1 Piɛɛrë 1:1 - Kuö Dëdrä Jenɛɛsë Rutë

¹ 'Mɔɔ Piɛɛrë, Jesu 'Kriisëa apotrë, 'mɔɔ ‑jɩjra 'amɩ 'wʋ, 'amɔ bäa' Nyɔsʋaa 'lɩbanyüülü ‑gbalaa' Pɔɔntëa ‑tʋtʋ ‑gälɩ 'kä ‑bɛ ɔ bäa' Galasii, Kapadosii, Asii nyra Bitenii, 'ia nyɔtugbanyüü.

1 Piɛɛrë 1:1 Referans Kwoze

Jaakë 1:1

'Mɔɔ Jaakë, Nyɔsʋa nyra 'Pläkänyɔɔ Jesu 'Kriisëa ‑geei, 'mɔɔ ‑jɩjra 'amɩ 'wʋ, 'amɔ ‑glügbü ‑pʋ ‑bɛ 'sɔɔlü ‑gbagblaa' 'lɩ 'klɩ 'kä; 'n 'trɛɛ 'amɩ.

Ebröönyüü 11:13

'Üa 'fɩɔlü nɩ, 'ü toro Nyɔsʋa plɛ toro toro 'ünya jä. Diili Nyɔsʋa 'da ɩa' 'ɔmäa' 'üün ‑nyɩ 'ünyɩ 'iin 'jä ‑a 'jä, ‑maa 'ü 'jä 'iin 'wʋ 'lee 'ünya toro 'iin 'plɛɛ, dɔrʋ nya 'bla 'üün ‑gböösa. 'Ü ‑nëma 'kasa nyɔtugbanyüü 'ü bä 'plälä kʋa' ‑pɩa 'mlɩ, 'sɩrɩ 'ü bäa' ‑sisinyüü ‑pɩ ‑tʋtʋ ‑gälɩ.

Ɛfɛsënyüü 2:19

'A 'ia ‑gʋ, 'a ‑kanyɩ nyɔtugbanyüü 'aiɛ ‑sisinyüü ‑a bä. Nyɔsʋaa 'nyünanyüüa ‑tɔrʋpɩɔa nyüü 'a bä, 'anya 'a Nyɔsʋaa nyuku ‑wälɩa nyüü bä.

Akëtë 8:4

'I känyrɩ 'cɛcɩnyüülü ‑gbagba ɩa' 'kä nya mi ‑pɩɔa 'fɩɔ nyɔsʋaawii 'pala.

Jaan 11:52

'Inyɩ juifëa 'pläa 'dooa ‑gʋ ‑a bä, ‑maa Nyɔsʋaa 'jülü ‑gbagbaa' 'kä nɩ, 'ɔmä 'üa 'fɩɔ ‑gbapapla 'ümä 'doo bä.

Matiö 24:22

Nyɔsʋa ma 'nyɩ ɩ 'ia jrüülü 'klɩ ‑a 'bö, nyɔɔ 'doo ‑nëmä 'lɩmlɩ ‑a 'wʋ; ‑maa 'ɔa nyüülü 'ɔ 'baa' 'lɩ, 'üa ‑gʋ 'ɔ 'bö jrüü 'klɩ.

1 Piɛɛrë 2:11

'Na ‑wawanyüü 'amɩ, 'amɔ bäa' nyɔtugbanyüü ‑taa ‑tʋtʋlʋa ‑gälɩ jrüü jiea ‑gʋ, 'n bibie 'amɩ, 'ba 'cɛrɛ bʋbɔgbili 'a 'bataa' ‑wälɩ; 'ii nyra 'ana ‑susu ‑fuuö tou.

2 Piɛɛrë 1:1

'Mɔɔ Simɔɔ Piɛɛrë, Jesu 'Kriisëa ‑geei nyra 'ɔa apotrë, 'mɔɔ ‑jɩjra ü kä nyɔsʋaplɛ 'bʋaa' ‑beere ana nɛ 'wʋ. Ana Nyɔsʋa nyra 'Lɩmlɩbanyɔɔ Jesu 'Kriisë 'klɩgägäkʋa 'nyrɩklɩa ‑gʋ a 'klaa 'ia nyɔsʋaplɛlɛ.

Ɛfɛsënyüü 2:12

'Ba 'pa plɛ, 'ia 'taɩn 'lɩ nɩ, 'a ma tʋŋlʋlɩ 'Kriisë dɛrɩ; a ma 'nyɩ kä ‑a kä 'amä Israɛɛlëa ‑glügböa 'mlɩa nyüü bä, 'a ma 'nyɩ kuöa 'mlɩ ‑a bä, kuölä Nyɔsʋa 'paa' 'lɩ, 'kä wiili 'ɔ 'daaa' 'ɔmäa' nʋ, 'ia 'surukʋa ‑gʋ. 'A ma 'nyɩ plɛgälɩpiedɛɛ ‑a kä, 'a ma 'nyɩ Nyɔsʋa ‑a jre 'pläa 'mlɩ.

2 Korɛɛntënyüü 1:8

'Na ‑wlajü 'amɩ, a 'bata 'ba jre ‑sʋɩlɩ a 'järäa' Asiia ‑tʋtʋ ‑gälɩ. 'Ia kälɩbädɛɛ nyra 'ia mɩmɩakʋ 'nyɩ bä ‑a bä; 'ia 'plä 'wʋ kʋkʋtʋ ‑kanyɩ 'nɩmɩ amɩ 'tʋ ‑a kä.

Akëtë 18:2

'Ɔnya 'jä juifënyɔɔ 'doo 'ɔɔ 'ü 'daraa' Akilasë, Pɔɔntëa ‑tʋtʋ ‑gälɩ 'ü ‑glooro 'ɔɔn. 'Ɔɔ ‑ka sɔ ɩa' Italiia 'bre, 'ɔ ‑bɛ 'ɔa 'ŋlʋʋ Prisiilë 'sɔ. 'Kɩɩ kpakölɔ 'ü 'daraa' Kloodë nɩ, 'ɔnya ‑gbala juifëa 'fɩɔ 'ü sɔ Rɔmë, 'ia ‑gʋ 'ü 'sɔ 'lɩ. 'Pɔɔlë nya kla 'üün ‑gbötü 'lɩ.

'Nyügälɩjawii 1:11

‑Jäsɩ 'i 'saa' 'lɩ: «‑Jɩjra wiili ‑jääa' 'wʋ ‑pɔɔkʋa 'mlɩ, 'kä ‑fa 'uun 'cɛcʋ ‑uunsɔɔlʋ bäa' ‑taa bätëlëa 'mlɩ: Ɛfɛsë, Simiirënë, Pɛgamamë, Tiratiirë, Sarëdɛɛsë, Filadɛlëfii, nyra Laodisii.»

2 Timotee 1:15

'Be ‑jre 'iin 'sɩrɩ ü kä 'fɩɔ bäa' Asiia ‑tʋtʋ ‑gälɩ nya 'a 'mɩ dɛrɩ sɔ; Figɛlë nyra Emojɛnë bä 'üa ‑tɔrʋpɩɔ.

Galaatënyüü 1:2

'Mɔɔ ‑bɛ ‑wlajülü kä 'fɩɔ bäa' ‑tɛ, amɔ ‑jɩjra 'amɩ 'wʋ, 'amɔ 'cɛcʋlʋ bäa' Galaatëa ‑tʋtʋ ‑gälɩ, a 'trɛɛ 'amɩ.

1 Korɛɛntënyüü 16:19

Asiia 'cɛcʋ 'trɛɛ 'amɩ. Akilasë, Prisëka nyra nyüülü palaa' 'üa nyüköli 'cɛcɩ 'trɛɛ 'amɩ ‑gböösa 'Pläkänyɔɔa 'nyrɩklɩ.

Akëtë 19:10

'I nrörö nrörö ‑sɩ 'sɔɔ, 'kä nyüülü kʋa' Asiia ‑tʋtʋ ‑gälɩ, ‑kä juifënyüü, grɛɛkënyüü, 'üa 'fɩɔ 'nu 'Pläkänyɔɔ Jesua wii 'wli.

Akëtë 18:23

'Ɔ ‑sia' 'lɩ jrüü jie nɩ, 'ɔnya srörö 'sɔɔwʋ bätëlëa mlɩ: 'ɔnya ‑srörö Galasii nyra Filigia 'bre, ‑bɛ 'ɔ 'jrara 'wʋnyɛrɛnyüüa 'fɩɔa 'klü.

Akëtë 6:9

Nyüü 'doo nya sɔ juifëa 'sraaplanyuku 'doo ‑wälɩ, i 'ü 'daraa' «Nyüülü ‑kanyɩa' ‑goou bäa trarafa». 'Ünya ji 'ü nyra 'ɔɔn 'mä wii sɔsrɔ. 'Üa ‑tɔrʋpɩɔ bä juifë: 'ü sɔ bätëlë 'ü 'daraa' Sirɛɛnë nyra Alesandrii, 'ünya sɔ bɩa Silisii nyra Asiia 'bre.

Jaan 7:35

'Ɔ ‑gbaa' 'saa nɩ, juifëa 'kpɔ 'paa wii ɔ: «‑A 'plɛɛ 'ɔmä mi ‑bɛ a ‑nëmä 'ɔɔn 'jä le? ‑Ale juifë ‑mülü mia' grɛɛkënyüüa ‑tɔrʋpɩɔ 'ɔmä mi 'ɔmä 'üün 'kpɩaa?

Matiö 10:2

‑Jää apotrë ‑pʋ ‑bɛ 'sɔɔlüa 'nyrɩ: 'klɩsaa nɔ 'ü 'dara Simɔɔ, 'ɔɔ 'ü 'dara bɩa Piɛɛrë, nyra 'ɔa ‑wlajʋ 'ü 'daraa' Andree, nyra nyɔɔlɔ 'ü 'daraa' Sebedee, 'ɔa 'jü Jaakë nyra 'ɔa ‑wlajʋ Jaan,

Matiö 4:18

Jesu ‑gblaara ɩ Galileea 'nie, 'ɔnya 'jä Simɔɔlɔ 'ü 'daraa' Piɛɛrë nyra 'ɔa ‑wlajʋ Andree. ‑Tata 'ü 'pa ɩ 'nie 'lɩ, 'be fɩafɩanyüü 'ü bä.

Lukë 18:7

‑Bɛ Nyɔsʋa le? 'Ɔa 'jülü 'ɔ 'baa' 'lɩ ü wea' ‑srɩ ‑bɛ ‑gbia 'sɔ nɩ, 'ɔ ‑nëmä 'üün 'üa ‑gä ‑a ‑nyɩ? 'Ɔnya dɛrɩ ‑wlɛa 'ɔmä 'üün ‑gbaji?