1 Jaan 2:11 - Kuö Dëdrä Jenɛɛsë Rutë

¹¹ ‑Maa ‑mɔlɔ jraraa' 'ɔa ‑wlajʋ 'nyüamlɩ nɩ, 'jöjrüükpü 'lɩ 'ɔ bä: 'jöjrüükpü 'lɩ 'ɔ 'nyɛrɛ, ‑bɛ ‑plɩɩlɩ 'ɔ möa' 'ɔnyɩ 'lɩ ‑a jre, 'be 'jöjrüükpü bä 'ɔa 'nyüa 'mlɩ.

1 Jaan 2:11 Referans Kwoze

Jaan 12:35

Jesu nya ‑gbala 'üün: «‑Srɩ ‑ka bä 'ana ‑tɔrʋpɩɔ jrüü jiea 'mlɩ. 'Ba 'nyɛ 'sɩrɩ 'i ‑ka bäa' 'ana ‑tɔrʋpɩɔ 'jöjrüükpü ‑pɩ 'amɩ ‑wälɩfu. Nyɔɔlɔ 'nyɛrɛa' 'jöjrüükpü 'lɩ 'nyɩ jre ‑plɩɩlɩ 'ɔ möa' ‑a.

Titë 3:3

Ana 'mʋgbɛlü nɩ, anyɩ kä 'lɩ ‑a ‑gla, a ma blajra, 'mɔlɔnyüü a ma bä. Dɛɛnyü nyra bʋbɔdiili käa' ana plɛ 'tʋ 'ia ‑goou a ma bä. Plɛbʋbɔkʋ nyra ‑wasägbi 'lɩ a ma kʋ, nyüü ma jrara amɩ 'nyüamlɩ ‑bɛ a ma jrajranyüamlɩ.

'Nyügälɩjawii 3:17

‑Jäsɩ ‑gbaaa' nɩ: ‹'N ji 'bɩɔ, 'n 'jä mölii 'kɔkɔmlɛ, 'n ‑kanyɩ 'bata dɛɛ ‑mɩdee ‑a.› ‑Nyɩ 'iin jre ‑a jre 'sɩrɩ ‑busua', ‑bä nyatɛrɩ 'wʋ! 'Pʋa 'blaa ‑mɩ, ‑nɔɔɔ, ‑nya 'pa ‑gbagba.

1 Jaan 1:6

Ama 'daa a nyra 'ɔɔn bä 'doo ‑bɛ ama 'nyɛrɛ 'jöjrüükpü 'lɩ nɩ, ‑gbagblɛnyüü a bä, 'cɩcasa 'nyɩ ana 'kläa 'mlɩ ‑a bä.

1 Jaan 2:9

Nyɔɔlɔ nöa' ‑maa ‑srɩ 'klɩ 'ɔ bä, ‑bɛ ɔ jraraa' 'ɔa ‑wlajʋ 'nyüamlɩ nɩ, 'ɔ ‑ka bä 'jöjrüükpü 'lɩ.

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

Jaan 12:40

'Ɔ 'nɔɔrɔ 'ümɩ; 'ɔnya 'bʋala 'üa plɛ, 'ü ‑pɩ 'nyü nʋ 'ü ‑pɩ 'käjä, 'üa plɛ ‑pɩ wii 'wli 'nu, 'ü ‑pɩ 'na 'pɛlɩ tɛ 'nyɩ ‑pɩ 'üün 'pʋɔ .

2 Korɛɛntënyüü 3:14

‑Maa 'üa bobowli ‑kanyɩ 'nyɩ 'nunusa ‑a bä: üma ‑täsä 'saarɩ ‑Kätɩ kuö nɩ, dapä 'döölä ‑ka bälɩ. ‑Nyra 'Kriisë ma bä nyɔɔ 'doo nɩ, 'a ‑plɩɩ 'ä 'wʋälɩ.

2 Piɛɛrë 1:9

‑Maa ‑mɔlɔ 'nyɩa' 'iin 'klaa nɩ, 'ɔ ‑beere 'nɔnɔnyɔɔ ɔnyɩ 'jäa' 'kä; ɔ ‑trɔa' 'sɩrɩ 'ɔa ‑balʋ nya käa' kpëträ.

1 Jaan 2:10

‑Mɔlɔ ‑waa' 'ɔa ‑wlajʋ nɩ, 'ɔɔ bä ‑srɩ 'klɩ, ‑bɛ dɛɛ 'nyɩ 'ɔɔn 'lɩ ‑a bä 'ɛmä 'ɔɔn 'käkpa.

1 Jaan 3:15

Nyɔɔ o nyɔɔ jraraa' 'ɔa ‑wlajʋ 'nyüa 'mlɩ nɩ, nyüüblanyɔɔ 'ɔ bä, ‑bɛ 'a jre 'iin 'sɩrɩ nyüüblanyɔɔ 'nyɩa' 'klälä 'nyɩa' blöröfa kä kä.

1 Jaan 4:20

Nyɔɔ ma 'daa 'ɔ ‑wa Nyɔsʋa ‑bɛ ɔma jrara 'ɔa ‑wlajʋ 'nyüa 'mlɩ nɩ, ‑gbagblɛnyɔɔ 'ɔ bä. Nyɔɔ 'nyɩa' 'ɔa ‑wlajʋlɔ 'ɔ 'jääa' 'wʋ ‑wa nɩ, ‑asɩ 'ɔnya Nyɔsʋalɔ 'ɔnyɩ 'jääa' 'wʋ ‑wa le?