1 Piɛɛrë 3:1 - Kuö Dëdrä Jenɛɛsë Rutë

¹ 'Ŋlëgë 'amɩ, 'ba 'cie 'wʋ 'ana dʋɔɩɩa 'klʋɩ. 'Ia 'taɩn 'lɩ ‑mölöö ma bälɩ üma 'nyɩ ‑träärälɩ nyɔsʋaawii ‑a nɩ, 'ana nʋnʋgbi 'mä 'iin nʋ 'ümä 'lɩ Nyɔsʋa ‑träärä, ‑bakää 'anyɩ 'üün wii ‑gba 'pala.

1 Piɛɛrë 3:1 Referans Kwoze

Kolɔɔsënyüü 3:18

'Amɔ 'ŋlëgë 'amɩ, ‑moloo ma bälɩ ɔ ‑träärälɩ 'ɔa dʋɔ, 'i 'na 'Pläkänyɔɔa 'klɩ.

Ɛfɛsënyüü 5:33

‑Maa 'i kälä bɩa 'amɩ ‑gba: dʋɔ ‑moloo ma bälɩ ɔ ‑wa 'ɔa 'ŋlʋʋ ‑beere 'ɔa 'mʋgbɛ, 'kä 'ŋlʋʋ ‑träärälɩ 'ɔa dʋɔ.

1 Korɛɛntënyüü 11:3

‑Maa 'ba jresaa, 'Kriisë 'ɔɔ bä nyɔɔ o nyɔɔa 'wliklɩ. Nyɔɔ bä 'ŋlʋʋa 'wliklɩ. Nyɔsʋa nya bä 'Kriisëa 'wliklɩ.

1 Korɛɛntënyüü 7:16

‑Mɔ, 'ŋlʋʋ ɔ bäa' 'cɛcɩŋlʋʋ ‑nyɩ 'saa ‑a jre ‑mrɛɛ ‑a känyrɩ 'kä ‑na dʋɔ nya 'lɩmlɩwʋ? ‑Na 'mʋgbɛ, dʋɔ, ‑nyɩ 'saa ‑a jre 'sɩrɩ ‑mrɛɛɛ ‑a fala ‑na 'ŋlʋʋ 'lɩmlɩbabakʋ 'lɩ?

Jenɛɛsë 3:16

'Ɔnya ‑gbala 'ŋlʋʋlɔ: «'Nyaa ‑na ‑sʋɛ ‑gälɩ 'paplaa ‑na nʋgblaguia 'taɩn 'lɩ, mɩmɩakʋ 'lɩ ‑nëmä 'jü ‑glooro. ‑Nya 'daa ‑mä ‑na dʋɔ 'klügälɩ kälä, ‑maa 'ɔnya ‑mɩ 'klü ‑gälɩ käläa.»

1 Piɛɛrë 3:7

'Ana 'mʋgbɛ dʋɔɩɩ 'amɩ, 'ba 'kpla 'ana 'ŋlëgëlü 'a nyra 'üün kʋa' ‑wälɩ 'cɩcasa, ‑bɛ 'ba 'nu diili 'ü 'bataa' 'wli. 'A jre 'iin 'sɩrɩ 'ü 'fʋmaa'. 'Ba 'kpla 'üün 'lɩträäräsa, 'be 'sɩrɩ Nyɔsʋa 'mäa' 'amɩ 'klä ‑nyɩ 'ɔa ‑gbinanakʋ 'lɩ nɩ, 'asɩ 'ɔmä bɩa 'ümɩ 'ään ‑nyɩ. 'Ama nʋ 'saa nɩ, dɛɛ ‑nëmä 'ana nyɔsʋaabibiekʋ 'klɩ ‑a ka.

Rɔmënyüü 7:2

‑Dɔ nɩnɩa 'ŋlʋʋ 'tia' 'ɔa dʋɔ ‑kaaŋlʋa' jä nɩ, 'ɔ ‑ka bä 'ɔa 'ŋlʋʋ. ‑Maa 'ɔa dʋɔ ma jä nɩ, ‑dɔlʋ kpasra ɩa' 'ŋlʋʋlɔ 'ɔa dʋɔ ‑gba ‑kanyɩ 'lɩ ‑a kälä.

1 Korɛɛntënyüü 14:34

Abɩa 'ana 'ŋlëgë 'kpla 'më 'cɛcʋa 'mlɩ: 'ünyɩ kä ‑a kä 'ümä wiipa, ‑maa 'ü kä 'ümä 'lɩ 'üa dʋɔɩɩ ‑träärä 'sɩrɩ ‑dɔ ‑gbaa'.

Matiö 18:15

«‑Na ‑wlajʋ ma nʋ ‑mɩ ‑balʋ ‑gba nɩ, mi ‑a ‑jää 'ɔɔn 'ana 'sɔɔ 'kä ‑srara 'ɔɔn wiili 'ɔ nʋa'. Ɔma 'nu ‑mɩ 'wli nɩ, ‑nya 'sɔɔwʋ ‑na ‑wlajʋ 'lɩkʋɛɛ.

Kolɔɔsënyüü 4:5

'Ba kä 'cɩcagbi nyüülü 'nyɩa' Nyɔsʋa jrea 'klɩ. Wii o wii 'tɔrɔa' 'amɩ 'klɩ, 'ba nʋ dotro dɛɛlɛ 'a nëmäa' nʋ.

Ebröönyüü 11:8

Abraamëa nyɔsʋaplɛtorokʋa ‑gʋ 'ɔ ‑träärälɩ Nyɔsʋa, 'ɔnya mi 'blɩ ‑mɩdoo ‑gälɩ, imäa' ‑srɩɩ 'ɔa ‑jaaa bä. ‑Plɩɩlɩ 'ɔ möa' 'ɔnyɩ 'lɩ ‑a jre, 'asɩɛ 'ɔnya mi.

2 Tɛsalonikënyüü 1:8

Kapu ‑gbogboa 'mlɩ 'ɔmä kʋ 'ɔmä ji. 'A ‑plɩɩ 'ɔmä nyüülü 'nyɩa' Nyɔsʋa jrea ‑gä ‑tʋ, nyra bɩa nyüülü 'nyɩ ‑trääräa' 'lɩ ana 'Pläkänyɔɔ Jesu 'Kriisëa 'Mʋfagogo.

Rɔmënyüü 6:17

‑Maa a 'trɛɛ Nyɔsʋa, 'amɔ ma bäa' ‑balʋa ‑goou, 'a nʋ 'ana plɛ 'anya ‑träärälɩ 'kpɩkpɩakʋlʋ Nyɔsʋa ‑nyɩa' 'amɩ.

1 Piɛɛrë 4:17

'Be ‑gätʋtaɩn 'a 'lɩjrä, Nyɔsʋaanyüköli 'i kolokä. ‑Bɛ ä ma kolo amɩ ‑gälɩkä nɩ, ‑asɩ ‑mülü 'nyɩ toroa' Nyɔsʋaa 'Mʋfagogo plɛa nä nya bä le?

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.

Ebröönyüü 5:9

Nyɔsʋa jräa' 'ɔɔn 'wli nɩ, 'ɔnya nʋ nyüülü kä 'fɩɔ ‑trääräa' 'lɩ 'ɔɔn 'üa 'lɩmlɩbanyɔɔ 'plɔʋplɔʋa ‑gʋ.

Rɔmënyüü 10:16

‑Maa 'üa 'fɩɔ 'nyɩ 'lɩ 'Mʋfagogo ‑a ‑träärä. Esaii nɩnɩa kä: «'Pläkänyɔɔ, nyɔɔ 'plɛɛ 'dara ana 'papawii wii le?»

1 Piɛɛrë 3:2

'Ümä 'iin 'jä 'sɩrɩ 'ana nʋnʋgbi 'naa ‑bɛ 'i ‑trääräa' 'lɩ Nyɔsʋa.