1 Piɛɛrë 1:4 - Kuö Dëdrä Jenɛɛsë Rutë

⁴ 'Ia 'taɩn 'lɩ a 'mrɛɛ a ‑glaaa dɔrʋsa ‑jaalä Nyɔsʋa tɛrɛa' amɩ. ‑Jaalä nɩ, cɛa 'mlɩ 'ɔ tɛrɛ amɩ 'ään, ‑nyɛɛ nɩ, 'änyɩ 'lɩ ‑a bɩa ä bʋblɔ, 'änyɩ 'lɩ ‑a bɩa ä pa ‑fre ‑bɛ ä saka.

1 Piɛɛrë 1:4 Referans Kwoze

'Nyügälɩjawii 21:27

Diili kä 'fɩɔ plaa' nyüü ‑fre 'lɩ Nyɔsʋaa 'klɩ ‑nëmä bätäläa 'mlɩ ‑a pa, nyüülü nöa' bɩa bʋbɔgbi, ‑bɛ ü käa' ‑gbagblɛ nɩ, 'ü ‑nëmä bätäläa 'mlɩ ‑a pa. Nyüülü kä 'dooa 'nyrɩ ‑jɩjraa' ‑Bablëëjʋa 'kläa ‑pɔɔkʋa 'mlɩ nɩ, 'üa 'doo nëmä 'äa 'mlɩ pa.

Ebröönyüü 9:15

‑Bɛ 'a 'ia ‑gʋ 'Kriisë bä kuö dëdräa 'diprö, 'kä nyüülü Nyɔsʋa wea' 'mä ‑wɩarajalä Nyɔsʋa 'daaa' 'ɔmäa' 'üün ‑nyɩ ji. 'Be 'ɔa jäjäkʋa ‑gʋ nyüülü kʋa' 'klɩsa kuöa 'mlɩ nɩ, 'üa ‑balʋ 'mrɛɛ 'ümä kpëträ.

1 Piɛɛrë 5:4

'Ia 'taɩn 'lɩ ‑bablëëgbanyɛrɛnyüüa 'cifi kpakö ma 'tɔ nɩ, 'ɔnya 'amɩ 'kɩɩa 'wlugbölä plöa' ‑bɛ änyɩ bɩaa' 'klɩ ‑nyɩa.

2 Timotee 4:8

'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.

Kolɔɔsënyüü 1:5

Dɛɛlɛ Nyɔsʋa tɛrɛa' 'amɩ cɛɩɩa 'mlɩ ɛ 'a ‑glaaa' nɩ, 'ɛɛ bä 'ana nyɔsʋaplɛtorokʋ. ‑Bɛ 'ia plɛgälɩpiepiekʋlʋ nɩ, 'cɩcasalä 'saraa' 'lɩ, 'ää känyrɩ 'anya jre 'Mʋfagogo.

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Ɛfɛsënyüü 1:18

ɔ ‑jie 'ana bobowli 'klɩ, 'amä diili 'a 'piea' plɛ ‑gälɩ jre ‑bɛ 'amä wiili 'lɩ 'ɔ werea' 'amɩ jre. 'Amä 'nanabɩɔlʋ 'ɔ ‑tʋʋäa' ‑wälɩ 'nyünanyüüa ‑gʋ nɩ, 'amä 'uun jre.

Ɛfɛsënyüü 1:14

'Uu ‑kätɩ bä ana në ‑jaaa 'pɛlɛ Nyɔsʋa 'mäa' amɩ ‑nyɩ, ‑bɛ ama 'wʋlɩmlɩ nɩ, amä 'äa 'fɩɔ 'jä. 'Ɔ nʋ 'imɩ amä 'ɔɔn 'lɩbrɛrɛ 'ɔa 'wlibʋabʋakʋa ‑gʋ.

Ɛfɛsënyüü 1:11

A nyra 'ɔɔn bäa' nyüü 'doo nɩ, 'ia ‑gʋ a bä ‑jaajinyüü, 'be Nyɔsʋa 'a kä 'lɩ amɩ 'ba, 'sɩrɩ 'ɔ boboa'; 'sɩrɩ 'ɔ 'daaa' ‑bɛ 'ɔ 'bataa' 'asɩ 'ɔ nʋ diia 'fɩɔ,

Rɔmënyüü 8:17

‑Bɛ a bäa' 'ɔa 'jü nɩ, a bä bɩa ‑jaajinyüü: Nyɔsʋaa ‑jaajinyüü a bä, a nyra 'Kriisë kɔsɔ, ima 'daa 'kasa a nyra 'ɔɔn 'järä ‑sʋɩ 'wʋ nɩ, a nyra 'ɔɔn nya bɩa 'bʋalaa.

Akëtë 26:18

'N blɔ ‑mɩ ‑mä 'üa 'nyü ‑jie, ‑bɛ ‑mä 'üün 'jöjrüükpü 'lɩ 'ba ‑mä 'üün ‑srɩ 'klɩ ja; ‑mä 'üün Sataan a 'klü mlɩ 'ba ‑mä 'üün Nyɔsʋa ja. Üma toro 'mɩ plɛ nɩ, 'üa ‑balʋ 'mä 'üün cere ‑bɛ 'ümä ‑jaaa nyüülü Nyɔsʋa berea' 'klɩa ‑tɔrʋpɩɔ kälä.›

Akëtë 20:32

«'Na ‑wlajü 'amɩ, 'köklesaplɩɩ ɔ nɩ, 'n tɩɛ 'amɩ Nyɔsʋa nyra wiili 'paa' 'ɔa ‑gbinanakʋa ‑gä kälɩ. 'A wiili nëmä 'amɩ 'klü ‑nyɩ, 'ii 'mä bɩa 'amɩ ‑jaaa ‑nyɩ nyüülü kä 'fɩɔ 'ɔ ‑gäa' 'klɩa 'mlɩ.

Jaakë 1:11

'Sɩrɩ 'jrʋa kapu malaa' 'sipi ‑bɛ 'ia pöplödii böblöa', ‑bɛ 'i ‑kanyɩa' 'na, 'asɩ 'bɩɔjinyɔɔ 'mä ‑srɩɩ blö.

Kolɔɔsënyüü 1:12

‑Bɛ 'amä Tʋ 'trɛɛ, 'ɔɔlɔ nʋa' 'iin ‑bɛ amäa' ana në 'pɛ ‑jaaa 'mlɩ 'järä, ‑jaalä 'ɔ tɛrɛa' 'nyünanyüülü bäa' 'ɔa në 'napɛ 'lɩ.

Galaatënyüü 3:18

‑Bɛ ‑jaalä Nyɔsʋa 'daaa', ima bä 'sɩrɩ ä jaraa' ‑dɔ kälɩ nɩ, ‑mää Nyɔsʋaa mlɩa wii kälɩ 'i ‑kanyɩ jara. ‑Bɛ 'a wiili Nyɔsʋa ‑gbaa' nɩ, 'ii 'lɩ 'ɔ ‑nyɛɛrɛ ‑jaalä Abraamë 'flɛɛlɩ.

1 Korɛɛntënyüü 9:25

Fɔfɔnyüüa 'fɩɔ 'paa plɛ mlɩ wiia 'fɩɔ 'lɩ. 'Ü nöa' 'imɩ nɩ, 'ümä 'pɛpɛɛdɛɛlɛ 'nyɩ ‑wlɛa' 'lɩ fa, ‑maa amɔlɔ nɩ, a nö 'imɩ amä 'pɛpɛɛdɛɛlɛ ‑wɩaraa' fa.

1 Piɛɛrë 3:9

Nyɔɔ ma nʋ 'amɩ ‑balʋ ‑gba, 'anyɩ nʋ ‑balʋ 'anyɩ 'sa ‑balʋa 'kpa. Nyɔɔ ma ‑jree 'amɩ nɩ, 'anyɩ ‑jree 'ɔɔn bɩa. ‑Maa 'ba 'pa 'ɔɔn 'nɩ; 'be 'a jre 'iin 'sɩrɩ Nyɔsʋa werea' 'amɩ 'iin 'lɩ, 'ɔmä 'amɩ 'nɩ 'pa.

Marëkë 10:17

Jesu sɔwʋ 'ɔmä mi, ‑bɛ nyɔɔ 'doo ja fʋfɔlʋ 'ɔ 'jrara 'ɔɔn 'klɩ, 'ɔnya 'pa 'ɔa 'klɔɔtrʋ kotifli; 'iibä: «'Cɩca 'kpɩkpɩanyɔɔ, ‑asɩ 'nyaa nʋ ‑bɛ 'nyaa 'klälä 'nyɩa' blöröfa kä 'jä le?»

Kolɔɔsënyüü 3:24

'Be 'a jre 'iin 'sɩrɩ 'Pläkänyɔɔ 'mäa' 'amɩ ‑jaalä 'ɔ ‑tʋa' ‑wälɩ ‑nyɩ; 'ää bä 'ɔa nyüüa 'pɛɛ. 'Be 'Pläkänyɔɔ 'Kriisëa 'jrʋpa 'a ‑fɛɛɛ.

Ebröönyüü 10:34

'A 'jä 'sɩrɩ 'n kpasraa' a nyatɛrɩ. 'Ü 'baa' 'amɩ 'ana käkädii kälɩ nɩ, 'a 'nyiere 'iin 'klɩ dɔrʋsa, 'be 'a jre 'iin 'sɩrɩ 'ana ni bäa' cɛɩɩa 'mlɩ 'bɩɔlʋ 'bʋaa' u ‑sia' ‑taa nu 'wʋ ‑bɛ u 'mäa' 'lɩbä 'plɔʋplɔʋa ‑gʋ.