1 Jaan 4:7 - Kuö Dëdrä Jenɛɛsë Rutë

⁷ 'Na nyüü 'amɩ, a ‑wawla 'be Nyɔsʋa 'ɔɔ ja ‑wawakʋ. Nyɔɔ o nyɔɔ ‑waaa' 'ɔa ‑wlajʋ nɩ, Nyɔsʋaa 'jʋ 'ɔ bä, 'ɔ jre Nyɔsʋa.

1 Jaan 4:7 Referans Kwoze

1 Jaan 4:20

Nyɔɔ ma 'daa 'ɔ ‑wa Nyɔsʋa ‑bɛ ɔma jrara 'ɔa ‑wlajʋ 'nyüa 'mlɩ nɩ, ‑gbagblɛnyɔɔ 'ɔ bä. Nyɔɔ 'nyɩa' 'ɔa ‑wlajʋlɔ 'ɔ 'jääa' 'wʋ ‑wa nɩ, ‑asɩ 'ɔnya Nyɔsʋalɔ 'ɔnyɩ 'jääa' 'wʋ ‑wa le?

1 Jaan 4:8

Nyɔɔlɔ 'nyɩ ‑waa' 'ɔa ‑wlajʋ nɩ, 'ɔnyɩ Nyɔsʋa ‑a jre, 'be Nyɔsʋa bä ‑wawakʋ.

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.

1 Jaan 2:10

‑Mɔlɔ ‑waa' 'ɔa ‑wlajʋ nɩ, 'ɔɔ bä ‑srɩ 'klɩ, ‑bɛ dɛɛ 'nyɩ 'ɔɔn 'lɩ ‑a bä 'ɛmä 'ɔɔn 'käkpa.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

2 Timotee 1:7

'Be ‑susulu Nyɔsʋa ‑nyɩa' amɩ 'nyɩ nrörö amɩ ŋalɛkänyüü 'lɩ ‑a, ‑maa 'u ‑nyɛɛ amɩ 'klü, ‑wawlakʋ, nyra 'sɩrɩ amäa' ana fugba 'tiere.

1 Jaan 4:12

Nyɔɔ ‑kaapɩɔ Nyɔsʋa 'jä; ‑maa ama ‑wawla nɩ, Nyɔsʋa bä amɩ 'lɩ, ‑bɛ amɔ 'lɩ 'ɔa ‑wawakʋ jräräwli 'cɩcasa.

1 Jaan 2:29

'Ama jre 'iin 'sɩrɩ 'ɔ ‑gäa' 'klɩ nɩ, 'ba jresaa nyɔɔ o nyɔɔ nöa' wiili ‑gäa' 'klɩ nɩ, 'ɔɔ bä 'ɔa 'jʋ.

Jaan 17:3

‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'.

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

Galaatënyüü 4:9

‑Maa ‑plɩɩlɩ 'anya 'a Nyɔsʋa jre, 'aiɛ Nyɔsʋa jrea' 'amɩ nɩ, ‑asɩ 'a nö ‑bɛ 'a ‑ka ‑träärälɩ 'pläa ‑dɔlʋ 'nyɩa' 'klü nyra ‑gbaa ‑a kä le? 'A ‑ka 'bata 'amä ‑goou bä?

Jaan 13:34

‑Dɔ dëdrä 'n ‑nyɛɛ 'amɩ: 'Ba ‑wawla; 'sɩrɩ 'n ‑waa' 'amɩ, 'ba nʋ 'saa 'ba ‑wawla.

1 Korɛɛntënyüü 8:3

‑Maa nyɔɔ ma ‑wa Nyɔsʋa, 'a nyɔɔlɔ Nyɔsʋa jrea'.

1 Jaan 2:3

Ama ‑träärälɩ 'ɔa ‑dɔ nɩ, 'a ‑plɩɩ a jresaa 'sɩrɩ a jrea' 'ɔmɩ.

1 Jaan 2:4

Nyɔɔlɔ nöa' ‑maa: «'N jre 'ɔmɩ» ‑bɛ 'ɔnyɩ ‑trääräa' 'lɩ 'ɔa ‑dɔ nɩ, ‑gbagblɛnyɔɔ 'ɔ bä, 'cɩcasa 'nyɩ 'ɔɔn 'lɩ ‑a bä.

1 Jaan 2:7

'Na ‑wlajü 'amɩ ‑mää ‑dɔ dëdrä 'nyɩ ‑jɩjra; ‑maa 'a ‑kätɩ ‑dɔlʋ 'a jrea' 'bala 'käkolofa 'wʋ nɩ, 'uu bäsaa. ‑Kätɩ ‑dɔlʋ nɩ, 'a 'papawiili 'a 'nua' 'wli 'käkolofa 'wʋ.

1 Jaan 3:9

Nyɔɔ o nyɔɔ bäa' Nyɔsʋaa 'jʋ nɩ, 'ɔnyɩ nʋ ‑balʋ ‑a, 'be Nyɔsʋaa 'pɛ bä 'ɔɔn 'lɩ. 'Ɔ ‑kanyɩ 'lɩ ‑a bɩa ɔ nʋ ‑balʋ, 'be Nyɔsʋaa 'jʋ 'ɔ bä.

1 Jaan 4:11

'Na nyüü 'amɩ, Nyɔsʋa ma nʋ 'saa ɔma ‑wa amɩ nɩ, ana 'mʋgbɛ kä amä 'saa ‑wawla.

1 Jaan 4:16

Amɔlɔ nɩ, a jre ‑wawakʋlʋ Nyɔsʋa ‑waa' amɩ, anya toro 'uun plɛ. Nyɔsʋa bä ‑wawakʋ. Nyɔɔlɔ kʋäa' ‑wawakʋ 'lɩ nɩ, Nyɔsʋa 'lɩ 'ɔ kʋ, ‑bɛ Nyɔsʋa kʋ 'ɔɔn 'lɩ.

1 Jaan 5:1

Nyɔɔ o nyɔɔ jrea' 'saa Jesu bä 'Kriisë nɩ, Nyɔsʋaa 'jʋ 'ɔ bä. Nyɔɔ o nyɔɔ ‑waaa' Tʋ nɩ, 'ɔ ‑waaa' bɩa 'ɔa 'Jʋ.

2 Jaan 1:5

'Ŋlʋʋ, wiili 'mäa' ‑plɩɩ ‑mɩ ‑gbala nɩ, 'iibä: a ‑wawla. ‑Mää ‑dɔ dëdrä 'nyɩ 'saabä, ‑maa 'a ‑dɔ 'doolʋ a 'järä käa' 'käkolofa 'wʋ.