1 Jaan 4:9 - Kuö Dëdrä Jenɛɛsë Rutë

⁹ ‑Jää 'sɩ Nyɔsʋa sraraa' amɩ 'sɩrɩ 'ɔ ‑waa' amɩ: 'ɔ ja 'ɔa 'Jʋ 'doo 'doo 'pläa 'mlɩ, amä 'ɔɔn kälɩ ‑srörö amä 'klä 'jä.

1 Jaan 4:9 Referans Kwoze

Jaan 3:16

'Be Nyɔsʋa ‑wa 'plä ‑gböösa, 'ɔnya 'sa 'ɔa 'jʋ 'doo 'doo, 'ia ‑gʋ nyɔɔ o nyɔɔ toroa' 'ɔɔn plɛ ‑pɩ jä, ‑maa 'ɔmä 'klälä 'nyɩa' blöröfa kä 'jä.

1 Jaan 5:11

‑Jää wiili Nyɔsʋa 'saa' 'lɩ: 'Ɔ ‑nyɩ amɩ 'klälä 'nyɩa' blöröfa kä, ‑bɛ 'klälä nɩ, 'ɔa 'Jʋ 'lɩ 'ä bä.

Rɔmënyüü 8:32

'Ɔɔ 'nyɩa' 'ɔa 'Jʋ 'klɩbere ‑bɛ ɔ 'saa 'ɔɔn ana 'fɩɔa ‑gʋ, ‑asɩ 'ɔ ‑nëmä bɩa 'ɔa 'Jʋ nyra amɩ diia 'fɩɔ ‑nyɩ le?

Jaan 6:57

'Sɩrɩ 'lɩbä Tʋlɔ blɔa' 'mɩ käa' 'nyrɩ ‑bɛ 'n bäa' 'lɩ nɩ, nyɔɔlɔ nëmäa' 'mɩ ji, 'asɩ 'nëmä bɩa 'nyrɩkä ‑bɛ 'ɔmä 'lɩbä.

1 Jaan 4:10

‑Jää dɛɛlɛ bäa' ‑wawakʋ: ‑mää amɔ 'nyɩ Nyɔsʋa ‑wa, ‑maa 'ɔɔ ‑wa amɩ. Ana ‑wawakʋa ‑gʋ nɩ, 'ɔnya 'sa 'ɔa 'Jʋ ana ‑balʋa ‑gʋ ‑bɛ 'ɔa 'crɛ 'mä 'wʋcie.

1 Jaan 3:16

Amɔlɔ nɩ, a jre dɛɛlɛ bäa' ‑wawakʋ, 'be 'ɔ 'sa 'ɔa 'klä ana ‑gʋ. Ana 'mʋgbɛlü nɩ, a kä amä ana 'klä ‑nyɩ ana ‑wlajüa ‑gʋ.

Jaan 10:10

'Jejienyɔɔ jö 'ɔmä 'jie, 'ɔmä ‑plɛlɩbö, 'ɔmä dii bʋblɔ. 'Mɔɔlɔ nɩ, 'n ji ‑bablëë 'mä 'klä 'jä, 'klälä kä ‑srɩ 'nyɩa' ‑pɛ.

Jaan 6:51

'Mɔɔ bä 'flɔɔlʋ sɔa' cɛlɩ, u ‑nyɛɛa' 'klä. Nyɔɔ ma ji 'uun, 'ɔnya 'klälä 'nyɩa' blöröfa kä 'jäa. ‑Bɛ 'flɔɔlʋ 'nëmäa' 'ɔɔn ‑nyɩ nɩ, 'na 'jajɛ bäsaa, 'ɛɛ 'nëmä ‑nyɩ 'pläa 'kläa ‑gʋ.»

Jaan 3:18

‑Mɔlɔ toroa' 'ɔɔn plɛ, 'ɔa ‑gä 'nyɩ ‑trääräkʋ ‑a kä 'plɔʋ; ‑maa ‑mɔlɔ 'nyɩ toroa' 'ɔɔn plɛ, 'ɔa ‑gä 'a kä 'bölö, 'be 'ɔnyɩ Nyɔsʋaa 'Jʋ 'doo 'doo plɛ ‑a toro.

Ebröönyüü 1:5

'Be Nyɔsʋa ‑kaapɩɔ 'ɔa 'aanjëa ‑tɔrʋpɩɔa 'doo ‑gbala ‑maa: ‑Mɔ bä 'na 'Jʋ, 'mɔɔ ‑gu 'saarɩ ‑mɩ . 'Aiɛ 'sɔɔwʋ, ɔ 'daa: 'Mɔɔ nëmä ‑na Tʋ bä, ‑bɛ ‑mä 'na 'Jʋ bä .

Jaan 8:42

Jesu ‑nëma: «Nyɔsʋa ma bä ɩ 'ana tʋ nɩ, 'anya ɩ 'mɩ ‑waa. Nyɔsʋalɔ, 'ɔɔ 'lɩ 'n sɔ ‑bɛ 'n jö; ‑mää 'na 'mʋgbɛ 'lɩ 'nyɩ jrörö, ‑maa 'ɔɔ blɔ 'mɩ.

Lukë 4:18

'Pläkänyɔɔa ‑Susu bä 'mɩ ‑gälɩ, 'ɔnya 'balɩ 'mɩ 'mä 'pʋablanyüü 'Mʋfagogo 'sa. 'Ɔ blɔ 'mɩ 'mä nyüülü ‑kanyɩa' plɛtorofa kä plɛlɩpa ; 'mä ‑jienyüü ‑gbala 'sɩrɩ 'ü ‑kanyɩa' ‑jienyüü bä, ‑bɛ 'mä 'nɔnɔnyüü ‑gbala, 'ü 'mrɛɛ 'ü 'jäkä, 'mä nyüülü 'jääa' ‑sʋɩ, ‑sʋɩ 'lɩ 'ba .

Marëkë 12:6

'Ɔa ‑wawajʋa 'doo tɩɔ 'lɩ. 'Ɔa plɛ 'klɩ 'ɔ ‑nëma: ‹Ama blɔ 'na 'jʋ, 'ünya 'ɔɔn nyɔɔwʋbaa.› 'Ɔnya 'pala 'jʋlɔ ‑gälɩ 'tä, 'ɔnya blɔ 'ɔɔn nyüülüa ‑nyɛɛ.

1 Jaan 4:16

Amɔlɔ nɩ, a jre ‑wawakʋlʋ Nyɔsʋa ‑waa' amɩ, anya toro 'uun plɛ. Nyɔsʋa bä ‑wawakʋ. Nyɔɔlɔ kʋäa' ‑wawakʋ 'lɩ nɩ, Nyɔsʋa 'lɩ 'ɔ kʋ, ‑bɛ Nyɔsʋa kʋ 'ɔɔn 'lɩ.

Jaan 14:6

Jesu nya ‑gbala 'ɔɔn: «'Mɔɔ bä 'nyʋfɔ, 'nyaa bä 'cɩcasa nyra 'klä. Nyɔɔ ‑o nyɔɔ jöa' Tʋa ‑nyɛɛ 'mɔɔ 'ɔ ‑srörö kälɩ.

Jaan 6:29

Jesu nya ‑gbala 'üün: «Nyɔsʋaa 'jrʋpalä amäa' ‑fɛ 'ää bä 'ba toro nyɔɔlɔ 'ɔ blɔa' plɛ.»

Jaan 8:29

Nyɔɔlɔ blɔa' 'mɩ bä 'mɩ dɛrɩ; 'ɔnyɩ 'mɩ dɛrɩ ‑a sɔ, 'be wiili 'ɔ 'bataa' 'a 'ii 'n nöa 'doo.»

Jaan 5:23

nyüüa 'fɩɔ 'mä 'Jʋ 'bʋala, 'sɩrɩ 'ü 'bʋalaa' Tʋ. Nyɔɔlɔ 'nyɩ 'bʋalaa' 'Jʋlɔ 'nyɩ Tʋlɔ blɔa' 'ɔɔn ‑a 'bʋala.

Jenɛɛsë 22:2

'Ɔ ‑nëma: «Fa ‑na ‑wawajʋ 'doodoolɔ ‑waa' Isaakë, 'kä ‑mö Moriaa 'bre 'dʋgbalä 'nëmäa' ‑mɩ srara, 'äa ‑gälɩ. 'A ‑nyɛɛ ‑a ‑saara 'ɔɔn ‑gbɔ 'lɩ, 'sɩrɩ 'ü 'saaa' fifigbɔsadii.»

Jaan 9:3

'Iibäa' Jesu nɩ: «‑Mää kä 'ɔɔ 'aiɛ nyüülü ‑gua' 'ɔɔn 'ü nʋ ‑balʋ ‑a, ‑maa Nyɔsʋa 'mä 'ɔa 'kläa 'mlɩ 'jrʋpa ‑fɛɛɛrɛ, 'ümä 'ään 'jä.

1 Jaan 5:13

'Amɔlɔ toroa' Nyɔsʋaa 'Jʋa 'nyrɩ plɛ 'amä 'iin jre 'sɩrɩ 'a 'klaaa' 'klälä 'nyɩa' blöröfa kä ‑bɛ 'amä Nyɔsʋaa 'Jʋa 'nyrɩ plɛtoro, 'ia ‑gʋ 'n ‑jɩjra 'amɩ 'wʋ.