1 Piɛɛrë 1:12 - Kuö Dëdrä Jenɛɛsë Rutë

¹² Nyɔsʋa nya srara 'üün 'sɩrɩ wiili 'ɔ ‑tʋa' 'üün mlɩ 'nyɩa' 'üa 'mʋgbɛa ‑gʋ bä, ‑maa 'sɩrɩ 'i bäa' 'ana ‑gʋ. 'A wiili bä 'saarɩ 'Mʋfagogo, 'ää nyüü 'saa 'amɩ 'Nyüna ‑Susua 'klülü sɔa' ‑nyɛɛ cɛa 'mlɩ. 'Aanjëa 'mʋgbɛ 'bata 'ümä 'ia 'mlɩ 'kä 'järä.

1 Piɛɛrë 1:12 Referans Kwoze

Jaan 15:26

«‑Maa 'taɩn 'lɩ 'mäa' 'amɩ ‑Gbajisusulu sraraa' 'cɩcasa ja, u sɔa' 'na Tʋa ‑nyɛɛ nɩ, 'unya 'na ‑gä 'paa.

Ɛfɛsënyüü 3:10

'Köklesaplɩɩ ɔ nɩ, 'Cɛcɩ Nyɔsʋa ‑srörö kälɩ 'kä 'kamasisi nyra 'klüükäsisili bäa' cɛlɩ 'mä Nyɔsʋaa wiijejrekʋ jre. 'Ia wiijejrekʋlʋ nɩ, Nyɔsʋa kä 'ia srarakʋa 'drü 'kɔkɔmlɛ.

1 Korɛɛntënyüü 2:10

'Nyüna ‑Susu Nyɔsʋa ‑srörö kälɩ 'ɔnya srara amɩ 'iin. Nyɔsʋaa ‑Susu 'jää diia 'fɩɔ, 'u 'jää 'nɩmɩ Nyɔsʋaa ‑sisiewii.

Ebröönyüü 4:2

'Be a 'nu bɩa 'mʋfagogolä 'wli ‑beere ana tʋɩɩ. ‑Maa 'papawiili 'ü 'nua' 'wli nɩ, 'inyɩ 'üün dɛɛ ‑gba ‑a nʋ, 'be nyüülü 'nua' 'iin 'wli nɩ, 'ünyɩ 'iin nyɔsʋaplɛtorosa ‑a 'kpla.

Marëkë 16:15

'Ɔnya ‑gbala 'üün: «'Ba mi 'pläa 'fɩɔ ‑gälɩ, 'ba 'saralɩ nyüüa 'fɩɔ 'mʋfagogo.

1 Piɛɛrë 1:25

‑maa 'Pläkänyɔɔa 'papawii 'nyɩ bɩarafa ‑a kä . ‑Bɛ ‑taa 'papawiili nɩ, 'a 'Mʋfagogolä 'saraa' 'lɩ 'amɩ.

'Nyügälɩjawii 5:11

'Nyaa ‑pʋpɔ 'klaa 'sɔɔwʋ, 'nyaa 'nu 'aanjë 'kɔkɔmlɛa wii 'wli; 'üü ‑bɛ 'lɩbädii nyra tagbü, 'ünya trara 'kɩɩkpata 'klɩ. 'Aanjëa ‑sümlödɛɛ 'nyɩ bä ‑a bä, 'ü ‑sümlö ‑gböösa.

2 Korɛɛntënyüü 6:6

'Sɩrɩ a bäa' Nyɔsʋaa 'jrʋpafɛnyüülü 'nyɩa' ‑fre pa, 'ii a srara 'üün, ana wiijejrekʋ 'lɩ, plɛblöblökʋ 'lɩ, ‑gbinanakʋ 'lɩ, 'Nyüna ‑Susua 'mlɩ, ‑wawlakʋlʋ 'nyɩa' ‑gla 'klɩ bäa 'mlɩ,

2 Korɛɛntënyüü 1:22

'Ɔnya ‑tʋ amɩ 'ɔa tie ‑gälɩ. 'Ɔnya ‑tʋ ana plɛklɩ 'ɔa ‑Susu, ‑Susulu nya bä diili 'ɔ nëmäa' amɩ ‑nyɩ, 'ia 'mlɩa 'klɩsadɛɛ.

Rɔmënyüü 15:19

'ɔ nʋ 'iin ‑saragbia tie 'lɩ nyra plɛklɩkalawii 'lɩ Nyɔsʋaa ‑Susua 'nyrɩklɩ. 'Bala Jerusalɛɛmë ‑a mi Ilireea ‑tʋtʋ ‑gälɩ nɩ, Jesu 'Kriisëa 'Mʋfagogoa 'doo 'n 'sa.

Akëtë 2:33

Nyɔsʋa nya 'bʋala 'ɔɔn 'ɔnya ‑tʋ 'ɔɔn 'ɔa 'dupa 'lɩ, Tʋ nya ‑nyɩ Jesu 'Nyüna ‑Susu 'sɩrɩ 'ɔ ‑gba käa'. 'Ɔnya ‑gblɔɔ amɩ 'uun ‑gälɩ 'kä, 'a 'ii 'a 'jää ‑plɩɩ 'wʋ ‑bɛ 'a 'nööwli.

Ebröönyüü 2:4

Nyɔsʋa srara 'sɩrɩ 'üa 'papawii bäa' 'cɩcasa: a 'jä 'ia ‑saragbia tie nyra ‑saragbi nyra plɛklɩkalawiia 'kaɩn 'kaɩn, nyra bɩa 'Nyüna ‑Susua 'srɛa 'kaɩn 'kaɩn 'lɩ, 'ɔ ‑pääläa' nyüü 'lɩ 'sɩrɩ 'ɔ ‑waa'.

Galaatënyüü 1:16

'ɔnya srara 'mɩ 'ɔa 'Jʋ 'mä 'ɔa ‑gä 'pa nyüülü 'nyɩa' juifë bä, 'üa ‑nyɛɛ. Mi 'n mi dotro, 'nyɩ nyɔɔ 'wligba ‑a fa 'ɔmä 'mɩ ‑tɔɔ 'lɩpa.

Galaatënyüü 1:12

'Be ‑mää nyɔɔ 'nyɩ 'mɩ 'iin ‑gbala, ‑mää 'ɔɔn 'nyɩ 'mɩ 'iin 'kpɩa. ‑Maa Nyɔsʋa 'ɔɔ srara 'mɩ Jesu 'Kriisë.

Rɔmënyüü 10:15

‑Bɛ nyɔɔ ma 'nyɩ 'üün blɔ ‑a blɔ ‑asɩ 'ünya nyüü nyɔsʋaawii ‑gba 'pala le? 'I ‑jɩjra nyɔsʋapɔɔkʋ 'lɩ ‑maa: «‑Abɩa nyüülü 'saaa' 'Mʋfagogoa bei 'naa!»

Rɔmënyüü 1:17

'Ää srara 'klɩgägäkʋlʋ sɔa' Nyɔsʋa ‑nyɛɛ: nyɔsʋaplɛtorokʋa 'doo 'lɩ 'ü 'järä 'klɩgägäkʋ sɔ 'ia 'käkolofa 'wʋ ‑a ‑tɔɔ 'ia bɩarafa 'wʋ, 'sɩrɩ 'i ‑jɩjraa': «Nyɔɔlɔ ‑gäa' 'klɩ nɩ, 'ɔa 'klä bä nyɔsʋaplɛtorokʋ 'lɩ.»

Lukë 15:10

'Amɔ 'n ‑gbala, 'asɩ dɔrʋ nëmä bɩa Nyɔsʋaa 'aanjë 'bla 'taɩn 'lɩ ‑balʋnyɔɔ 'doo 'doo 'mäa' ‑balʋa 'pie ‑bɛ 'ɔmäa' 'uun 'lɩgälɩtoro.»

Matiö 11:25

'Ia 'taɩn 'lɩ Jesu ‑nëmä: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ.

1 Tɛsalonikënyüü 2:9

'Na ‑wlajü 'amɩ, 'jrʋpalä a ‑fɛa', 'sɩrɩ a sɩaa', 'n jresaa 'a ‑kaaŋlʋ 'iin ‑trɔ: ‑srɩ ‑bɛ ‑gbia kɔsɔ, a ‑fɛɛɛ 'jrʋpa a ‑pɩ 'ana nyɔɔ 'doo 'wli kʋ. 'Asɩ a 'sara 'lɩ 'amɩ Nyɔsʋaa 'Mʋfagogo.

Lukë 9:6

Nyüüpʋnyüüsɔɔlü nya mi. 'Ü sɔ bätä ‑mölööa 'mlɩ, 'ü mö ‑mölööa 'mlɩ. 'Ü ‑gbala nyüü Nyɔsʋaa 'Mʋfagogo, ‑bɛ 'ü ‑futo ‑wusublanyüü ‑pɩɔa 'fɩɔ.

Lukë 2:26

'unya ‑gbala kä 'ɔmɩ, 'sɩrɩ 'ɔmäa' 'Pläkänyɔɔa 'Kriisë 'jä 'fɩɔwʋ ‑bɛ 'ɔmäa' jä.

Matiö 16:17

Jesu nya ‑gbala 'ɔɔn ‑maa: «Simɔɔ, Jonasëa 'Jʋ, abɩa dɔrʋ 'bla ‑mɩ, 'be ‑mää nyɔɔ 'nyɩ ‑mɩ 'iin mlɩ 'pa, ‑maa 'na Tʋlɔ bäa' cɛlɩ, 'ɔɔ 'pa ‑mɩ 'iin mlɩ.

Matiö 11:27

«'Na Tʋ ‑nyɩ 'mɩ diia 'fɩɔ kälɩ. Nyɔɔ 'nyɩ 'Jʋ ‑a jre, ima 'nyɩ Tʋ ‑a bä. Nyɔɔ 'nyɩ Tʋ ‑a jre, ima 'nyɩ bɩa 'Jʋ nyra nyɔɔlɔ 'Jʋ 'bataa' 'ia srarakʋ ‑a bä.

Ebröönyüü 11:13

'Üa 'fɩɔlü nɩ, 'ü toro Nyɔsʋa plɛ toro toro 'ünya jä. Diili Nyɔsʋa 'da ɩa' 'ɔmäa' 'üün ‑nyɩ 'ünyɩ 'iin 'jä ‑a 'jä, ‑maa 'ü 'jä 'iin 'wʋ 'lee 'ünya toro 'iin 'plɛɛ, dɔrʋ nya 'bla 'üün ‑gböösa. 'Ü ‑nëma 'kasa nyɔtugbanyüü 'ü bä 'plälä kʋa' ‑pɩa 'mlɩ, 'sɩrɩ 'ü bäa' ‑sisinyüü ‑pɩ ‑tʋtʋ ‑gälɩ.

Rɔmënyüü 1:15

‑Jää wiili kä ‑gʋ 'n 'sosoa' 'wʋ 'mä 'amɩ 'Mʋfagogo 'sa 'palɩ 'amɔlɔ bäa' bɩa Rɔmë.

Akëtë 16:10

'I ‑sia' dotro nɩ, anya 'bata amä Masedoanëa 'bre mi. A jre 'iin 'Pläkänyɔɔ were 'lɩ amɩ amä 'üün Nyɔsʋaa 'Mʋfagogo 'sa.

Akëtë 10:44

Piɛɛrë ‑ka 'paa ɩ wii ‑bɛ 'Nyüna ‑Susu 'cere nyüülü kä 'fɩɔ poa' 'ɔɔn 'nyakli ‑gälɩ.

Akëtë 8:25

Piɛɛrë nyra Jaan bɩaa' wiili bäa' Nyɔsʋa nyra 'Pläkänyɔɔa wiia 'papakʋ nɩ, 'ünya 'blöö Jerusalɛɛmë dɛrɩ ‑bɛ 'ü 'sa 'Mʋfagogo Samariinyüüa bätë 'kɔkɔmlɛa 'mlɩ.

Akëtë 4:31

'Ü bɩaa' nyɔsʋabibiekʋ nɩ, ‑plɩɩlɩ 'ü traraa' nya tɩtrɛ. 'Nyüna ‑Susu nya 'si 'üa 'fɩɔ 'klɩ, ‑bɛ 'ü 'paa nyɔsʋaawii 'surusa.

Akëtë 4:8

‑Bɛ 'Nyüna ‑Susu 'sia' Piɛɛrë 'klɩ 'ɔnya ‑gbala 'üün: «Juifëa 'cifu 'amɩ, Israɛɛlëa tagbü 'amɩ,

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

1 Piɛɛrë 4:6

'A 'ia ‑gʋ 'Mʋfagogo 'sara bɩa nyüülü jäa', 'kä 'üa ‑gä ma bɩa ‑trääräkʋ 'lɩbänyüüa 'sa nɩ, 'ümä 'lɩbä ‑susu 'lɩ 'sɩrɩ Nyɔsʋa 'bataa'.