1 Jaan 3:6 - Kuö Dëdrä Jenɛɛsë Rutë

⁶ 'Ii känyrɩ, nyɔɔ o nyɔɔ kʋa' 'ɔɔn 'lɩ 'nyɩ nʋ ‑balʋ ‑a. Nyɔɔ o nyɔɔ nöa' ‑balʋ nɩ, 'ɔnyɩ 'ɔɔn 'jä ‑a 'jä, ‑bɛ 'ɔnyɩ 'ɔɔn jre ‑a jre.

1 Jaan 3:6 Referans Kwoze

3 Jaan 1:11

'Na ‑wlajʋ, ‑nyɩ tɛ ‑balʋ 'klɩ ‑maa 'cɩcasa ‑a ‑tɛ 'klɩ. Nyɔɔlɔ nöa' 'cɩcasa nɩ, Nyɔsʋaa 'jʋ 'ɔ bä; nyɔɔlɔ nöa' ‑balʋ nɩ, 'ɔnyɩ Nyɔsʋa ‑a jre 'plɔʋ.

1 Jaan 3:9

Nyɔɔ o nyɔɔ bäa' Nyɔsʋaa 'jʋ nɩ, 'ɔnyɩ nʋ ‑balʋ ‑a, 'be Nyɔsʋaa 'pɛ bä 'ɔɔn 'lɩ. 'Ɔ ‑kanyɩ 'lɩ ‑a bɩa ɔ nʋ ‑balʋ, 'be Nyɔsʋaa 'jʋ 'ɔ bä.

1 Jaan 2:4

Nyɔɔlɔ nöa' ‑maa: «'N jre 'ɔmɩ» ‑bɛ 'ɔnyɩ ‑trääräa' 'lɩ 'ɔa ‑dɔ nɩ, ‑gbagblɛnyɔɔ 'ɔ bä, 'cɩcasa 'nyɩ 'ɔɔn 'lɩ ‑a bä.

1 Jaan 4:8

Nyɔɔlɔ 'nyɩ ‑waa' 'ɔa ‑wlajʋ nɩ, 'ɔnyɩ Nyɔsʋa ‑a jre, 'be Nyɔsʋa bä ‑wawakʋ.

1 Jaan 3:2

'Na ‑wawanyüü 'amɩ, Nyɔsʋaa 'jü a bä ‑mlatɩ, ‑bɛ 'sɩrɩ amäa' ‑srɩɩ bä nɩ, Nyɔsʋa ‑kaaŋlʋ amɩ 'iin srara. ‑Maa wiili a jrea' nɩ, 'taɩn 'lɩ 'ɔmäa' ‑srɩɩ 'ɔa nyufa srara nɩ anya 'ɔa 'sa bäa, 'be 'sɩrɩ 'ɔ bäa', 'asɩ amä 'ɔɔn 'jä.

1 Jaan 5:18

A jre 'iin, nyɔɔ o nyɔɔ bäa' Nyɔsʋaa 'jʋ nɩ, 'ɔnyɩ nʋ ‑balʋ ‑a, 'be nyɔɔlɔ bäa' Nyɔsʋaa 'jʋ nɩ, 'ɔa nyufa 'ɔ ‑gäälänyiöli Plɛbʋbɔsusu ‑pɩ 'ɔa ‑gbanʋdɛɛ kä.

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

1 Jaan 2:28

'Na 'jü 'amɩ, 'ba kʋ 'ɔɔn 'lɩ. 'Ia 'taɩn 'lɩ ɔma ji ‑srɩɩ nɩ, ana plɛ 'mä nyɔnyrɔ, 'nyüsü ‑pɩ amɩ 'bla 'ɔa jijitaɩn 'lɩ.

2 Korɛɛntënyüü 3:18

Ana 'fɩɔa 'kʋɩa 'nyɩ ‑sisie ‑a ‑sisie, ‑bɛ a 'jäjrä 'Pläkänyɔɔa 'wliklɩbʋabʋakʋ ‑beere ‑titre 'lɩ. 'Cicri a 'cicri 'plɔʋplɔʋ, amä 'Pläkänyɔɔa 'sa bä; a sɔ 'wliklɩbʋalakʋ 'lɩ ‑bɛ a 'jrara 'wliklɩbʋabʋakʋ 'lɩ. 'Pläkänyɔɔlɔ bäa' ‑Susu, 'ɔa 'jrʋpa bäsaa.

1 Jaan 2:3

Ama ‑träärälɩ 'ɔa ‑dɔ nɩ, 'a ‑plɩɩ a jresaa 'sɩrɩ a jrea' 'ɔmɩ.