1 Jaan 4:2 - Kuö Dëdrä Jenɛɛsë Rutë

² ‑Jää 'sɩ 'amäa' Nyɔsʋaa ‑Susu jre: ‑Susulu jrea' 'sa Jesu 'Kriisë ‑srörö nyɔɔ 'lɩ, 'uu bä Nyɔsʋaa ‑Susu.

1 Jaan 4:2 Referans Kwoze

1 Korɛɛntënyüü 12:3

'A 'ia ‑gʋ 'n ‑gbala 'amɩ: Nyɔsʋaa ‑Susu ma 'tiere nyɔɔ nɩ, 'ɔnyɩ 'lɩ ‑a bɩa ɔ 'daa: «Jesu busu». ‑Bɛ 'Nyüna ‑Susu ma 'nyɩ nyɔɔ ‑a 'tiere 'ɔnyɩ 'lɩ ‑a bɩa ɔ 'daa «Jesu bä 'Pläkänyɔɔ!»

Jaan 1:14

Nyɔsʋaa 'Papawiili nya srörö nyɔɔ 'lɩ, 'ɔnya kʋ ana ‑tɔrʋpɩɔ. Anya 'jä 'ɔa 'wliklɩ 'bʋabʋakʋ; 'wliklɩ 'bʋabʋakʋlʋ Tʋ ‑nyɩa' 'ɔa 'Jʋ 'doo 'doo. ‑Gbinanakʋ ‑bɛ 'cɩcasa 'si 'ɔɔn 'lɩ.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

1 Jaan 5:1

Nyɔɔ o nyɔɔ jrea' 'saa Jesu bä 'Kriisë nɩ, Nyɔsʋaa 'jʋ 'ɔ bä. Nyɔɔ o nyɔɔ ‑waaa' Tʋ nɩ, 'ɔ ‑waaa' bɩa 'ɔa 'Jʋ.

1 Jaan 4:3

‑Susulu 'nyɩ 'salɩ 'sɩrɩ Jesu 'Kriisë ‑srörö nyɔɔ 'lɩ nɩ, ‑mää Nyɔsʋaa ‑nyɛɛ 'unyɩ sɔ. ‑Gbagblɛ 'kriisëa ‑susulu kä jijigä 'a 'nua' 'wli ‑bɛ unyaa' 'pläa 'mlɩ ji nɩ, 'uu bäsaa.

1 Jaan 2:23

Nyɔɔ o nyɔɔ blaraa' 'Jʋ 'klɩ nɩ, 'ɔnyɩ bɩa Tʋ ‑a jre. ‑Mɔlɔ 'nyierea' 'Jʋ 'klɩ nɩ, 'ɔ jre bɩa Tʋ.

1 Jaan 1:2

'Klälä srara 'äa nyufa: anya 'jäjrä 'ämɩ, 'a 'äa ‑gä a 'paa. 'A 'klälä 'nyɩa' blöröfa kä ‑bɛ ä bä käa' Tʋa ‑gba, ä sraraa' amɩ 'äa nyufa nɩ, 'äa ‑gä a ‑gbala 'amɩ.

1 Jaan 4:15

Nyɔɔlɔ 'saaa' 'lɩ ‑maa: «Jesu bä Nyɔsʋaa 'Jʋ» nɩ, Nyɔsʋa bä 'ɔɔn 'lɩ, 'ɔnya bä Nyɔsʋa 'lɩ.

2 Jaan 1:7

'Be nyüütrɔɔrɔnyüü 'kɔkɔmlɛ 'a 'pläa 'mlɩ ‑gbaala. 'Sɩrɩ Jesu 'Kriisë ‑sröröa' nyɔɔ 'lɩ ‑bɛ 'ɔ jia' 'pläa 'mlɩ nɩ, 'inyɩ ja 'üa mlɩ ‑a. Nyɔɔlɔ nöa' 'saa nɩ, 'ɔɔ bä nyüütrɔɔrɔnyɔɔlɔ, ‑bɛ 'ɔ bä ‑gbagblɛ 'kriisëlɔ.