1 Jaan 1:6 - Kuö Dëdrä Jenɛɛsë Rutë

⁶ Ama 'daa a nyra 'ɔɔn bä 'doo ‑bɛ ama 'nyɛrɛ 'jöjrüükpü 'lɩ nɩ, ‑gbagblɛnyüü a bä, 'cɩcasa 'nyɩ ana 'kläa 'mlɩ ‑a bä.

1 Jaan 1:6 Referans Kwoze

1 Jaan 4:20

Nyɔɔ ma 'daa 'ɔ ‑wa Nyɔsʋa ‑bɛ ɔma jrara 'ɔa ‑wlajʋ 'nyüa 'mlɩ nɩ, ‑gbagblɛnyɔɔ 'ɔ bä. Nyɔɔ 'nyɩa' 'ɔa ‑wlajʋlɔ 'ɔ 'jääa' 'wʋ ‑wa nɩ, ‑asɩ 'ɔnya Nyɔsʋalɔ 'ɔnyɩ 'jääa' 'wʋ ‑wa le?

1 Jaan 2:4

Nyɔɔlɔ nöa' ‑maa: «'N jre 'ɔmɩ» ‑bɛ 'ɔnyɩ ‑trääräa' 'lɩ 'ɔa ‑dɔ nɩ, ‑gbagblɛnyɔɔ 'ɔ bä, 'cɩcasa 'nyɩ 'ɔɔn 'lɩ ‑a bä.

1 Jaan 1:10

‑Bɛ ama 'daa anyɩ ‑balʋ ‑a kä nɩ, ‑gbagblɛnyɔɔ a 'dara 'ɔɔn, ‑bɛ 'ɔa 'papawii 'nyɩ bɩa amɩ 'lɩ ‑a bä.

Jaan 8:12

Jesu nya 'patä 'ɔnya ‑gbala 'üün: «'Mɔɔlɔ nɩ, 'mɔɔ bä 'pläa ‑srɩ; nyɔɔlɔ prɛa' 'mɩ dɛrɩ, ‑nëmä 'jöjrüükpü 'lɩ ‑a 'nyɛrɛ, ‑maa 'ɔnya ‑srɩɩ 'kläa ‑srɩ käa.»

Jaan 12:35

Jesu nya ‑gbala 'üün: «‑Srɩ ‑ka bä 'ana ‑tɔrʋpɩɔ jrüü jiea 'mlɩ. 'Ba 'nyɛ 'sɩrɩ 'i ‑ka bäa' 'ana ‑tɔrʋpɩɔ 'jöjrüükpü ‑pɩ 'amɩ ‑wälɩfu. Nyɔɔlɔ 'nyɛrɛa' 'jöjrüükpü 'lɩ 'nyɩ jre ‑plɩɩlɩ 'ɔ möa' ‑a.

Jaakë 2:14

'Na ‑wlajü 'amɩ, nyɔɔ ma 'daa 'ɔ toro Nyɔsʋa plɛ, ‑bɛ ɔma 'nyɩ 'ia ‑gbia ‑a kä nɩ, 'ɔa nyɔsʋaplɛtorokʋ 'nyɩ ‑gbaa ‑a kä! 'Ia nyɔsʋaplɛtorokʋlʋ 'mrɛɛ i 'pʋɔ 'ɔmɩ?

Jaan 12:46

'Sɩrɩ 'ü 'daaa' ‑srɩ, 'asɩ 'n bä 'nyaa ji 'pläa 'mlɩ 'kä nyɔɔ o nyɔɔ 'mäa' 'mɩ plɛtoro nɩ, 'ɔ ‑pɩ 'jöjrüükpü 'lɩ kʋ.

1 Jaan 1:3

I a 'jäa' ‑bɛ a 'nua' 'wli nɩ, 'ii a ‑gbala bɩa 'amɩ, 'ana 'mʋgbɛ nyra amɔ 'mä 'doo bä. ‑Mää ana 'kpɔ ‑a, ‑maa a nyra Tʋ ‑bɛ 'ɔa 'Jʋ Jesu 'Kriisë nëmä 'doo bä.

Jaan 11:10

‑Maa nyɔɔ ma 'nyɛ ‑gbiara nɩ, 'ɔ ‑gbɔgblɔ dii 'klɩ, 'be 'ɔnyɩ ‑srɩ 'klɩ ‑a bä.»

Jaakë 2:18

‑Maa ‑moloo nya 'daa: «‑Mɔ toro Nyɔsʋa plɛ, ‑bɛ 'mɔɔ kä 'ɛa ‑gbi. Srara 'mɩ ‑na nyɔsʋaplɛtorokʋa 'kpɔ, ‑bɛ 'mɔɔlɔ nɩ, 'mä ‑mɩ 'na nyɔsʋaplɛtorokʋ srara nʋnʋgbi 'lɩ.»

1 Jaan 1:8

Ama 'daa anyɩ ‑balʋ ‑a kä nɩ, ana nyüfë a 'saa ‑gbagblɛ, 'cɩcasa 'nyɩ bɩa amɩ 'lɩ ‑a bä.

Jaakë 2:16

'kä 'ana ‑tɔrʋpɩɔa nyɔɔ 'doo 'nyɩ ‑nyɩ 'üün dɩjɔ 'doo, ‑bɛ ɔ ‑gbala 'üün ‑maa: «Abɩa 'ana fugba 'lɩ flɛrɛ, 'ba 'jä 'koti 'amä sɩɔ 'klɩ ka, 'ba 'jä ‑srɩa 'mlɩa jijrɛ 'ba jidɛɛ 'kä 'a dö!» ‑Gbaa 'plɛɛ 'ii kä le?

Matiö 7:22

'Ia ‑srɩlɩa 'mlɩ nyüü 'kɔkɔmlɛ nya 'mɩ ‑gbalaa ‑maa: ‹'Pläkänyɔɔ, 'Pläkänyɔɔ›, ‑na 'nyrɩklɩ 'n 'pala nyɔsʋaawii, ‑na 'nyrɩklɩ a prɛ domüü! 'A ‑na 'nyrɩklɩ a nrörö ‑saragbi 'kɔkɔmlɛ!

1 Timotee 4:2

‑Glagälɩsrörönyüüa ‑gbagblɛ 'kpɩkpɩakʋ nëmä 'üa plɛ fa. 'Ünyɩ ŋalɛ ‑a kä 'ümä ‑balʋ nʋ, ‑beere 'sɩrɩ dete fumölu 'pütöa' nyɔɔ ‑bɛ 'ɔnyɩ 'jäa' 'ɛa mɩmɩakʋ.

Jaan 8:55

‑bɛ 'anyɩa' jre. 'Mɔɔlɔ nɩ, 'n jre 'ɔɔn, ‑bɛ ama 'daa ɩ 'nyɩ 'ɔɔn jre ‑a jre nɩ, 'nyaa 'ana 'sa bä, 'nyaa ‑gbagblɛkänyɔɔ bä. ‑Maa 'n jre 'ɔɔn, ‑bɛ 'n ‑träärälɩ 'ɔa mlɩa wii.