1 Jaan 2:1 - Kuö Dëdrä Jenɛɛsë Rutë

¹ 'Na 'jü 'amɩ, 'a ‑pɩ ‑balʋ nʋ 'a 'ia ‑gʋ 'n ‑jɩjra 'amɩ 'wʋ. ‑Maa nyɔɔ ma nʋ ‑balʋ nɩ, a kälä Tʋa ‑gba ana 'wli 'lɩa wiipanyɔɔ: Jesu 'Kriisëlɔ ‑gäa' 'klɩ.

1 Jaan 2:1 Referans Kwoze

1 Timotee 2:5

'Be Nyɔsʋa bä 'doo, 'diprö nya bä bɩa 'doo Nyɔsʋa nyra nyüüa ‑tɔrʋpɩɔ, 'a nyɔɔlɔ 'ɔɔ bä 'Kriisë Jesu,

Rɔmënyüü 8:34

Nyɔɔ 'plɛɛ 'mä 'üün 'pɔnɩ le? 'Kriisë 'ɔ jä! 'Pɩrɩgälɩ nɩ, 'ɔnya sɔ jäjäa ‑tɔrʋpɩɔ, 'ɔ bä Nyɔsʋaa 'dupa 'pɛlɩ ‑bɛ 'ɔ bibie ana 'wli 'lɩ!

Jaan 14:6

Jesu nya ‑gbala 'ɔɔn: «'Mɔɔ bä 'nyʋfɔ, 'nyaa bä 'cɩcasa nyra 'klä. Nyɔɔ ‑o nyɔɔ jöa' Tʋa ‑nyɛɛ 'mɔɔ 'ɔ ‑srörö kälɩ.

2 Korɛɛntënyüü 5:21

Nyɔɔlɔ ‑kaapɩɔa' ‑balʋ nʋ nɩ, Nyɔsʋa bere 'ɔɔn ana ‑balʋ 'wli, 'kä amɔlɔ nyra 'Kriisë bäa' 'doo nɩ, amä 'klɩgä Nyɔsʋaa 'klɩ.

1 Jaan 4:4

'Amɔlɔ nɩ, 'na 'jüjie 'amɩ, Nyɔsʋaa nü 'a bä; 'anya 'a ‑gbagblɛnyüülü du, 'be ‑susulu bäa' 'amɩ 'lɩ 'u 'bʋa 'unya ‑si ‑mulu bäa' 'pläa 'mlɩ 'wʋ.

1 Jaan 3:18

'Na 'jü 'amɩ, anyɩ nʋ mlɩa wiia 'kpɔ anyɩ ‑wawla, ‑maa a nʋ 'ia 'sa 'cɩcasa 'lɩ.

1 Jaan 3:7

'Na 'jü 'amɩ, nyɔɔ 'nyɩ 'pa 'amɩ mlüülɩ. Nyɔɔ o nyɔɔ nöa' wiili ‑gäa' 'klɩ nɩ, 'ɔ ‑gäklɩ 'sɩrɩ Jesua 'mʋgbɛ ‑gäa' 'klɩ.

Jaan 8:11

'Iibäa' 'ŋlʋʋlɔ nɩ: «'Woo 'la, 'Pläkänyɔɔ!» Jesu nya ‑gbala 'ɔɔn: «'Na 'mʋgbɛ 'nëmä ‑mɩ ‑a 'pɔnɩ; mi, ‑maa ‑kaanyɩ nʋ ‑balʋ.»

Ebröönyüü 9:24

'Kriisë 'nyɩ papapɩɔ kpakölä nyüüa wlu 'paa' a 'mlɩ ‑a pa, ‑mää 'äa ‑tapaa näa 'mlɩ ‑a, ‑maa cɛa 'mlɩa 'mʋgbɛ 'ɔ pa 'ɔmä ana 'wlili Nyɔsʋaa 'klʋɩ 'nyüglö.

1 Jaan 3:5

'A jre 'imɩ 'sɩrɩ Jesu jia' 'lɩ ana ‑balʋ 'ba, ‑bɛ ‑balʋ 'nyɩa' 'ɔɔn 'lɩ bä 'plɔʋ.

Ɛfɛsënyüü 2:18

'Be 'abɩa 'Kriisë ana 'fɩɔ ma ‑srörö kälɩ nɩ, ‑bakää ‑bä juifë 'aiɛ ‑nyɩ juifë bä, 'a ‑plɩɩ a 'mrɛɛ amä ana Tʋ Nyɔsʋa ‑gbajijrö ‑Susu 'doolʋa 'nyrɩklɩ.

Jaan 6:27

«'A 'nɩ ‑fɛ 'jrʋpa jijrili ‑fɛɛɛa' 'ia ‑gʋ, ‑maa 'ba ‑fɛ 'jrʋpa ‑mɩlɩ bäa' ‑wɩara 'klä 'ia ‑gʋ, i Nyɔɔa 'Jʋ 'mäa' 'amɩ ‑nyɩ. 'Ɔɔ Tʋ Nyɔsʋa ‑nyɩ 'ɔa 'klü.»

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.

Ɛfɛsënyüü 4:26

'Ama ‑tʋ 'crɛ nɩ, 'anyɩ nʋ ‑balʋ. 'Ana 'crɛ kä 'ɛmä bɩa 'fɩɔwʋ ‑a ji ‑gbiajrʋ 'mä mi.

Galaatënyüü 4:19

'Na 'jü 'amɩ, 'ana ‑gʋ 'n ‑ka 'jää mɩmɩakʋ, ‑beere 'ŋlʋʋ nëmä ‑gu. 'Ia mɩmɩakʋlʋ nya 'lɩbä bä 'kä 'anya 'Kriisëa 'sa bä.

Jaan 10:15

'Sɩrɩ Tʋ jrea' 'mɩ, 'asɩ 'n jre Tʋ, ‑bɛ 'n 'saa 'na 'klä 'na ‑bablëëa ‑gʋ.

Jaan 5:36

'Mɔɔlɔ nɩ, 'na ‑gä ‑si Jaan a nä 'wʋ. 'Jrʋpalä Tʋ ‑nyɩa' 'mɩ ‑a 'wlaraa', ä 'n ‑fɛɛɛa', 'ää 'saalɩ 'sɩrɩ Tʋ blɔa' 'mɩ.

Lukë 10:22

'Na Tʋ ‑nyɩ 'mɩ diia 'fɩɔ kälɩ. Nyɔɔ 'nyɩ 'Jʋ ‑a jre, ima 'nyɩ Tʋ ‑a bä. Nyɔɔ 'nyɩ Tʋ ‑a jre, ima 'nyɩ 'Jʋ nyra nyɔɔlɔ 'Jʋ 'bataa' 'ia srarakʋ ‑a bä.»

1 Piɛɛrë 2:22

'Ɔnyɩ ‑balʋa dɩjɔ 'doo ‑a nʋ, ‑gbagblɛ ‑kaapɩɔ 'ɔa mlɩ 'cie .

1 Korɛɛntënyüü 15:34

'Ba ‑nyɩgla 'ana bobowli 'kä ‑bɛ 'ba fio ‑balʋa ‑gʋ; 'be ‑mölöö bä 'ana ‑tɔrʋpɩɔ 'ünyɩ Nyɔsʋa ‑a jre. ‑Gbala 'n ‑gbala 'amɩ; 'a bä 'nyüsü 'wʋ.

Jaan 5:14

'I ‑sia' nɩ, Jesu nya jrä 'ɔɔn Nyɔsʋaanyuku kpaku ‑wälɩ; 'ɔnya ‑gbala 'ɔɔn: «‑Jää ‑mɔ, ‑nya 'pʋ; ‑kanyɩ nʋ ‑balʋ, ‑mɩlɩ 'mäa' ‑mɩ ‑gälɩjrä ‑pɩ 'wʋsi.»

Jaakë 1:27

'Cɛcɩlɛ bäa' 'tasɩrɩa 'cɛcɩ ‑bɛ ɛnyɩa' ‑fre pa ana Tʋ Nyɔsʋa 'klɩ nɩ, 'a 'cɛcɩlɛ jöa' ‑gbokuijü nyra 'kusroŋlëgë ‑gba 'üa ‑sʋɛa 'mlɩ, ‑bɛ ɛ tʋŋlɔa' 'lɩ 'pläa 'mlɩa ‑frepadii dɛrɩ.

1 Jaan 5:21

'Na 'jü amɩ, 'anyɩ toro ‑gbagblɛ nyɔsʋaɩɩ plɛ! 'Asɩ i bä.

Jaakë 3:9

'Ɛɛ a nö ‑bɛ a 'trɛɛ ana Tʋ Nyɔsʋa. 'Ɛɛ a nö bɩa ‑bɛ a ‑tapla nyüülü Nyɔsʋa nʋa' 'ɔa 'sa.

Rɔmënyüü 6:15

‑Asɩ le? ‑Dɔ ‑kanyɩ 'kamaa' amɩ ‑bɛ Nyɔsʋaa ‑gbinanakʋ 'kamaa' amɩ ɔ nɩ, 'a 'ia ‑gʋ amä ‑balʋ nʋ? 'Klaaklä!

Jaan 13:33

'Na 'jü 'amɩ, jrüü ‑kanyɩ 'mɩ 'lɩ ‑a tɩɔ 'mä 'ana ‑tɔrʋpɩɔ sɔ. 'Anya 'mɩ 'bataa, ‑bɛ 'sɩrɩ 'n ‑gbalaa' juifë, 'ana 'mʋgbɛ 'ii 'n ‑gbala 'amɩ dotro: ‹‑Plɩɩlɩ 'n möa' 'anyɩ 'lɩ ‑a bɩa 'amä 'lɩ ji.›

1 Timotee 3:14

'N ja ‑mɩ ‑pɔɔkʋlʋ kʋa' ‑pɩ, ‑maa 'n jresaa 'nyaa ‑mɩ 'jäkalɩ jia jrüü jiea 'mlɩ.

Jaan 21:5

Jesu nya ‑gbala 'üün: «'Na 'jü 'amɩ, 'a fɩa ‑srü?» 'Ü ‑nëma: «'Woo!»

Jaan 14:16

‑bɛ 'mä Tʋ ‑gbala 'ɔmä 'amɩ ‑gbajinyɔɔ ‑moloo ‑nyɩ; 'ɔ nyra 'amɔ 'mä ‑wälɩkʋ 'plɔʋplɔʋ.

Akëtë 7:52

Nyɔsʋaamlɩpalanyɔɔ 'plɛɛ 'ünyɩ ‑gbigba nʋ le? 'Ü 'bla nyüülü 'paa' 'Klɩgänyɔɔa jijigä. 'Saarɩ 'sɔɔwʋ nɩ, 'anya 'Klɩgänyɔɔlɔ 'sa 'anya 'ɔɔn 'bla!

Rɔmënyüü 5:10

A ‑ka jrara Nyɔsʋa 'nyüamlɩ, 'ɔnya ‑srörö 'ɔa 'Jʋa jäjä 'lɩ 'ɔnya 'nönrö amɩ 'wli. ‑Bɛ 'köklesaplɩɩ 'ɔ ‑ka bäa' 'lɩ ‑bɛ a 'nönröa' 'wli nɩ, ‑asɩ 'ɔ ‑nëmä amɩ 'lɩmlɩba le?

1 Jaan 5:17

Nʋnʋgbili kä 'fɩɔ 'nyɩ ‑trääräa' 'lɩ Nyɔsʋa nɩ, 'ia 'fɩɔ bä ‑balʋ. ‑Maa ‑balʋ ‑moloo 'nyɩ 'bla nyɔɔ ‑a.

3 Jaan 1:4

Ama 'nu ‑maa, 'na 'jü 'nyɛrɛ 'cɩcasa 'lɩ, 'dɔrʋlʋ 'blaaa' 'mɩ 'u ‑kanyɩ bä ‑a bä.