1 Piɛɛrë 1:2 - Kuö Dëdrä Jenɛɛsë Rutë

² 'Amɔ ana Tʋ Nyɔsʋa nya käa' 'lɩba 'sɩrɩ 'ɔ ‑gba käa'. 'Ɔa ‑Susu bere 'amɩ 'klɩ 'amä 'lɩ Jesu 'Kriisë ‑träärä, 'amɔ bä nyüülü 'ɔa ‑toru ‑gbagbaa' 'wʋ: 'abɩa Nyɔsʋaa ‑gbinanakʋ nyra plɛgälɩflɛrɛkʋ ‑sie 'amɩ 'wli!

1 Piɛɛrë 1:2 Referans Kwoze

2 Tɛsalonikënyüü 2:13

Amɔlɔ nɩ, ‑wawawlajü 'amɩ, 'amɔ 'Pläkänyɔɔ ‑waa' nɩ, a kä amä Nyɔsʋa 'trɛɛ 'taɩn a 'fɩɔ 'lɩ 'ana ‑gʋ, 'be 'amɔ ‑kätɩ Nyɔsʋa 'balɩ 'amä 'lɩmlɩwʋ, 'be Nyɔsʋaa ‑Susu kpëtä 'amɩ ‑bɛ 'a toro 'cɩcasa plɛ.

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.

Ebröönyüü 12:24

'A jijrö Jesulɔ bäa' kuö dëdräa 'diprö ‑gba. 'A jijrö ‑torulu ‑gbagbaa 'kä u ‑sia' Abɛɛlëa 'nu 'wʋ ‑gba.

Rɔmënyüü 11:2

Nyɔsʋaa 'jülü 'ɔnya käa' 'lɩba, 'ɔnyɩ 'üün dɛrɩ ‑a sɔ. ‑Ale wiili nyɔsʋaawii 'paa' Eliia ‑gʋ 'anyɩ 'iin 'wli ‑a 'nu, 'sɩrɩ 'ɔ bibiea' Nyɔsʋa Israɛɛlëa ‑gʋ ‑bɛ 'ɔ 'daaa' ‑maa:

2 Piɛɛrë 1:2

Abɩa ‑gbinanakʋ nyra plɛgälɩflɛrɛkʋ bä 'amɩ ‑gälɩ ‑gböösa, ana Nyɔsʋaa jejrekʋ nyra ana 'Pläkänyɔɔ Jesu 'lɩ.

Akëtë 2:23

'Ia nyɔɔlɔ nɩ, 'ɔ 'sara 'amɩ kälɩ 'sɩrɩ Nyɔsʋa tʋ käa' 'lɩ 'imɩ ‑bɛ 'sɩrɩ 'ɔ jre ɩa' 'iin. 'Anya dɔrɔ 'ɔɔn 'wʋ 'anya 'bla 'ɔɔn: nyüülü 'nyɩa' Nyɔsʋa jre, 'üü 'a ‑srörö kälɩ 'anya kolo 'ɔɔn krʋa ‑gälɩ.

Rɔmënyüü 16:26

‑Maa 'köklesaplɩɩ ɔ nɩ, ‑pɔɔkɩ 'lɩ nyɔsʋaamlɩpalanyüü ‑jɩjraa', 'ia ‑gʋ nɩ, 'i 'a ‑fälɩ blö, nyüüa 'fɩɔ nya 'jä 'iin. Nyɔsʋalɔ 'nyɩa' blöröfa kä, 'ɔɔ 'daa i nrörö. 'Ɔ nʋ 'imɩ ‑tʋtʋ ‑gälɩa ‑glügbüa 'fɩɔ 'mä Nyɔsʋa plɛtoro 'ümä 'ɔɔn 'lɩträärä.

2 Timotee 2:10

'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

Marëkë 13:27

'Kä 'ɔnya 'ɔa 'aanjëɩɩ jaa 'ümä 'ɔa nyüülü 'ɔ 'baa' 'lɩ, ü bäa' ‑tʋtʋa kotü mlɔɔ 'lɩ ‑gbapapla, sɔ ‑tʋtʋa 'käkolofa 'wʋ ‑a mi ‑a ‑tɔɔ cɛa blöröfa 'wʋ.»

Marëkë 13:20

'Pläkänyɔɔ ma 'nyɩ ɩ 'ia jrüülü 'klɩ ‑a 'bö, nyɔɔ 'doo ‑nëmä 'lɩmlɩ ‑a 'wʋ; ‑maa 'ɔa nyüülü 'ɔ 'baa' 'lɩ, 'üa ‑gʋ 'ɔ 'bö jrüü 'klɩ.

Ebröönyüü 10:22

ŋalɛ 'nyɩ 'blaa amɩ a jijrö Nyɔsʋa ‑gba, 'be ana plɛ ‑gäklɩ, 'ɛ 'si 'ɔa plɛtorokʋ 'klɩ. Bʋbɔ bobowiili kä 'fɩɔ bäa' ana plɛ ‑gälɩ, i kpëträ, 'kä ana fugba ‑futo 'nɩlɩ 'nyɩa' ‑fre pa.

Rɔmënyüü 16:19

Nyüüa 'fɩɔ jre 'ana 'lɩträäräkʋ. 'A kä 'mɩ dɔrʋ 'wʋ, ‑maa 'n 'bata 'ba jre wiili 'naa' 'sɩrɩ 'ana polua 'nyü 'naa' 'kä ‑balʋa ‑gʋ.

Rɔmënyüü 8:33

Nyɔɔ 'plɛɛ 'mä nyüülü Nyɔsʋa 'baa' 'lɩ tropina 'lɩ fa le? Nyɔsʋa, 'ɔɔ ‑gäää nyɔɔ 'klɩ!

Lukë 18:7

‑Bɛ Nyɔsʋa le? 'Ɔa 'jülü 'ɔ 'baa' 'lɩ ü wea' ‑srɩ ‑bɛ ‑gbia 'sɔ nɩ, 'ɔ ‑nëmä 'üün 'üa ‑gä ‑a ‑nyɩ? 'Ɔnya dɛrɩ ‑wlɛa 'ɔmä 'üün ‑gbaji?

Matiö 24:24

'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa. 'Ünya ‑saragbi kpakü nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.

Matiö 24:22

Nyɔsʋa ma 'nyɩ ɩ 'ia jrüülü 'klɩ ‑a 'bö, nyɔɔ 'doo ‑nëmä 'lɩmlɩ ‑a 'wʋ; ‑maa 'ɔa nyüülü 'ɔ 'baa' 'lɩ, 'üa ‑gʋ 'ɔ 'bö jrüü 'klɩ.

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

Ebröönyüü 11:28

'A 'ɔa nyɔsʋaplɛtorokʋa ‑gʋ 'ɔ 'daa ü 'jä 'Paakë 'ɔnya ‑gbagba nyëkaa tatia ‑gälɩ ‑toru 'kä, 'kä 'aanjëlɔ 'blaaa' ma ji nɩ, 'ɔ ‑pɩ Israɛɛlënyüüa ‑kätɩ nyɩbɛjü 'bla.

Rɔmënyüü 15:16

'N nʋ Jesu 'Kriisëa 'jrʋpafɛnyɔɔ nyüülü 'nyɩa' juifë bä 'üa ‑gʋ. Nyɔsʋaa 'Mʋfagogoa 'pɛrɩnyɔɔa 'jrʋpa 'n ‑fɛɛɛ, 'kä nyüülü 'nyɩa' juifë bä 'mä ‑gbɔlʋ käa' Nyɔsʋa 'tʋ bä, ‑gbɔlʋ 'Nyüna ‑Susu berea' 'klɩ.

Rɔmënyüü 8:13

'be 'ama nʋ wiili 'ana 'jajɛ 'bataa' nɩ, 'anya jäa. ‑Maa Nyɔsʋaa ‑Susu ma ji 'amɩ ‑gba ‑bɛ 'ama 'bla wiili 'ana fugba 'bataa' nɩ, 'anya 'klä 'jäa.

Rɔmënyüü 1:7

'N ‑jɩjra 'ana 'fɩɔlü bäa' Rɔmë 'wʋ, Nyɔsʋaa ‑wawanyüü 'amɩ, 'amɔ bäa' 'ɔa 'nyünanyüü. 'N 'trɛɛ 'amɩ; abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ!

Rɔmënyüü 1:5

'Ɔɔ Nyɔsʋa ‑srörö kälɩ 'ɔnya ‑nyɩ amɩ 'ɔa ‑gbinanakʋ, 'ɔa ‑gʋ 'ɔ nrörö amɩ apotrë 'lɩ, amä 'iin nʋ 'kä 'ɔa 'nyrɩklɩ nyüülü 'nyɩa' juifë bä 'mä 'ɔɔn plɛtoro ‑bɛ 'ümä 'ɔɔn 'lɩträärä.

Akëtë 15:18

‑bɛ diili kä 'fɩɔ 'ɔ nʋa' , 'i jrerea' 'i 'a 'lɩ ‑wlɛ.

Judë 1:2

Abɩa Nyɔsʋaa nyatɛplɛ nyra plɛgälɩflɛrɛkʋ nyra ‑wawakʋ 'papla ‑gälɩ ‑gböösa 'ana ‑nyɛɛ.

Ebröönyüü 5:9

Nyɔsʋa jräa' 'ɔɔn 'wli nɩ, 'ɔnya nʋ nyüülü kä 'fɩɔ ‑trääräa' 'lɩ 'ɔɔn 'üa 'lɩmlɩbanyɔɔ 'plɔʋplɔʋa ‑gʋ.

Kolɔɔsënyüü 3:12

‑Bɛ Nyɔsʋa 'baa' 'lɩ 'amɩ 'amäa' 'ɔa 'nyünanyüü nyra 'ɔa ‑wawanyüü bä nɩ, ‑bɛ 'ɔ ‑waa' bɩa 'amɩ nɩ, 'ba kä nyatɛplɛ, ‑gbinanakʋ, 'wʋcieciekʋ, plɛböblökʋ nyra 'mlɩkpʋkplɔkʋ.

2 Korɛɛntënyüü 10:5

A totrolɩ bobowli ‑gälɩ, nyra 'lɩgba wiili kä 'fɩɔ ‑trääräa' 'lɩ, i kaa' nyüü 'klɩ 'ü ‑pɩ Nyɔsʋa jre. A kala nyɔɔa bʋbɔ bobowlia 'fɩɔ dɛrɩ, amä 'iin fa 'imä 'lɩ 'Kriisë ‑träärä.

Rɔmënyüü 11:28

Dɛɛlɛ bäa' 'Mʋfagogo nɩ, juifë jajra 'nyüamlɩ 'ana ‑gʋ, ‑maa dɛɛlɛ bäa' Nyɔsʋa 'balɩ 'üün mlɩ nɩ, 'üa tʋɩɩa ‑gʋ Nyɔsʋa ‑waa 'üün.

Akëtë 20:32

«'Na ‑wlajü 'amɩ, 'köklesaplɩɩ ɔ nɩ, 'n tɩɛ 'amɩ Nyɔsʋa nyra wiili 'paa' 'ɔa ‑gbinanakʋa ‑gä kälɩ. 'A wiili nëmä 'amɩ 'klü ‑nyɩ, 'ii 'mä bɩa 'amɩ ‑jaaa ‑nyɩ nyüülü kä 'fɩɔ 'ɔ ‑gäa' 'klɩa 'mlɩ.

Titë 1:1

'Mɔɔ 'Pɔɔlë, Nyɔsʋaa ‑geei nyra Jesu 'Kriisëa apotrë, 'mɔɔ ‑jɩjra. Nyɔsʋa ‑gbala 'mɩ ‑a we 'ɔa nyüülü 'ɔ 'baa' 'lɩ 'ümä nyɔsʋaplɛtoro, 'ümä 'cɩcasa jre, 'üa 'nyɛnyɛkʋ nyra 'üa nyɔsʋaplɛ 'mä dɛɛ 'dee bä.

1 Korɛɛntënyüü 1:30

'Amɔlɔ nɩ, Nyɔsʋa nrörö 'amɩ 'doo 'lɩ 'amɔ ‑bɛ 'Kriisë Jesu 'sɔ; Nyɔsʋa nya nrörö 'ɔɔn 'lɩgaglakʋ 'lɩ ana ‑gʋ, 'ɔɔ Nyɔsʋa ‑srörö kälɩ 'kä 'ɔ ‑gäää amɩ 'klɩ, 'ɔnya bere amɩ 'klɩ amä 'ɔa nyüü bä, 'kä 'ɔ 'baa amɩ ‑balʋ 'lɩ.

Marëkë 13:22

'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa; 'ünya ‑saragbi nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.

Matiö 24:31

Dɛglɛ nya wiimlɩbablaa ‑gböösa, 'kä 'ɔnya 'ɔa 'aanjë jaa 'ümä 'ɔa nyüülü 'ɔ 'baa' 'lɩ, ü bäa' ‑tʋtʋa kotü mlɔɔ 'lɩ, ‑gbapapla, sɔ cɛa 'käkolofa 'wʋ ‑a mi ‑a ‑tɔɔ cɛa blöröfa 'wʋ.»

2 Jaan 1:13

‑Na ‑wladialɔ Nyɔsʋa 'baa' 'lɩ, 'ɔa 'jü 'trɛɛ ‑mɩ. 'Asɩ i bä.

2 Jaan 1:1

'Mɔɔ Tagbö, 'mɔɔ ‑jɩjra 'Ŋlʋʋlɔ Nyɔsʋa 'baa' 'lɩ 'wʋ, 'ɔɔ ‑bɛ 'ɔa 'jülü 'n ‑waa' 'cɩcasa 'lɩ. ‑Mää 'na 'doo 'nyɩ 'amɩ ‑wa, ‑maa ü kä 'fɩɔ jrea' bɩa 'cɩcasa.

1 Piɛɛrë 1:14

'Ba ‑träärälɩ Nyɔsʋa, ‑bɛ 'a ‑kanyɩ 'nyie ‑wawadiili ma 'kamaa' 'amɩ ‑kanyɩ 'tiere 'amɩ, ‑beere 'taɩn 'lɩ 'anyɩ käa' 'Kriisë jre.

1 Piɛɛrë 1:19

'Kriisëa ‑torulu käa' ‑gböösa ‑gba, 'uu 'ɔ nʋ. Jesu ‑beere kä ‑bablëëjʋ 'nyɩa' bʋbɔdɛɛ ‑gba kä, ɔ kä ‑gba 'nyɩa' 'kpafa bä.

1 Piɛɛrë 1:20

'Plä ‑kaaŋlʋ nrörö Nyɔsʋa nya 'ba kä 'lɩ 'ɔɔn, ‑bɛ ‑taa jrüülü bäa' ‑gälɩ 'blörö jrüü nɩ, 'ɔnya srara 'ɔa nyufa 'ana ‑gʋ.