1 Piɛɛrë 1:3 - Kuö Dëdrä Jenɛɛsë Rutë

³ A 'bʋala Nyɔsʋa, ana 'Pläkänyɔɔ Jesu 'Kriisëa Tʋ! 'Ɔa nyatɛplɛ kpakia ‑gʋ 'ɔ ‑glooro 'sɔɔwʋ amɩ 'ɔnya 'ba Jesu 'Kriisë 'kuaabre. 'Asɩ a 'jä plɛgälɩpiepiekʋlʋ ‑nyɛɛa' 'kläa 'jäjäkʋ.

1 Piɛɛrë 1:3 Referans Kwoze

1 Piɛɛrë 1:23

'Anya 'a 'sɔɔwʋ ‑glooro, ‑bɛ 'sɔɔwʋa ‑gloorokʋlʋ nɩ, 'unyɩ dɛɛlɛ nëmäa' jäa ‑gugudɛɛ ‑a bä, ‑maa dɛɛlɛ 'nyɩ jäa', 'ɛa ‑gugukʋ bäsaa: 'iibä Nyɔsʋaa 'papawiili ‑nyɛɛa' nyɔɔ 'klälä 'nyɩa' blöröfa kä.

1 Jaan 5:4

Nyɔsʋaa 'jüa 'fɩɔ duö 'plä. ‑Bɛ dɛɛlɛ nöa' 'iin ‑bɛ a duöa' 'plä, 'ɛɛ bä ana nyɔsʋaplɛ.

Rɔmënyüü 15:13

Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!

Ɛfɛsënyüü 1:7

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

2 Korɛɛntënyüü 1:3

A 'bʋala Nyɔsʋalɔ bäa' ana 'Pläkänyɔɔ Jesu 'Kriisëa Tʋ. 'Ɔɔ bä Tʋlɔ käa' nyatɛplɛ, 'ɔ bä Nyɔsʋalɔ 'paa' nyɔɔ plɛ 'mlɩ 'plɔʋplɔʋ!

1 Jaan 3:3

Nyɔɔ o nyɔɔ 'piea' 'iin plɛ ‑gälɩ nɩ, 'ɔa nyufa 'ɔ kpëtä 'sɩrɩ 'Kriisëa 'mʋgbɛa 'nyü 'naa'.

Rɔmënyüü 12:12

A dɔrʋ 'bla 'amɩ 'a jre dɛɛlɛ 'naa' Nyɔsʋa tɛrɛa' 'amɩ ‑sraakäpɩa ‑gʋ. 'Ba kpʋkplɔmlɩ ‑sʋɩa 'mlɩ, 'anyɩ ‑sɩa nyɔsʋabibiekʋa ‑gʋ.

1 Jaan 2:29

'Ama jre 'iin 'sɩrɩ 'ɔ ‑gäa' 'klɩ nɩ, 'ba jresaa nyɔɔ o nyɔɔ nöa' wiili ‑gäa' 'klɩ nɩ, 'ɔɔ bä 'ɔa 'jʋ.

Ɛfɛsënyüü 1:3

Abɩa Nyɔsʋa 'bʋala, 'ɔɔ bä ana 'Pläkänyɔɔ Jesu 'Kriisëa Tʋ. 'Ɔ 'pa amɩ 'nɩ 'Kriisë 'lɩ, 'ɔɔ kälɩ 'ɔ ‑srörö 'ɔnya ‑nyɩ amɩ 'ɔa 'nɩpapakʋlʋa 'fɩɔ bäa' cɛa 'mlɩ.

Ɛfɛsënyüü 3:20

Nyɔɔlɔ ‑fɛɛɛrɛa' ana 'kläa 'mlɩ 'jrʋpa ‑gböösa, ɔ 'mrɛɛa' ɔmäa' 'ɔa 'klülü bäa' amɩ 'lɩ kälɩ ‑srörö, ‑bɛ ɔmäa' dii 'kɔkɔmlɛlɛ anyɩa' 'bete 'aiɛ 'anyɩa' bobo nʋ,

Ɛfɛsënyüü 1:17

'N ‑gbala ana 'Pläkänyɔɔ Jesu 'Kriisëa Nyɔsʋa, Tʋlɔ 'sia' 'wliklɩbʋabʋakʋ 'klɩ nɩ, ɔ ‑nyɩ 'amɩ ‑susulu 'sia' wiijejrekʋ 'klɩ, 'kä 'ɔ ‑jie 'ana 'nyü 'amä 'ɔɔn jre 'cɩcasa,

1 Piɛɛrë 3:21

'Nie 'klɩ ‑srörökʋlʋ bä 'nɩwlipapakʋa 'pike, 'ii 'pʋɔ amɩ 'saarɩ. ‑Mää ana fugbaa ‑gba ‑a ‑fre 'babakʋ ‑a, ‑maa 'nyünaplɛa Nyɔsʋaa ‑nyɩnyɩkʋ bäsaa. Jesua 'Kriisëa 'kuaabrea sɔsɔkʋ 'lɩ a 'wʋlɩmlɩ.

1 Timotee 1:14

Ana 'Pläkänyɔɔa ‑gbinanakʋ nya 'si 'mɩ 'klɩ, 'ɔ ‑nyɩ 'mɩ nyɔsʋaplɛtorokʋ nyra ‑wawakʋlʋ bäa' 'Kriisë Jesu 'lɩ.

Ɛfɛsënyüü 2:4

‑Maa ana nyatɛrɩ 'si Nyɔsʋa 'klɩ, 'ɔnya ‑wa amɩ ‑gböösa,

Jaakë 1:18

'Ɔ ‑srörö 'ɔa 'papawiili bäa' 'cɩcasa 'lɩ 'ɔnya ‑gu amɩ, amä 'ɔa nʋnʋdiia 'fɩɔa 'wliklɩa nü bä.

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

1 Korɛɛntënyüü 15:20

'Tasɩrɩ 'Kriisë sɔ 'kuaabre. 'Ɔɔ ‑kätɩ sɔwʋ jäjänyüüa 'fɩɔa ‑tɔrʋpɩɔ.

1 Korɛɛntënyüü 13:13

‑Bɛ dii tää bälɩ 'inya 'lɩ tɩɔrɔa: nyɔsʋaplɛtorokʋ, plɛgälɩpiepiekʋ, nyra ‑wawakʋ. ‑Maa ‑mɛlɛ ‑sia' 'wʋ, 'ɛɛ bä ‑wawakʋ.

1 Jaan 3:9

Nyɔɔ o nyɔɔ bäa' Nyɔsʋaa 'jʋ nɩ, 'ɔnyɩ nʋ ‑balʋ ‑a, 'be Nyɔsʋaa 'pɛ bä 'ɔɔn 'lɩ. 'Ɔ ‑kanyɩ 'lɩ ‑a bɩa ɔ nʋ ‑balʋ, 'be Nyɔsʋaa 'jʋ 'ɔ bä.

1 Piɛɛrë 2:2

Nyɔsʋaawii 'iibä 'cɩca nyɩtɩnɩ, 'ba 'bata 'iin ‑beere 'sɩrɩ 'jüplü 'bataa' nyɩtɩnɩ 'amä 'bʋa ‑bɛ 'amä 'lɩmlɩwʋ,

Ebröönyüü 3:6

‑Maa 'Kriisëlɔ nɩ, 'ɔ bä plɛgälɩpie 'Jʋ ‑bɛ 'ɔ bä nyukulua 'wliklɩ. Ama ‑sɔɔrɔ ana nyɔsʋaplɛtorokʋ 'wʋ ‑sɔrɔ 'pläa bɩarafa 'wʋ nɩ, ‑bɛ ama 'kpla ana nyɔsʋaplɛgälɩpipiekʋlʋ käa' amɩ dɔrʋ 'wʋ nɩ, ama nʋ 'imɩ nɩ, a bä 'ɔa nyuku.

1 Tɛsalonikënyüü 1:3

'Asɩ a bibiea' ana Tʋ Nyɔsʋa nɩ, a 'paa 'jrʋpalä 'ana nyɔsʋaplɛ ‑fɛɛɛa', 'äa ‑gä plɛ, 'ana ‑wawlakʋlʋ ‑fɛɛɛa' 'jrʋpa nyra 'ana plɛlɛ 'a 'piea' ana 'Pläkänyɔɔ Jesu 'Kriisë ‑gälɩ ɛnyɩ sɩaa'.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Rɔmënyüü 8:24

'be a jresaa anya 'a 'lɩmlɩwʋ ‑maa anyɩ 'jä ‑kätɩ 'iin 'wʋ ‑a. Ana 'nyü ma 'jä dɛɛlɛ amäa' 'jä nɩ, 'i ‑kanyɩ 'saa jejrekʋ ‑a bä, 'be anya 'ɛɛn 'jä: dɛplɛɛ kä ‑gʋ a ‑ka ‑glaaa dɛɛlɛ anya 'a 'jä le?

Rɔmënyüü 8:11

Nyɔsʋa 'ba Jesu jäjäa 'mlɩ. Nyɔsʋaa ‑Susulu ma kʋ 'amɩ 'lɩ nɩ, Nyɔsʋalɔ 'baa' 'Kriisë jäjäa 'mlɩ nya 'ana fugbalä 'mäa' jä 'klä ‑nyɩa. 'Ɔa ‑Susulu kʋa' 'amɩ 'lɩ, 'uu 'ɔmä kälɩ ‑srörö 'ɔmä 'iin nʋ.

Jaan 1:13

‑Mää 'sɩrɩ nyɔɔ ‑guuöa' 'jʋ, ‑mää 'sɩ 'ünyɩ Nyɔsʋa 'jü bä, ‑mää nyɔɔa plɛ 'klɩa wii ‑a, ‑mää nyɔɔa 'jrʋpa ‑a, ‑maa Nyɔsʋa 'ɔɔ nrörö 'üün 'ɔa 'jü 'lɩ.

1 Jaan 5:18

A jre 'iin, nyɔɔ o nyɔɔ bäa' Nyɔsʋaa 'jʋ nɩ, 'ɔnyɩ nʋ ‑balʋ ‑a, 'be nyɔɔlɔ bäa' Nyɔsʋaa 'jʋ nɩ, 'ɔa nyufa 'ɔ ‑gäälänyiöli Plɛbʋbɔsusu ‑pɩ 'ɔa ‑gbanʋdɛɛ kä.

1 Jaan 5:1

Nyɔɔ o nyɔɔ jrea' 'saa Jesu bä 'Kriisë nɩ, Nyɔsʋaa 'jʋ 'ɔ bä. Nyɔɔ o nyɔɔ ‑waaa' Tʋ nɩ, 'ɔ ‑waaa' bɩa 'ɔa 'Jʋ.

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Rɔmënyüü 5:10

A ‑ka jrara Nyɔsʋa 'nyüamlɩ, 'ɔnya ‑srörö 'ɔa 'Jʋa jäjä 'lɩ 'ɔnya 'nönrö amɩ 'wli. ‑Bɛ 'köklesaplɩɩ 'ɔ ‑ka bäa' 'lɩ ‑bɛ a 'nönröa' 'wli nɩ, ‑asɩ 'ɔ ‑nëmä amɩ 'lɩmlɩba le?

Rɔmënyüü 4:25

'Ɔ 'sara ana ‑balʋa ‑gʋ; Nyɔsʋa 'ba 'ɔɔn 'kuaabre 'ɔmä amɩ 'klɩgä 'ɔa 'klɔɔtrʋ.

1 Jaan 4:7

'Na nyüü 'amɩ, a ‑wawla 'be Nyɔsʋa 'ɔɔ ja ‑wawakʋ. Nyɔɔ o nyɔɔ ‑waaa' 'ɔa ‑wlajʋ nɩ, Nyɔsʋaa 'jʋ 'ɔ bä, 'ɔ jre Nyɔsʋa.

1 Tɛsalonikënyüü 4:13

‑Wlajü 'amɩ, 'n 'bata 'ba jre wiili 'palaa' jäjänyüüa ‑gälɩ, 'a ‑pɩ ɔ 'kpɔɔ ‑beere nyüülü 'nyɩ ‑glaaa' Jesu.

Galaatënyüü 6:16

Nyüülü kä 'fɩɔ ‑trääräa' 'lɩ ‑taa ‑dɔlʋ nɩ, abɩa plɛgälɩflɛrɛkʋ nyra nyatɛplɛ bä 'üün ‑gälɩ, Nyɔsʋaa 'tasɩrɩa Israɛɛlë.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

1 Piɛɛrë 1:13

'Ii känyrɩ, abɩa 'ana bobowli 'nyüglö, 'anyɩ 'mʋmɔ! 'Ba 'pie 'ana plɛa 'fɩɔ plɛgälɩflɛrɛkʋlʋ 'amäa' 'jä ‑gälɩ, 'taɩn 'lɩ Jesu 'Kriisë 'mäa' 'klɩtɔrɔ.

1 Piɛɛrë 1:21

'Ɔɔ 'lɩ 'a toro Nyɔsʋa plɛ; Nyɔsʋalɔ 'baa' 'ɔɔn jäjä 'lɩ ‑bɛ 'ɔ ‑nyɩa' 'ɔɔn 'wliklɩbʋabʋakʋ. 'Ia 'taɩn 'lɩ 'ana plɛtorokʋ nyra plɛgälɩpiepiekʋ 'mä Nyɔsʋa 'lɩ bä.

1 Piɛɛrë 3:5

'Asɩ ‑kätɩsaa 'nyüna 'ŋlëgëlü 'piea' 'üa plɛ Nyɔsʋa ‑gälɩ ma 'nara 'üa nyüfë, ‑bɛ 'ü ma 'cie 'wʋ 'üa dʋɔɩɩa 'klʋɩ.

1 Piɛɛrë 3:15

'Ba 'bʋala 'Pläkänyɔɔ Nyɔsʋa 'ana plɛklɩ. Nyüüa 'fɩɔ ma 'bete 'amɩ: dɛplɛɛ bä plɛgälɩpiepiekʋ u bä 'amɩ 'lɩ le? 'Ba ‑ëlere 'taɩn a 'fɩɔ 'amä 'üün ‑gälɩsa plɛböblösa nyra 'lɩträäräsa.