1 Jaan 3:8 - Kuö Dëdrä Jenɛɛsë Rutë

⁸ Nyɔɔ nöa' ‑balʋ nɩ, Sataan a 'jʋ 'ɔ bä, 'be 'bala 'käkolofa 'wʋ Sataan nö ‑balʋ. ‑Bɛ Nyɔsʋaa 'Jʋ ji 'ɔmä Sataan a 'jrʋpa ‑gblooo.

1 Jaan 3:8 Referans Kwoze

Ebröönyüü 2:14

‑Bɛ 'jülü bäa' nyɔɔa 'jajɛ nyra nyɔɔa ‑toru nɩ, 'asɩ Jesua 'mʋgbɛ 'cicri 'ɔa nyufa nyɔɔ 'lɩ; ‑bɛ ɔma jä nɩ, 'ɔmä nyɔɔlɔ 'klaaa' jäjäa 'klü kälɩ ‑gblooo, ɔ bäa' Sataan.

Jaan 8:44

'Amɔlɔ nɩ, 'ana tʋ bä Sataan. Wiili 'ana tʋ 'bataa' 'ii 'a 'bata 'amä nʋ. 'Bala 'pläa 'käkolofa 'wʋ 'ɔ bä nyüüblanyɔɔ, 'ɔnyɩ 'salɩ 'cɩcasa ‑a, 'cɩcasa 'nyɩ 'ɔɔn 'lɩ ‑a bä. Ɔma 'salɩ 'ɔa plɛ 'klɩa wii, 'ia 'fɩɔ bä ‑gbagblɛ. ‑Gbagblɛkänyɔɔ 'ɔ bä, ‑bɛ 'ɔ bä ‑gbagblɛa tʋ.

Kolɔɔsënyüü 2:15

Nyɔsʋa 'ba 'kamanyüü nyra ‑sisili käa' 'klü 'üa 'klü kälɩ; 'ɔnya ‑srörö krʋa kälɩ nyüüa 'fɩɔa 'klɩ, 'ɔnya du 'üün.

Rɔmënyüü 16:20

Nyɔsʋalɔ ‑nyɛɛɛa' plɛgälɩflɛrɛkʋ jö 'lee 'ɔmä Sataan 'ana bei ‑wälɩ 'käsusro. Abɩa ana 'Pläkänyɔɔ Jesu 'Kriisëa ‑gbinanakʋ bä 'ana ‑tɔrʋpɩɔ. 'Asɩ i bä.

Jaan 16:11

Dɛɛlɛ bäa' ‑gätʋtʋkʋ nɩ: nyɔɔlɔ käa' 'plälä kʋa' ‑pɩ, 'ɔa ‑gä 'a ‑träärä.

Jaan 12:31

'A 'pläa ‑gäbötaɩn ‑ka jräa' ‑ɩ 'lɩ; nyɔɔlɔ bäa' 'pläa 'wliklɩ, 'a 'ɔa ‑fälɩbetaɩn.

2 Piɛɛrë 2:4

'A jre 'iin 'sɩrɩ, Nyɔsʋa 'nyɩa' 'aanjëlü nʋa' ‑balʋ 'klɩ ‑a bere, ‑maa 'ɔ be 'üün 'lɩtʋŋlɔbütügbaa 'mlɩ, 'ü 'pala 'cɩ 'jöjrüükpü 'lɩ; 'üa ‑gätʋtaɩn 'ü ‑glaaa.

Marëkë 1:24

«‑Yii! Wii 'plɛɛ bä a nyra ‑mɔ kɔsɔa ‑tɔrʋpɩɔ le, Nasarɛɛtënyɔɔ Jesu? Amɔ ‑ji bʋblɔ? 'N jre nyɔɔlɔ bäa': Nyɔsʋaa 'Nyünanyɔɔ, 'ɔɔ ‑bä!»

Ɛfɛsënyüü 2:2

'Ana nʋnʋgbi nyra ‑taa 'plälä kʋa' ‑pɩa nyüü ma bäa' dɛɛ 'dee, ‑bɛ 'a ma prɛ cɛ nyra ‑tʋtʋa ‑tɔrʋpɩɔa 'klüa 'cifi dɛrɩ; 'a 'ia ‑susulu 'uu ‑fɛɛɛrɛ nyüülü 'nyɩ ‑trääräa' 'lɩ Nyɔsʋaa 'kläa 'mlɩ 'jrʋpa.

Lukë 10:18

'Ɔnya ‑gbala 'üün: «'N 'jä Sataan ‑bɛ 'ɔ sɔ cɛlɩ 'ɔ blö ‑beere ‑mamɛɛ.

1 Jaan 3:10

‑Jää 'sɩ 'ü jrea' Nyɔsʋaa 'jü nyra Sataan a 'jü: nyɔɔ o nyɔɔ 'nyɩa' 'klɩgä, 'aiɛ ɔnyɩa' 'ɔa ‑wlajʋ ‑wa nɩ, 'ɔnyɩ Nyɔsʋaa 'jʋ ‑a bä.

Matiö 13:38

Putulu nɩ, 'u bä 'plä; 'cɩca papladiili nɩ, 'iibä 'kamapläa 'jü; bʋbɔsipili nɩ, 'a Plɛbʋbɔsusua 'jü.

'Nyügälɩjawii 20:10

Diabëlëlɔ ‑trɔɔrɔ ɩa' 'üün nɩ, 'ünya bere 'ɔɔn kapuprʋgbalä kä 'pʋpʋ 'pütöa' a 'mlɩ, i mrɛɛlɛ nyra ‑gbagblɛ nyɔsʋaamlɩpalanyüü bäa'. 'Ünya 'lɩ ‑sʋɩ 'järäa' ‑srɩ ‑bɛ ‑gbia 'plɔʋplɔʋa ‑gʋ.

1 Jaan 5:19

A jre 'iin 'sɩrɩ a bäa' Nyɔsʋaa 'jü, ‑bɛ a jre bɩa 'iin 'sɩrɩ 'pläa 'fɩɔ bäa' Plɛbʋbɔsusu kälɩ.

1 Jaan 3:5

'A jre 'imɩ 'sɩrɩ Jesu jia' 'lɩ ana ‑balʋ 'ba, ‑bɛ ‑balʋ 'nyɩa' 'ɔɔn 'lɩ bä 'plɔʋ.

'Nyügälɩjawii 20:15

‑Bɛ nyɔɔ känyrɩ 'nyɩa' 'Kläa ‑Pɔɔkʋ 'lɩ ‑jɩjra nɩ, kapuprʋgba 'lɩ 'ü bere 'ɔɔn.

Judë 1:6

'Aanjëlü 'nyɩa' bɩa 'üa 'kamablɩa 'mlɩ kʋ ‑bɛ ü sɔa' 'lɩ nɩ, Nyɔsʋa 'pa 'üün 'cɩ 'jöjrüükpü 'lɩ 'plɔʋplɔʋa ‑gʋ, 'ümä ‑gäa ‑srɩ ‑susugbee ‑glaaa.

Jenɛɛsë 3:15

'Nyaa ‑mɔ bɛ 'ŋlʋʋa ‑tɔrʋpɩɔ ‑yrɛ berea, 'nyaa bɩa ‑na 'jüa 'jü nyra 'ɔa 'jüa jüa ‑tɔrɔpɩɔ ‑yrɛ berea. 'Ɔnya ‑na 'wli 'käsusroa, 'kä ‑nya 'ɔa bɔtötö mlu.»

Matiö 4:3

'Traɩnyɔɔ Sataan nya jijrö 'ɔɔn ‑gba 'ɔnya ‑gbala 'ɔɔn ‑maa: «‑Ama bä Nyɔsʋaa 'Jʋ nɩ, 'pala 'täkëlë kʋa' ‑pɩ wii ‑gba 'ümä 'flɔɔ 'lɩ 'cicri.»

Matiö 12:28

‑Maa ima 'daa Nyɔsʋaa ‑Susu 'n ‑srörö kälɩ ‑bɛ 'n prɛ domüü nɩ, 'ba jresaa Nyɔsʋaa 'kamaplä 'a 'ana ‑nyɛɛ 'tɔ.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

Ebröönyüü 9:26

Ima bä ɩ 'saa nɩ, 'ɔnya ɩ 'wʋ 'kɔkɔmlɛ 'wʋ järäa 'bala 'pläa 'käkolofa 'wʋ. ‑Maa ‑taa ‑gälɩblöröjrüülü kä 'mlɩ a bäa' nɩ, 'ɔ srara 'ɔa nyufa 'wʋ 'doo 'wʋ 'plɔʋplɔʋa ‑gʋ, ‑gbɔlʋ 'ɔ 'saa ‑bɛ 'ɔ ‑nyɩa' 'ɔa nyufa nɩ, 'iibä ‑balʋa 'fɩɔ 'a ‑gblooo.

1 Jaan 1:2

'Klälä srara 'äa nyufa: anya 'jäjrä 'ämɩ, 'a 'äa ‑gä a 'paa. 'A 'klälä 'nyɩa' blöröfa kä ‑bɛ ä bä käa' Tʋa ‑gba, ä sraraa' amɩ 'äa nyufa nɩ, 'äa ‑gä a ‑gbala 'amɩ.