1 Piɛɛrë 1:8 - Kuö Dëdrä Jenɛɛsë Rutë

⁸ Jesulɔ nɩ, 'anyɩ 'ɔɔn 'jä ‑a 'jä, ‑bɛ 'asɩɛ 'a ‑wa 'ɔɔn. ‑Mää 'jä 'anyɩ 'jä 'ɔɔn 'köklesa, ‑bɛ 'asɩɛ 'a toro 'ɔɔn plɛ ‑bɛ dɔrʋlʋ 'blaaa' 'amɩ nɩ, 'papawii 'lɩ kä 'mlɩ 'ümäa' 'uun 'nyrʋgala 'inyɩ 'lɩ ‑a bä; dɔrʋlʋ 'sia' 'wliklɩbʋabʋakʋ 'klɩ.

1 Piɛɛrë 1:8 Referans Kwoze

Jaan 20:29

Jesu nya ‑gbala 'ɔɔn: «Dɛɛlɛ kä ‑gʋ ‑jääa' 'mɩ nɩ, 'a 'ia ‑gʋ ‑daara 'iin 'cɩcasa. Nyüülü 'nyɩa' 'mɩ 'jä ‑bɛ ü toroa' 'mɩ plɛ nɩ, 'papanɩ jrä 'üün.»

2 Korɛɛntënyüü 5:7

Nyɔsʋaplɛ a nö ‑bɛ a 'nyɛɛ, ‑maa ‑mää ana 'nyüa 'sa anyɩ 'nyɛ.

Rɔmënyüü 15:13

Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!

Ebröönyüü 11:1

Nyɔsʋaplɛtorokʋ bä ‑a jresaa 'klaaaa' diili ‑piiea' plɛ ‑gälɩ; 'iibä ‑a jresaa diili ‑nyɩ 'jäa' 'wʋ ‑bɛ jrea' 'saa 'klaaa' nɩ, 'cɩcasa bäsaa.

Jaan 16:22

'Ii känyrɩ 'ana 'mʋgbɛ, 'köklesa 'ana plɛfie, ‑maa 'nyaa 'sɔɔwʋ 'amɩ 'jäa, 'kä dɔrʋ nya 'amɩ 'bla. 'Ia dɔrʋlʋ nɩ, nyɔɔ ‑nëmä 'amɩ 'uun plɛklɩ ‑a 'ba.

2 Korɛɛntënyüü 4:18

Amɔlɔ nɩ, ‑mää i 'nyü 'jääa' ‑mää 'ii anyɩ 'bata, ‑maa i 'nyü 'nyɩ 'jääa' 'ii a 'bata. Dɛɛlɛ 'nyü 'jääa' 'nyɩ ‑wɩara ‑wɩara ‑a, ‑maa ɛ 'nyü 'nyɩ 'jäa' nɩ, 'ɛnyɩ blöröfa ‑a kä 'plɔʋ.

1 Piɛɛrë 1:6

'A 'ia ‑gʋ dɔrʋ 'blaa 'amɩ ‑gböösa 'saarɩ, ‑bakää ‑sʋɩ 'kɔkɔmlɛa 'mlɩ 'anya 'kpɔɔa, jrüü jiea wii bäsaa.

Ebröönyüü 11:27

'Ɔa nyɔsʋaplɛtorokʋa ‑gʋ 'kɩɩa ŋalɛ 'nyɩ 'ɔɔn 'bla ‑a 'bla 'ɔnya sɔ Ejiipëtëa 'bre. 'Ɔ ‑sɔɔrɔ 'ɔa plɛ 'wʋ, Nyɔsʋalɔ 'ɔnyɩ 'jäa' 'wʋ, 'ɔɔ 'ɔ tɛklɩ.

1 Piɛɛrë 2:7

'Amɔlɔ toroa' Nyɔsʋa plɛ nɩ, 'täkälä kä 'peru kpaku 'ana 'nyü ‑gälɩ; ‑maa ‑mülü 'nyɩa' plɛtorokʋ kä nɩ; 'Täkälä nyëkapanyüü be käa' 'klʋɛɛ, 'ää nʋ 'tasɩrɩ nyukua ‑gɔmʋʋ .

Filipënyüü 4:4

'Ba nʋ 'taɩn a 'fɩɔ 'lɩ dɔrʋ 'Pläkänyɔɔ 'lɩ. 'N ‑gbala 'amɩ 'sɔɔwʋ: 'ba nʋ dɔrʋ!

1 Piɛɛrë 5:4

'Ia 'taɩn 'lɩ ‑bablëëgbanyɛrɛnyüüa 'cifi kpakö ma 'tɔ nɩ, 'ɔnya 'amɩ 'kɩɩa 'wlugbölä plöa' ‑bɛ änyɩ bɩaa' 'klɩ ‑nyɩa.

Ɛfɛsënyüü 6:24

Abɩa ‑gbinanakʋ bä nyüülü kä 'fɩɔ ‑waa' 'cɩcasa ana 'Pläkänyɔɔ Jesu 'Kriisë ‑gälɩ. 'Asɩ i bä!

Filipënyüü 1:25

Wiili 'n 'paa' 'n 'pie 'iin plɛ ‑gälɩ, 'n jresaa 'nyaa 'lɩbäa 'mä 'ana 'fɩɔa ‑tɔrʋpɩɔ bä, 'mä 'amɩ ‑gbaji 'amä 'klɔɔtrʋ mi ‑bɛ dɔrʋ 'mä 'amɩ 'bla 'ana nyɔsʋaplɛa 'mlɩ.

Rɔmënyüü 14:17

'be Nyɔsʋaa 'kamaplälä nɩ, ‑mää jijri 'aiɛ 'mamladiia wii 'nyɩ 'saabä, ‑maa 'klɩgägäkʋ, 'wlinönrökʋ nyra dɔrʋlʋ sɔa' 'Nyüna ‑Susua ‑nyɛɛ, 'ia wii bäsaa.

Jaan 14:24

Nyɔɔlɔ 'nyɩ ‑trääräa' 'lɩ 'na mlɩa wii, 'ɔnyɩ 'mɩ ‑a ‑wa. ‑Bɛ wiili 'a nröröa' 'na mlɩ 'wli nɩ, ‑mää 'na 'mʋgbɛa plɛklɩa wii ‑a, ‑maa 'na Tʋlɔ blɔa' 'mɩ 'ɔa mlɩa wii bäsaa.

Jaan 8:42

Jesu ‑nëma: «Nyɔsʋa ma bä ɩ 'ana tʋ nɩ, 'anya ɩ 'mɩ ‑waa. Nyɔsʋalɔ, 'ɔɔ 'lɩ 'n sɔ ‑bɛ 'n jö; ‑mää 'na 'mʋgbɛ 'lɩ 'nyɩ jrörö, ‑maa 'ɔɔ blɔ 'mɩ.

Filipënyüü 3:3

'Be amɔ bä 'tasɩrɩa 'bölönyüü, ‑Susu 'uu jö amɩ ‑gba ‑bɛ a bibie Nyɔsʋa, anya ‑tʋ ana plɛa 'fɩɔ Jesu 'Kriisë 'lɩ, ‑maa ‑mää 'jajɛ anyɩ toroplɛ.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

Galaatënyüü 5:6

'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii.

2 Korɛɛntënyüü 12:4

Nyɔsʋa fa 'ɔɔn fa Paradiia 'mlɩ, 'papawiili 'ɔ 'nröröa' 'lɩ 'ɔnyɩ 'lɩ ‑a bɩa ɔ 'sa 'iin 'lɩ, 'ia papakʋa ‑gʋ; nyɔɔ 'nyɩ 'lɩ ‑a bɩa 'ɔmä 'iin 'lɩsa.

2 Korɛɛntënyüü 9:15

Abɩa Nyɔsʋa 'bʋala 'ɔa ‑nyɩnyɩdɛɛlɛ 'nyɩa' 'klɩpaplaa nɛ kä, 'ɛa ‑gʋ!

2 Korɛɛntënyüü 1:22

'Ɔnya ‑tʋ amɩ 'ɔa tie ‑gälɩ. 'Ɔnya ‑tʋ ana plɛklɩ 'ɔa ‑Susu, ‑Susulu nya bä diili 'ɔ nëmäa' amɩ ‑nyɩ, 'ia 'mlɩa 'klɩsadɛɛ.

Akëtë 16:34

'Ɔnya fa 'üün nyüköli, 'ɔnya ‑nyɩ 'üün jijrɛ. Dɔrʋ nya 'bla 'ɔɔn, 'ɔɔ ‑bɛ 'ɔa ‑gböööa 'fɩɔ, 'be 'ɔ toro Nyɔsʋa plɛ.

Jaan 14:21

Nyɔɔlɔ poa' 'na 'papawii 'nyakli ‑bɛ ɔ ‑trääräa' 'lɩ 'iin nɩ, 'ɔɔ ‑wa 'mɩ; ‑bɛ nyɔɔlɔ ‑waaa' 'mɩ nɩ, 'na Tʋ nya 'ɔɔn ‑waa, 'na 'mʋgbɛ 'nyaa 'ɔɔn ‑waa, 'kä 'nyaa 'ɔɔn 'na nyufa srara.»

Jaan 14:15

«'Ama ‑wa 'mɩ nɩ, 'ba ‑träärälɩ 'na 'papawii,

Matiö 10:37

«Nyɔɔlɔ ‑waa' 'ɔa tʋ 'aiɛ 'ɔa 'yio, ɔ ‑sia' 'mɩ 'wʋ nɩ, 'ia nyɔɔlɔ 'nyɩ 'mɩ 'klɩ ‑a 'wʋ. ‑Bɛ nyɔɔlɔ ‑waa' 'ɔa nyɩbɛjʋ 'aiɛ 'ɔa 'ŋlëkayria ɔ ‑sia' 'mɩ 'wʋ nɩ, 'ia nyɔɔlɔ 'nyɩ bɩa 'mɩ 'klɩ ‑a 'wʋ.

1 Korɛɛntënyüü 16:22

Nyɔɔ ma 'nyɩ 'Pläkänyɔɔ Jesu 'Kriisë ‑a ‑wa nɩ, ɔ busu. Maranata!

Ɛfɛsënyüü 3:19

‑bɛ 'amä 'Kriisëa ‑wawakʋlʋ ‑sia' diia 'fɩɔwʋ jre, Nyɔsʋaa 'bʋabʋakʋ 'mä 'amɩ 'lɩ 'si.