11 ‑Maa ‑mɔlɔ jraraa' 'ɔa ‑wlajʋ 'nyüamlɩ nɩ, 'jöjrüükpü 'lɩ 'ɔ bä: 'jöjrüükpü 'lɩ 'ɔ 'nyɛrɛ, ‑bɛ ‑plɩɩlɩ 'ɔ möa' 'ɔnyɩ 'lɩ ‑a jre, 'be 'jöjrüükpü bä 'ɔa 'nyüa 'mlɩ.
Jesu nya ‑gbala 'üün: «‑Srɩ ‑ka bä 'ana ‑tɔrʋpɩɔ jrüü jiea 'mlɩ. 'Ba 'nyɛ 'sɩrɩ 'i ‑ka bäa' 'ana ‑tɔrʋpɩɔ 'jöjrüükpü ‑pɩ 'amɩ ‑wälɩfu. Nyɔɔlɔ 'nyɛrɛa' 'jöjrüükpü 'lɩ 'nyɩ jre ‑plɩɩlɩ 'ɔ möa' ‑a.
Ana 'mʋgbɛlü nɩ, anyɩ kä 'lɩ ‑a ‑gla, a ma blajra, 'mɔlɔnyüü a ma bä. Dɛɛnyü nyra bʋbɔdiili käa' ana plɛ 'tʋ 'ia ‑goou a ma bä. Plɛbʋbɔkʋ nyra ‑wasägbi 'lɩ a ma kʋ, nyüü ma jrara amɩ 'nyüamlɩ ‑bɛ a ma jrajranyüamlɩ.
‑Jäsɩ ‑gbaaa' nɩ: ‹'N ji 'bɩɔ, 'n 'jä mölii 'kɔkɔmlɛ, 'n ‑kanyɩ 'bata dɛɛ ‑mɩdee ‑a.› ‑Nyɩ 'iin jre ‑a jre 'sɩrɩ ‑busua', ‑bä nyatɛrɩ 'wʋ! 'Pʋa 'blaa ‑mɩ, ‑nɔɔɔ, ‑nya 'pa ‑gbagba.
Ama 'daa a nyra 'ɔɔn bä 'doo ‑bɛ ama 'nyɛrɛ 'jöjrüükpü 'lɩ nɩ, ‑gbagblɛnyüü a bä, 'cɩcasa 'nyɩ ana 'kläa 'mlɩ ‑a bä.
Nyɔɔlɔ nöa' ‑maa ‑srɩ 'klɩ 'ɔ bä, ‑bɛ ɔ jraraa' 'ɔa ‑wlajʋ 'nyüamlɩ nɩ, 'ɔ ‑ka bä 'jöjrüükpü 'lɩ.
'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.
'Ɔ 'nɔɔrɔ 'ümɩ; 'ɔnya 'bʋala 'üa plɛ, 'ü ‑pɩ 'nyü nʋ 'ü ‑pɩ 'käjä, 'üa plɛ ‑pɩ wii 'wli 'nu, 'ü ‑pɩ 'na 'pɛlɩ tɛ 'nyɩ ‑pɩ 'üün 'pʋɔ .
‑Maa 'üa bobowli ‑kanyɩ 'nyɩ 'nunusa ‑a bä: üma ‑täsä 'saarɩ ‑Kätɩ kuö nɩ, dapä 'döölä ‑ka bälɩ. ‑Nyra 'Kriisë ma bä nyɔɔ 'doo nɩ, 'a ‑plɩɩ 'ä 'wʋälɩ.
‑Maa ‑mɔlɔ 'nyɩa' 'iin 'klaa nɩ, 'ɔ ‑beere 'nɔnɔnyɔɔ ɔnyɩ 'jäa' 'kä; ɔ ‑trɔa' 'sɩrɩ 'ɔa ‑balʋ nya käa' kpëträ.
‑Mɔlɔ ‑waa' 'ɔa ‑wlajʋ nɩ, 'ɔɔ bä ‑srɩ 'klɩ, ‑bɛ dɛɛ 'nyɩ 'ɔɔn 'lɩ ‑a bä 'ɛmä 'ɔɔn 'käkpa.
Nyɔɔ o nyɔɔ jraraa' 'ɔa ‑wlajʋ 'nyüa 'mlɩ nɩ, nyüüblanyɔɔ 'ɔ bä, ‑bɛ 'a jre 'iin 'sɩrɩ nyüüblanyɔɔ 'nyɩa' 'klälä 'nyɩa' blöröfa kä kä.
Nyɔɔ ma 'daa 'ɔ ‑wa Nyɔsʋa ‑bɛ ɔma jrara 'ɔa ‑wlajʋ 'nyüa 'mlɩ nɩ, ‑gbagblɛnyɔɔ 'ɔ bä. Nyɔɔ 'nyɩa' 'ɔa ‑wlajʋlɔ 'ɔ 'jääa' 'wʋ ‑wa nɩ, ‑asɩ 'ɔnya Nyɔsʋalɔ 'ɔnyɩ 'jääa' 'wʋ ‑wa le?