 'wlalɩkä 'na plɛ nya 'jɔrɔ; ‑bɛ 'amä ‑fʋflʋ 'pa.

Titë 3:2

Ünyɩ ‑jree nyɔɔ, ü ‑wa 'wlinönrökʋ, ü bä ‑pɔplɔnyüü, 'kä 'ü srara nyüüa 'fɩɔ 'sɩrɩ 'ü ‑plɔa'.

Matiö 23:26

'Nɔnɔɔ Farisinyɔɔ! Kpëtä ‑kätɩ ‑na ‑köwö nyra 'plaaa 'mlɩ, ‑bɛ 'ia ‑gälɩ 'mä 'na.

Rɔmënyüü 7:22

'Na plɛklɩ nɩ, Nyɔsʋaa ‑dɔ 'u kä 'mɩ 'tʋ.

2 Korɛɛntënyüü 4:16

‑Jää dɛɛlɛ kä ‑gʋ ana kpati jäa' 'lɩ. ‑Bakää ana fugba ma bʋblɔ ‑takasa nɩ, ana ‑susulu bäa' amɩ 'lɩ nö dëdrä ‑srɩ o ‑srɩ.

1 Tɛsalonikënyüü 4:11

'Sɩrɩ 'amäa' nʋ ‑bɛ 'amäa' 'pʋpʋɛ 'lɩ kʋ, 'ii 'ba bobo. 'Ana 'mʋgbɛ 'ba ‑fɛ 'jrʋpa 'sɩrɩ a ‑gbalaa' 'amɩ,

Ɛfɛsënyüü 4:2

'Ba 'cie 'ana nyüfë 'wʋ 'taɩn a 'fɩɔ 'lɩ, 'anyɩ kä 'crɛ, 'kä 'a kpʋkplɔmlɩ, abɩa ‑moloo bɩa ‑molooa ‑gbi mlɩ ‑wawlakʋ 'lɩ.

1 Piɛɛrë 3:15

'Ba 'bʋala 'Pläkänyɔɔ Nyɔsʋa 'ana plɛklɩ. Nyüüa 'fɩɔ ma 'bete 'amɩ: dɛplɛɛ bä plɛgälɩpiepiekʋ u bä 'amɩ 'lɩ le? 'Ba ‑ëlere 'taɩn a 'fɩɔ 'amä 'üün ‑gälɩsa plɛböblösa nyra 'lɩträäräsa.

1 Timotee 2:2

'Ba bibie 'kɩɩɩa nyra nyüülü kä 'fɩɔ 'kamaa 'wlili, 'kä ana 'klä ‑pɩ ‑yrɛ 'lɩ blö, 'ämä ‑pio bä, 'amä wiia 'fɩɔa mlɩ srara 'sɩrɩ a kpasraa' Nyɔsʋa ‑gba ‑bɛ a ‑trääräa' 'lɩ 'ɔmɩ.

Lukë 11:40

'A pa mlüü! ‑Mää Nyɔsʋalɔ nʋa' ‑fälɩ, ‑mää 'ɔɔn 'nyɩ 'mlɩ nʋ?

Jaakë 1:21

'A 'ia ‑gʋ, 'ba 'pie diili kä 'fɩɔ plaa' nyɔɔ ‑fre 'lɩ nyra wiili kä 'fɩɔ bʋbɔa'. ‑Maa 'ba 'kpla plɛblösa Nyɔsʋaa 'papawiili 'ɔ plaa' 'ana plɛ ‑gälɩ, 'ii 'mrɛɛ i 'balɩ 'ana 'klä mlɩ.

2 Timotee 2:25

'Ɔ kä ɔ 'kpɩa plɛblösa nyüülü 'ɔ nyra 'üün totroa' 'wli. Ɔma nʋ 'saa nɩ, ‑beeredɛ Nyɔsʋa 'mrɛɛ ɔ nʋ 'iin 'kä 'ünya nʋnʋgbi 'cici, 'ümä 'cɩcasa jre,

2 Tɛsalonikënyüü 3:12

‑Jäsɩ a ‑gbalaa' 'ia nyüülü nɩ, 'klü 'lɩ a 'paa 'üün 'Pläkänyɔɔ Jesu 'Kriisëa 'nyrɩklɩ, ü ‑fɛ 'jrʋpa tee, ü ji 'üa 'mʋgbɛa 'jrʋpaa jijrɛ.

Matiö 5:5

Abɩa dɔrʋ 'bla nyüülü 'wlaa' 'lɩkä. 'Üü Nyɔsʋa nëmä 'plä jaa 'lɩ ‑nyrɛɛlɛ!

Rɔmënyüü 6:6

A jre 'iin 'sɩrɩ 'ɔɔ ‑bɛ ana ‑kätɩnyɔɔ koloa' ‑pɩɔ 'doo 'wʋ. 'Ii känyrɩ ‑taa ‑balʋfugbalä kä 'ämä bʋblɔ a ‑kapɩ ‑balʋa ‑goou bä.

Lukë 16:15

'Ɔnya ‑gbala 'üün: «'A nö dii ‑beere 'sɩrɩ 'a bäa' 'cɩcanyüü, ‑maa Nyɔsʋa jre 'ana polu. Dɛɛlɛ nyüü 'daraa' dɛɛ nɩ, 'ɛ bä cacɩ Nyɔsʋaa 'klʋɩ ‑gälɩ.

1 Piɛɛrë 1:23

'Anya 'a 'sɔɔwʋ ‑glooro, ‑bɛ 'sɔɔwʋa ‑gloorokʋlʋ nɩ, 'unyɩ dɛɛlɛ nëmäa' jäa ‑gugudɛɛ ‑a bä, ‑maa dɛɛlɛ 'nyɩ jäa', 'ɛa ‑gugukʋ bäsaa: 'iibä Nyɔsʋaa 'papawiili ‑nyɛɛa' nyɔɔ 'klälä 'nyɩa' blöröfa kä.

Kolɔɔsënyüü 3:3

'Be 'anya 'a jä, ‑bɛ 'ana 'klä nyra 'Kriisëa 'klä ‑sisre Nyɔsʋa 'lɩ.

Galaatënyüü 5:23

‑dɔ 'nyɩ 'lɩ ‑a bä 'umä 'daa 'inyɩ 'na ‑a 'na.

2 Korɛɛntënyüü 10:1

'Mɔɔ 'Pɔɔlë, ‑mölöö nɩnɩa ama bä 'ana ‑tɔrʋpɩɔ 'n pa sɩɔ 'na nʋnʋgbia 'mlɩ, ‑maa ama tʋŋlɔlɩ 'amɩ dɛrɩ nɩ, 'a ‑plɩɩ 'n ‑sɔɔrɔwʋ. ‑Maa 'Kriisëa plɛböblökʋ nyra 'ɔa ‑gbinanakʋ 'lɩ 'n cere 'amɩ 'iin:

Matiö 21:5

«'Ba ‑gbala Siɔɔnbätäa 'yria: ‑Jää ‑na 'kɩɩ; plɛblösa 'ɔ jö ‑na ‑nyɛɛ! ‑Sʋbrea 'jʋ ‑gälɩ 'ɔ kʋ, ‑sʋbrea 'ŋlʋʋa nɛa 'jʋ !»

Rɔmënyüü 1:23

'Ünya ‑tʋ Nyɔsʋaa 'wliklɩbʋabʋakʋlʋ 'nyɩ 'cicia' 'ia ‑pi 'lɩ ‑papawäsɩa: nyɔɔ ɔ 'mrɛɛa' 'ɔmäa' jä nɩ, 'ɔɔ 'ü ‑paaa ‑kä nyisie, ‑kä mlaalü 'nyɛrɛa' bei mlɔɔ nyra ‑pɛrɛdii 'ii 'ü nrörö 'üa ‑wäsɛ 'lɩ.