1 Piɛɛrë 1:5 - Kuö Dëdrä Jenɛɛsë Rutë

⁵ ‑Bɛ 'a toroa' 'ɔmɩ plɛ nɩ, Nyɔsʋaa 'klü ‑tʋʋäa 'amɩ 'nyügba 'amä 'lɩmlɩwʋ. 'Lɩmlɩwʋwʋkʋlʋ nɩ, 'unya sraraa ‑gälɩblöröjrüü 'lɩ.

1 Piɛɛrë 1:5 Referans Kwoze

Filipënyüü 1:6

'Na plɛ 'suru wii 'dooa ‑gʋ: nyɔɔlɔ cɛtrɛa' 'amɩ 'lɩ ‑taa 'mʋfa 'jrʋpalä nɩ, 'ɔnya 'ään 'wlaraa, 'ɔnya 'ään nʋ nʋ kä Jesu 'Kriisëa jrüü nya 'lɩjrä.

Ɛfɛsënyüü 2:8

'Be Nyɔsʋaa ‑gbinanakʋa ‑gʋ 'a 'wʋlɩmlɩ, nyɔsʋaplɛtorokʋ kälɩ 'a ‑srörö 'kä 'a 'jä 'umɩ. ‑Mää 'ana 'mʋgbɛa plɛklɩa wii ‑a, Nyɔsʋa 'ɔɔ ‑nyɛɛ 'iin 'flɛɛlɩ;

1 Piɛɛrë 1:13

'Ii känyrɩ, abɩa 'ana bobowli 'nyüglö, 'anyɩ 'mʋmɔ! 'Ba 'pie 'ana plɛa 'fɩɔ plɛgälɩflɛrɛkʋlʋ 'amäa' 'jä ‑gälɩ, 'taɩn 'lɩ Jesu 'Kriisë 'mäa' 'klɩtɔrɔ.

Judë 1:1

'Mɔɔ Judë, Jesu 'Kriisëa ‑geei, Jaakëa ‑wlajʋ, 'mɔɔ ‑jɩjraa' 'amɩ 'wʋ: 'amɔ Nyɔsʋalɔ bäa' Tʋ ‑wa ‑bɛ 'ɔ wea', 'amä 'ɔa nü bä Jesu 'Kriisëa ‑gʋ.

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

2 Timotee 3:15

Kolo ‑na nyɔkɔwlaa 'wʋ jre nyɔsʋaapɔɔkʋ; 'ii 'mrɛɛ i ‑nyɩ ‑mɩ 'lɩgaglakʋlʋ 'mäa' ‑mɩ 'lɩmlɩbabakʋ ‑nyɩ, 'lɩmlɩbabakʋlʋ bäa' Jesu 'Kriisë plɛtorokʋ 'lɩ.

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

Jaan 17:15

'Na Tʋ, 'nyɩ bibie ‑mɩ ‑a 'kä ‑mä 'üün 'plä 'wʋ 'ba, ‑maa ‑mä 'lɩ 'üün Plɛbʋbɔsusu dɛrɩtʋŋlɔ.

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

Ɛfɛsënyüü 3:17

‑bɛ 'Kriisë 'mä 'ana polua 'mlɩ kʋ. 'Be 'a toro 'ɔɔn plɛ, 'ana ‑wawlakʋa tigblii 'mä nyɔnyrɔ, 'imä 'käsri ‑wawlakʋ 'lɩ

Rɔmënyüü 11:20

'I 'na; 'ünyɩ toro Nyɔsʋa plɛ ‑a, 'a 'ia ‑gʋ 'ü 'bölɩ 'ümɩ. ‑Bɛ ‑mɔlɔ nɩ, nyɔsʋaplɛtorokʋa ‑gʋ ‑sɔɔrɔwʋ. 'Ii känyrɩ ‑nyɩ bɔtɔ ‑tɔklʋ! ‑Maa abɩa ŋalɛ 'bla ‑mɩ,

Jaan 12:48

Nyɔɔlɔ 'mäa' 'mɩ 'nyüamlɩjrara ‑bɛ 'ɔ ‑nëmäa' 'na 'papawii wii 'dara nɩ, 'ɔa ‑gätʋnyɔɔ bälɩ; 'na wiili 'n 'paa' 'ii nëmä ‑srɩɩ 'ɔɔn ‑gä ‑gälɩ 'bölö 'pläa bɩarafa 'wʋ.

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Judë 1:24

Abɩa Nyɔsʋa 'bʋala, 'ɔ 'mrɛɛ 'ɔ 'ba 'amɩ böblökʋ mlɩ, 'ɔɔ 'mrɛɛ ɔ ja 'amɩ 'ɔa 'wliklɩbʋabʋakʋ 'lɩ dɔrʋa 'mlɩ ‑beere nyüülü 'nyɩa' bʋbɔdɛɛ ‑gba kä.

1 Jaan 3:2

'Na ‑wawanyüü 'amɩ, Nyɔsʋaa 'jü a bä ‑mlatɩ, ‑bɛ 'sɩrɩ amäa' ‑srɩɩ bä nɩ, Nyɔsʋa ‑kaaŋlʋ amɩ 'iin srara. ‑Maa wiili a jrea' nɩ, 'taɩn 'lɩ 'ɔmäa' ‑srɩɩ 'ɔa nyufa srara nɩ anya 'ɔa 'sa bäa, 'be 'sɩrɩ 'ɔ bäa', 'asɩ amä 'ɔɔn 'jä.

Ebröönyüü 6:12

Anyɩ 'bata 'bata ‑a 'amä ‑fɛ. ‑Maa nyüülü Nyɔsʋa 'daaa' 'ɔmäa' ‑jaaa ‑nyɩ 'üa nyɔsʋaplɛtorokʋ nyra 'üa 'mlɩkpʋkplɔkʋa ‑gʋ nɩ, 'ba nʋ 'üa 'sa.

2 Korɛɛntënyüü 1:24

‑Mää amä 'amɩ dɛɛlɛ 'amäa' plɛtoro 'lɩ kpɛrɛ ‑a, ‑maa 'sɩrɩ amɔ ‑bɛ 'amɔ 'mäa' 'jrʋpa 'wʋfɛrɛ 'ana ‑jɔrʋa ‑gʋ. 'Ii a 'bata; 'be 'ana nyɔsʋaplɛtorokʋ ‑sɔɔrɔwʋ.

Jaan 4:14

‑maa nyɔɔ o nyɔɔ nëmäa' 'nɩlɩ 'nëmäa' 'ɔɔn ‑nyɩ 'mla nɩ, 'mamlatʋ ‑ka ‑nëmä 'ɔɔn 'bla ‑a 'bla 'plɔʋ, ‑bɛ 'nɩlɩ 'nëmäa' 'ɔɔn ‑nyɩ nɩ, 'inya 'ɔa 'kläa 'mlɩ ‑gbaalaa ‑beere 'niea sɔrɔfa, 'kä 'inya 'ɔɔn 'klälä 'nyɩa' blöröfa kä ‑nyɩ.»

Rɔmënyüü 8:18

‑A ‑gbala 'amɩ, ama 'jä 'köklesaplɩɩa ‑sʋɩ nyra 'wliklɩbʋabʋakʋlʋ Nyɔsʋa 'mäa' 'amɩ srara nɩ, 'inyɩ pɛprɛ ‑a pɛprɛ;

1 Korɛɛntënyüü 1:21

'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba.

Filipënyüü 4:7

‑Bɛ Nyɔsʋaa plɛgälɩflɛrɛkʋlʋ ‑sia' 'lɩgaglakʋa 'fɩɔwʋ 'mä 'ana polu nyra 'ana bobokʋ Jesu 'Kriisë 'lɩ ‑wälɩ ‑träärä.

1 Piɛɛrë 4:13

‑Maa abɩa dɔrʋ 'bla 'amɩ ‑sʋɩlɩ 'a 'jääa' 'Kriisëa ‑gʋ. 'Ia 'taɩn 'lɩ dɔrʋ nya 'amɩ 'klɩ 'sia 'taɩn 'lɩ 'ɔmäa' ‑srɩɩ ji 'ɔa 'wliklɩbʋbʋakʋ 'lɩ.

1 Piɛɛrë 5:1

'Mɔɔ bäa' tagbö ‑beere 'cɛcɩtagbülü bäa' 'ana ‑tɔrʋpɩɔ nɩ, 'mɔɔ 'paa 'üün 'klü 'lɩ; 'mɔɔ kä 'nyü 'jäa' bɩa 'Kriisë 'ɔa ‑sʋɩa 'mlɩ, ‑bɛ 'mɔɔ käläa' bɩa 'na nɛ 'pɛ 'wliklɩbʋabʋakʋa 'mlɩ, ɛ nëmäa' 'wʋcrɛrɛ nɩ, ‑jää wiili 'n ‑gbala 'a 'amɩ:

2 Piɛɛrë 1:3

'Be 'ɔa 'nyrɩ 'klüa ‑gʋ, Nyɔsʋa ‑nyɩ amɩ diia 'fɩɔ amäa' 'plä 'wʋ kʋ ‑bɛ amäa' 'ɔɔn dɛrɩprɛ. 'Ɔɔlɔ sara amɩ nyɔɔlɔ werea' amɩ 'ɔa 'mʋgbɛa 'wliklɩbʋabʋakʋ 'lɩ nyra 'ɔa ‑gbinanakʋ 'lɩ.