1 Jaan 1:7 - Kuö Dëdrä Jenɛɛsë Rutë

⁷ ‑Maa ama 'nyɛrɛ ‑srɩ 'klɩ, 'sɩrɩ 'ɔa 'mʋgbɛ bäa' ‑srɩ nɩ, anya ‑maa, 'kä 'ɔa 'jʋ Jesu 'Kriisëa ‑toru nya amɩ ‑gbafuto, ana ‑balʋa 'fɩɔa ‑gʋ.

1 Jaan 1:7 Referans Kwoze

Ɛfɛsënyüü 5:8

'Jöjrüükpü 'a ma bä, ‑maa 'anya 'a ‑mlatɩ 'napɛ bä 'Pläkänyɔɔ 'lɩ. 'Ii känyrɩ, 'ba nʋ 'napɛa 'jüa 'sa;

'Nyügälɩjawii 1:5

nyra bɩa Jesu 'Kriisëa ‑nyɛɛ. 'Ɔɔ bä nyɔɔlɔ 'nyɩ sɔa' nyɔɔ dɛrɩ ɔ 'jäa' 'ia wiili, 'ɔɔ bä ‑kätɩjʋlɔ sɔa' jäjänyüüa ‑tɔrʋpɩɔ, 'ɔɔ bä 'pläa 'kɩɩa 'Kamanyɔɔ. 'Kriisë ‑wa amɩ, 'ɔnya ‑srörö 'ɔa ‑toru kälɩ 'ɔnya ‑futo amɩ ana ‑balʋa ‑gʋ.

Rɔmënyüü 13:12

‑Gbia 'a 'lɩtʋŋlɔ, ‑bɛ ‑srɩ jö. 'Ia ‑gʋ, a 'pie 'jöjrüükpülɩa ‑gbi, a dɔrɔ 'napɛ 'klɩa tafudii 'wʋ.

Ɛfɛsënyüü 1:7

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

'Nyügälɩjawii 7:14

'Nëma: «'Pläkänyɔɔ, ‑mɔ jre 'iin.» 'Ɔ ‑nëma: «Ü kʋa' ‑pɩ nɩ, 'a ü 'jäa' ‑sʋɛ kpaki. 'Ü pɔtɔ 'üa 'koti, 'ünya ‑srörö 'iin ‑Bablëëjʋa ‑toru 'lɩ 'inya 'pɔlɔ.

1 Jaan 1:5

Wiili a 'nröröa' 'ɔa mlɩ 'wli ‑bɛ a ‑gbalaa' 'amɩ nɩ, 'iibä: Nyɔsʋa bä ‑srɩ, 'jöjrüükpüa dɩjɔ 'doo 'nyɩ 'ɔɔn 'lɩ ‑a bä.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

1 Piɛɛrë 1:19

'Kriisëa ‑torulu käa' ‑gböösa ‑gba, 'uu 'ɔ nʋ. Jesu ‑beere kä ‑bablëëjʋ 'nyɩa' bʋbɔdɛɛ ‑gba kä, ɔ kä ‑gba 'nyɩa' 'kpafa bä.

Jaan 12:35

Jesu nya ‑gbala 'üün: «‑Srɩ ‑ka bä 'ana ‑tɔrʋpɩɔ jrüü jiea 'mlɩ. 'Ba 'nyɛ 'sɩrɩ 'i ‑ka bäa' 'ana ‑tɔrʋpɩɔ 'jöjrüükpü ‑pɩ 'amɩ ‑wälɩfu. Nyɔɔlɔ 'nyɛrɛa' 'jöjrüükpü 'lɩ 'nyɩ jre ‑plɩɩlɩ 'ɔ möa' ‑a.

1 Jaan 5:6

'A Jesu 'doolɔ bäa' 'Kriisë, 'ɔɔ jara 'nɩ nyra ‑toru 'lɩ; ‑mää 'nɩa 'doo ‑a, ‑maa 'nɩ nyra ‑toru. Nyɔsʋaa ‑Susu 'uu 'salɩ 'imɩ, ‑bɛ 'u bä 'cɩcasa.

1 Jaan 1:3

I a 'jäa' ‑bɛ a 'nua' 'wli nɩ, 'ii a ‑gbala bɩa 'amɩ, 'ana 'mʋgbɛ nyra amɔ 'mä 'doo bä. ‑Mää ana 'kpɔ ‑a, ‑maa a nyra Tʋ ‑bɛ 'ɔa 'Jʋ Jesu 'Kriisë nëmä 'doo bä.

'Nyügälɩjawii 12:11

‑Bablëëjʋa ‑torua 'nyrɩklɩ nyra nyɔsʋaawiili 'ü 'salɩ, 'a 'ia ‑gʋ 'ü ‑siwʋ. 'Ü 'cɛrɛ 'üa 'kläa ‑wawakʋ ‑wälɩ, 'ünya 'nyiere jäjäkʋ 'klɩ.

1 Timotee 6:16

'Ɔa 'doo 'ɔɔ 'nyɩ jä. Anyɩ 'lɩ ‑a bɩa amä 'napɛlɛ kä 'mlɩ 'ɔ kʋa' ‑gbajijrö. Nyɔɔ ‑kaapɩɔ 'ɔɔn 'jä, nyɔɔ 'nyɩ 'lɩ ‑a bɩa ɔ 'jä 'ɔɔn. 'Ɔɔ kä 'bʋalakʋ nyra 'klü 'plɔʋplɔʋa ‑gʋ! 'Asɩ i bä.

1 Jaan 5:8

‑Bɛ tää bä ‑tʋtʋ ‑gälɩ, 'ü 'paa bɩa 'imɩ. 'Üü bä: ‑Susu, 'nɩ, nyra ‑toru, 'üa tää nya bä 'doo.

Jaakë 1:17

dɛɛ bäa' ‑nyɩnyɩdɛɛ ɛ 'naa', ɛ bäa' 'mʋfadɛɛ nɩ, cɛlɩ 'ɛ sɔ. ‑Srɩa Tʋa ‑nyɛɛ 'ɛ sɔ. 'Ɔ 'nɩ 'cici 'cici ‑a. 'Cicikʋ 'nyɩ 'ɔɔn 'lɩ ‑a bä.

Jaan 1:29

‑Srɩ ‑gbaa' kä nɩ, Jaan 'jääa' Jesu ‑bɛ 'ɔ jaraa' 'ɔa 'pɛlɩ nɩ, 'ɔ ‑nëma: «‑Jää Nyɔsʋaa ‑Bablëëjʋlɔ 'baa' 'lɩ 'pläa ‑balʋ.

3 Jaan 1:4

Ama 'nu ‑maa, 'na 'jü 'nyɛrɛ 'cɩcasa 'lɩ, 'dɔrʋlʋ 'blaaa' 'mɩ 'u ‑kanyɩ bä ‑a bä.

2 Jaan 1:4

'N 'jäa' ‑na 'jü 'ü 'nyɛrɛa' 'cɩcasa 'lɩ, 'sɩrɩ Tʋa ‑dɔ ‑gbaa', dɔrʋlʋ 'blaa' 'mɩ ‑mää 'ua ‑srɩ 'nyɩ ‑pɛ.

Matiö 6:12

Cere amɩ ana ‑balʋ 'sɩrɩ ana 'mʋgbɛ cerea' nyüülü nöa' amɩ ‑balʋ ‑gba, 'üa ‑balʋ.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Jaan 5:4

'be 'aanjë 'cecrie 'nielɛa 'mlɩ 'kä 'ɔ 'dögö 'ɛɛn 'kä, ‑mɔlɔ ‑kätɩ 'cerea' 'lɩ, 'ɔ 'pʋɔ, 'sɩmɩ 'ɔa ‑wusu ma bä.