1 Piɛɛrë 2:1 - Kuö Dëdrä Jenɛɛsë Rutë

¹ 'Ii känyrɩ, 'ba cɛrɛ plɛbʋbɔkʋ nyra yrʋa 'fɩɔ ‑wälɩ, ‑gbagblɛ, ‑glagälɩsrörökʋ, dɛɛnyükäkäkʋ nyra nyüüsrörökʋ.

1 Piɛɛrë 2:1 Referans Kwoze

Ɛfɛsënyüü 4:31

'Ba 'ba 'ana ‑tɔrʋpɩɔ, 'mʋgbʋgbʋɛ, 'crɛ, nyanyrakʋ, ‑jejrekʋ nyra plɛbʋbɔkʋa 'kaɩn 'kaɩn.

Jaakë 1:21

'A 'ia ‑gʋ, 'ba 'pie diili kä 'fɩɔ plaa' nyɔɔ ‑fre 'lɩ nyra wiili kä 'fɩɔ bʋbɔa'. ‑Maa 'ba 'kpla plɛblösa Nyɔsʋaa 'papawiili 'ɔ plaa' 'ana plɛ ‑gälɩ, 'ii 'mrɛɛ i 'balɩ 'ana 'klä mlɩ.

Jaakë 4:11

'Na ‑wlajü 'amɩ, ‑moloo 'nyɩ 'pa 'ɔa ‑molooa ‑gʋ bʋbɔwii. Nyɔɔ ma 'pa 'ɔa ‑molooa ‑gʋ bʋbɔwii nɩ, 'aiɛ ɔma ‑srɛ 'ɔa ‑moloo nɩ, ‑dɔ 'ɔ ‑srɛɛɛ. ‑Bɛ ‑ama ‑srɛ ‑dɔ nɩ, ‑kanyɩ 'ua 'lɩträäränyɔɔ ‑a bä, ‑maa ‑gätʋnyɔɔ bä.

1 Piɛɛrë 3:10

'Be nyɔsʋaapɔɔkʋ 'lɩ 'i ‑jɩjra ‑maa: Nyɔɔlɔ 'bataa' 'ɔmäa' 'klä ‑wa, ‑bɛ dɔrʋ 'mä 'ɔɔn 'bla, 'ɔ kä 'ɔmä 'ɔa mɛ 'nyiöligäälä, 'ɔ ‑pɩ 'lɩ bʋbɔwii 'saa, ‑bɛ ‑gbagblɛa dɛɛ jɔ 'doo ‑pɩ 'ɔa 'mä 'klɩ ‑srörö.

1 Piɛɛrë 4:4

'I kala 'üün plɛ 'klɩ 'sɩrɩ 'i nʋa' ‑bɛ 'a ‑kanyɩ ‑mɛa' 'üün ‑gälɩ, 'a ‑kanyɩ fala 'üün 'iia dɛɛgbagbilia 'mlɩ ‑a, 'üma ‑gölö ‑jejre 'ü ‑jejre 'amɩ.

1 Piɛɛrë 4:2

'Ii känyrɩ, 'taɩnlɩ tɩɔa' 'lɩ 'amɩ ‑pɩ ‑tʋtʋ ‑gälɩ nɩ, 'anyɩ prɛ nyüüa bʋbɔ ‑wawadii dɛrɩ; 'ba prɛ wiili Nyɔsʋa 'bataa' dɛrɩ.

Jaakë 5:9

'Na ‑wlajü 'amɩ, ‑moloo 'nyɩ 'pala ‑plɛlɩ wii 'ɔnyɩ ‑srɛ 'ɔa ‑moloo, Nyɔsʋa ‑pɩ 'ana ‑gä ‑tʋ. 'Ba tɛlɩ: ‑gätʋnyɔɔ bä nyukua 'mäklɩ.

Ebröönyüü 12:1

‑Bɛ 'ia 'samaa' nyüü 'kɔkɔmlɛlü sraraa' 'üa nyɔsʋaplɛtorokʋ traraa' amɩ 'klɩ ‑beere ‑gbru nɩ, 'a 'ia ‑gʋ ana 'mʋgbɛ a 'ba ana ‑gba diili kä 'fɩɔ 'mrɛɛa' imäa' amɩ 'nyʋfɔ ka, nyra ‑balʋlʋ traraa' amɩ 'klɩ sɔsɔ! A ‑sɔɔrɔwʋ a fɔ fʋfɔlʋlʋ bäa' ana 'klɔɔtrʋ.

1 Timotee 3:11

'Asɩ 'üa 'ŋlëgë kä 'ümä nyɔɔwʋbasa bä. 'Ünyɩ kä ‑a kä 'ümä ‑mölööa bʋbɔnyrɩ 'pa; ɔ kä 'ɔa nyufa, 'kä 'ɔ bä plɛtorosa wiia 'fɩɔa 'mlɩ.

1 Piɛɛrë 2:22

'Ɔnyɩ ‑balʋa dɩjɔ 'doo ‑a nʋ, ‑gbagblɛ ‑kaapɩɔ 'ɔa mlɩ 'cie .

Titë 2:3

‑Gbala bɩa tagbüŋlëgë ü 'nyɛ 'sɩrɩ nyɔɔ 'nyɩa' ‑fre pa Nyɔsʋaa 'klɩ, 'ia 'sa. 'Ünyɩ 'pa 'üa ‑mölööa bʋbɔnyrɩ, 'ünyɩ bä 'nʋa ‑goou. Ü 'kpɩa nyüü wiili 'naa',

1 Korɛɛntënyüü 14:20

'Na ‑wlajü 'amɩ, 'anyɩ bobo ‑beere 'jüjie. 'Ba bä 'jüjie ‑balʋa 'pɛ 'lɩ, ‑maa bobokʋ 'lɩ nɩ, 'ba bä tagbü.

Rɔmënyüü 1:29

'Ü 'si ‑balʋgbia 'kaɩn 'kaɩn 'klɩ: ‑saa ‑balʋ, plɛbʋbɔkʋ, dɛɛnyükäkäkʋ, bʋbɔgbi, 'bablakʋ, 'blarakʋ, yrʋkäkäkʋ, ‑gbʋgblʋʋkänyüü. ‑Tutronyüü 'ü bä,

Lukë 6:42

'Aiɛ, dɛplɛɛ kä ‑gʋ ‑nö ‑maa: ‹'Na ‑wlajʋ, ji ‑a 'balɩ ‑napusragbʋlʋ bäa' ‑na 'nyiöa 'mlɩ› le? ‑Mɔ 'nɩ 'jäa' ‑na näa 'mlɩa tuu klöö kpakö 'wʋ! ‑Glagälɩsrörönyɔɔ! 'Balɩ tuu klöö kpakölä bäa' ‑kätɩ ‑na 'nyiöa 'mlɩ 'fɩɔwʋ, ‑bɛ ‑mä 'käjä ‑mä 'lɩ ‑napusragbʋlʋ bäa' ‑na ‑wlajʋa 'nyiöa 'mlɩ 'ba.»

Matiö 23:28

'Asɩ 'a bä; 'a ‑beere 'klɩgänyüü, ‑maa 'ana 'mlɩ 'si yrʋ 'klɩ. Nyɔsʋaa ‑dɔ 'a 'pɩɛ ‑gälɩ.

Matiö 7:5

‑Glagälɩsrörönyɔɔ! 'Balɩ tuu klöö kpakölä bäa' ‑kätɩ ‑na 'nyiöa 'mlɩ 'fɩɔwʋ, ‑bɛ ‑mä 'käjä ‑mä 'lɩ ‑napusragbʋlʋ bäa' ‑na ‑wlajʋa 'nyiöa 'mlɩ 'ba!

2 Korɛɛntënyüü 12:20

Ŋalɛ 'bla 'mɩ 'nyɩ ‑pɩ 'ana ‑nyɛɛ jikalɩ mi ‑bɛ 'nyɩ ‑pɩ 'amɩ 'klälä 'nyɩ 'bataa' a 'mlɩ jrä; 'ana 'mʋgbɛ ‑pɩ 'mɩ 'jä ‑pasasa 'sɩrɩ 'anyɩa' bobo. Ŋalɛ 'blaa 'mɩ 'nyɩ ‑pɩ 'ana ‑nyɛɛ ‑taa wiili kʋa' ‑pɩ jrä: ‑topokʋ, wasä, 'crɛ, ‑gbakɛklɛkʋ, ‑jejrekʋ, ‑gbagblɛ, bʋbɔwiia 'papakʋ nyra 'lɩcaklakʋ.

'Nyügälɩjawii 14:5

'Ü ‑kaapɩɔ ‑gbagblɛ kä; 'be ü bä nyüülü 'nyɩa' bʋbɔdɛɛ ‑gba kä.

1 Piɛɛrë 2:16

'Ba 'nyɛ 'sɩrɩ 'anyɩa' dɛɛa ‑geei bä, ‑maa 'anyɩ ‑srörö 'iin kälɩ ‑bɛ 'anyɩ ‑sisie 'ana bʋbɔgbi 'a nöa', ‑maa abɩa 'ana nʋnʋgbi srara 'sɩrɩ 'a bäa' Nyɔsʋaa 'jrʋpafɛnyüü.

Jaakë 4:5

‑Ale 'ana plɛ nɩnɩa 'fëflɛsa nyɔsʋapɔɔkʋ 'daa: «‑Susulu Nyɔsʋa ‑tʋa' amɩ 'lɩ nɩ, 'u bɩara wasäa 'pɛlɩ.»

Jaakë 3:14

‑Maa ana plɛ ‑gälɩ ma 'si 'cɩcɛwasä nyra ‑gbakɛklɛkʋ nɩ, 'ana 'mʋgbɛ 'nyɩ 'pa 'ana 'cɩcanyrɩ ‑a. 'Anyɩ bʋblɔ 'cɩcasaa 'nyrɩ.

1 Tɛsalonikënyüü 2:3

'Be 'papawiili a 'saraa' 'lɩ 'amɩ 'nyɩ ‑gbagblɛ ‑a bä, 'inyɩ cacɩwii, 'aiɛ ‑trɔɔrɔ wii ‑a bä.

1 Korɛɛntënyüü 5:8

'Ii känyrɩ, a nʋ ‑glɩsɩglɩsɩ ‑maa anyɩ 'cakla 'ɛɛn ‑kätɩ levurë, anyɩ 'cakla 'ɛɛn bʋbɔgbi nyra plɛbʋbɔkʋa levurë. ‑Maa a nʋ 'flɔɔlʋ 'nyɩa' levurë kä, amä ‑glɩsɩglɩsɩlɛ nʋ, 'iibä 'nyünanakʋ nyra 'cɩcasa.

Jaan 1:47

Jesu 'jäa' Natanaɛɛlë ‑bɛ 'ɔ jaraa' 'ɔa 'pɛlɩ nɩ, 'ɔ ‑nëma: «‑Jää 'tasɩrɩa Israɛɛlënyɔɔ 'nyɩa' yrʋ kä.»

Lukë 11:44

«Busukʋ bä 'amɩ ‑gälɩ ‑dɔkpɩanyüü nyra Farisinyüü, ‑glagälɩsrörönyüü! 'A ‑beere 'dasili 'nyɩa' tie kä ‑bɛ nyüü 'nyɩa' jre 'ü 'nyɛɛa' ‑gälɩ.»

Lukë 12:1

‑Bɛ 'ia 'taɩn 'lɩ, nyüülü trara ‑mää 'üa ‑srɩ 'nyɩ ‑pɛ, 'ü wawla ‑mölöö 'kä. Jesu nya ‑gbala 'ɔa 'wʋnyɛrɛnyüü ‑kätɩ: «'Ba ‑tre 'ana nyüfë Farisinyüüa levurëa ‑gʋ. ‑Gbagblɛgbi bäsaa!

Marëkë 12:15

Jesu jrea' ‑gʋ 'iin 'sɩrɩ 'ü bäa' ‑glagälɩsrörönyüü nɩ, 'ɔnya ‑gbala 'üün: «Dɛplɛɛ kä ‑gʋ 'a ji 'mɩ 'lɩtɛ le? 'Ba ja 'mɩ denie 'dee 'mä 'ɛɛn 'jä.»

Matiö 24:51

'Kä 'ɔnya 'ɔmɩ 'pɔnɩ ‑gböösa, ‑bɛ wiili 'ü nöa' ‑glagälɩsrörönyüü ‑gba nɩ, 'kä 'ɔnya 'ɔmɩ 'iin ‑gba nʋ, 'a ‑plɩɩ 'ümä 'wu ‑bɛ 'ümä ‑gla ji.

Matiö 15:7

‑Glagälɩsrörönyüü! Wiili Esaii tɩ käa' ‑srɩ dɛrɩ 'ɔ 'paa 'ana ‑gʋ, 'ɔ kä kä ‑gä. 'Ɔ nɩnɩa kä: