1 Jaan 2:5 - Kuö Dëdrä Jenɛɛsë Rutë

⁵ ‑Maa ‑mɔlɔ ‑trääräa' 'lɩ 'ɔa mlɩa wii nɩ, Nyɔsʋaa ‑wawakʋlʋ bäa' 'ɔɔn 'lɩ 'u jräwli. 'A ‑plɩɩ a jresaa 'sɩrɩ a bäa' 'ɔɔn 'lɩ.

1 Jaan 2:5 Referans Kwoze

Jaan 14:23

Jesu nya ‑gbala 'ɔɔn: «Nyɔɔ ma ‑wa 'mɩ nɩ, 'ɔnya 'lɩ 'na mlɩa wii ‑trääräa, 'kä 'na Tʋ nya 'ɔɔn ‑wa; anya 'ɔa ‑nyɛɛ jia, 'kä anya 'lɩ ana kʋfa nrörö.

Jaan 14:21

Nyɔɔlɔ poa' 'na 'papawii 'nyakli ‑bɛ ɔ ‑trääräa' 'lɩ 'iin nɩ, 'ɔɔ ‑wa 'mɩ; ‑bɛ nyɔɔlɔ ‑waaa' 'mɩ nɩ, 'na Tʋ nya 'ɔɔn ‑waa, 'na 'mʋgbɛ 'nyaa 'ɔɔn ‑waa, 'kä 'nyaa 'ɔɔn 'na nyufa srara.»

Lukë 11:28

‑Maa Jesu nya ‑gbala 'ɔɔn: «Nyüülü poa' nyɔsʋaawii 'nyakli, ‑bɛ ü ‑trääräa' 'lɩ 'imɩ nɩ, 'üü ‑jɔrʋ pala!»

1 Jaan 3:24

Nyɔɔlɔ ‑trääräa' 'lɩ 'ɔa ‑dɔ nɩ, 'ɔ kʋ Nyɔsʋa 'lɩ, Nyɔsʋa nya kʋ 'ɔɔn 'lɩ. ‑Bɛ a jre 'sɩrɩ 'ɔ bäa' amɩ 'lɩ, 'be 'ɔ ‑nyɩ amɩ 'ɔa ‑Susu.

'Nyügälɩjawii 14:12

‑Jää wiili kä ‑gʋ nyɔsʋaanyünanyüü käa' 'ümäa' 'mlɩkpʋkplɔ. ‑Jää wiili kä ‑gʋ 'ü käa' 'ümäa' 'lɩ Nyɔsʋaa 'kamadɔ ‑träärä ‑bɛ 'ü käa' 'ümäa' Jesu plɛtoro.

1 Jaan 5:2

Ama ‑wa Nyɔsʋa, ‑bɛ ama ‑träärälɩ 'ɔa ‑dɔ nɩ, a jresaa a ‑wa Nyɔsʋaa 'jü.

Jaan 15:5

'Mɔɔlɔ nɩ, 'mɔɔ bä viinyëtuu, 'amɔ bä katë. Nyɔɔlɔ 'maaa' 'mɩ ‑gbakä, ‑bɛ 'n 'maaa' ‑gbakä nɩ, 'ɔ tʋä ‑gböösa. ‑A ‑gbala 'amɩ, ama 'nyɩ 'amɩ 'lɩ ‑a bä, 'anyɩ 'lɩ ‑a bɩa 'amä dɛɛ nʋ.

1 Jaan 4:18

Ŋalɛ 'nyɩ ‑wawakʋ 'lɩ ‑a bä, ‑maa ‑wawakʋlʋ jräa' 'wli nɩ, 'u prɛ ŋalɛ. Nyɔɔ 'ümäa' 'pɔnɩ, 'ɔɔ ŋalɛ 'blaa'. 'Ii känyrɩ, nyɔɔlɔ ŋalɛ 'blaaa' nɩ, 'ɔa ‑wawakʋ 'nyɩ 'wli ‑a jrä.

2 Korɛɛntënyüü 5:17

Nyɔɔ nyra 'Kriisë ma bä 'doo nɩ, nyɔɔdëdrä nyɔɔlɔ bä; 'klɩbɩaa ni 'a ‑si, 'köklesa ‑plɩɩ diia 'fɩɔ bä dëdrä.

'Nyügälɩjawii 12:17

‑Gblɔtrɔ nya ‑träärä 'ŋlʋʋlɔ 'crɛ ‑gba ‑gböösa, 'unya fa 'ɔa 'jülü tɩɔa' 'lɩ tou. 'A 'üülü ‑trääräa' 'lɩ Nyɔsʋaa ‑dɔ, ü ‑trääräa' 'lɩ wiili Jesu 'kpɩaa' 'üün.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

1 Korɛɛntënyüü 1:30

'Amɔlɔ nɩ, Nyɔsʋa nrörö 'amɩ 'doo 'lɩ 'amɔ ‑bɛ 'Kriisë Jesu 'sɔ; Nyɔsʋa nya nrörö 'ɔɔn 'lɩgaglakʋ 'lɩ ana ‑gʋ, 'ɔɔ Nyɔsʋa ‑srörö kälɩ 'kä 'ɔ ‑gäää amɩ 'klɩ, 'ɔnya bere amɩ 'klɩ amä 'ɔa nyüü bä, 'kä 'ɔ 'baa amɩ ‑balʋ 'lɩ.

Rɔmënyüü 8:1

Dɛɛlɛ a kʋa' ‑plɩɩ ‑gälɩ ɔ nɩ, nyüülü bäa' Jesu 'Kriisë 'lɩ ‑kanyɩ 'pɔnɩkʋ ‑a kä, 'abɩa nyüülü 'nyɩ 'nyɛrɛa' 'üa 'jajɛa wii ‑gälɩ, ‑bɛ 'ü 'nyɛrɛa' 'Nyüna ‑Susua wii ‑gälɩ.

Jaakë 2:22

‑Jää 'iin 'sɩrɩ 'ɔa nʋnʋgbi nyra 'ɔa nyɔsʋaplɛtorokʋ mlöröa' 'wʋ. 'A 'ɔa nʋnʋgbi srara 'ɔa nyɔsʋaplɛtorokʋa ‑jrɛjrɛkʋ.

2 Korɛɛntënyüü 5:21

Nyɔɔlɔ ‑kaapɩɔa' ‑balʋ nʋ nɩ, Nyɔsʋa bere 'ɔɔn ana ‑balʋ 'wli, 'kä amɔlɔ nyra 'Kriisë bäa' 'doo nɩ, amä 'klɩgä Nyɔsʋaa 'klɩ.

Jaan 6:56

Nyɔɔlɔ jöa' 'na 'jajɛ ‑bɛ ɔ 'mlaaa' 'na ‑toru, 'ɔ bä 'mɩ 'lɩ ‑bɛ 'n bä 'ɔɔn 'lɩ.

1 Jaan 4:17

'Ii ‑gbala amɩ 'sɩrɩ amɔ 'lɩ 'ɔa ‑wawakʋ jräräwli, 'be 'sɩrɩ 'ɔ bäa' 'asɩ a bä ‑pɩ ‑tʋtʋ ‑gälɩ, ana plɛ 'mä nyɔnyrɔ ‑gätʋsrɩ 'lɩ.

2 Jaan 1:6

‑Bɛ dɛɛlɛ bäa' ‑wawakʋ nɩ, 'iibä 'ɔa ‑dɔa 'lɩträäräkʋ. 'A ‑dɔlʋ 'a käa' 'amäa' 'lɩträärä 'sɩrɩ 'a 'nua' 'uun 'wli 'käkolofa 'wʋ.