Zla d’a d’ogolâ 8:13 - Bible azumeina

¹³ Le mandara Ma didina ni lovot ta noî tchod’a. Yam mba ad’enga, subur tad’a, tit ta tchod’a ki zla d’a de d’a ata yat tuo d’a nahle suma an minizi d’uo na.

Zla d’a d’ogolâ 8:13 Referans Kwoze

Zla d’a d’ogolâ 16:6

Ni yam djivid’a ki gagazid’a ba, a has tchod’a woyo, ni yam led’a le mandara Ma didinid’a ba, sana mi wal lei ki tchod’a.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

1 Samuel 2:3

Agi zulugi zla d’a hawa d’a subur tad’a d’i, ar zla d’a asa’ata ndavunagi d’i, Kayam Ma didina nAlo ma wahlena petna; mam mi ma nga mi nga sunda hi sumid’a petna.

Zla d’a d’ogolâ 4:24

Ar ang d’el vunang yam zla d’a kad’a, ang d’elem á lop ira mi.

1 Tasaloni’â 5:22

Agi walagi woi dei ki tcho d’a lara ge pet.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Sawal la giled’a 119:128

An gol gat manga pet ni d’ingêr. Ni kayam ndat ba, an nga ni noî zla d’a kad’a woi pet wana.

Zla d’a d’ogolâ 16:18

Yam mba ad’enga ti mba navok b’laka, subur tad’a ti mba navok puka mi.

Zla d’a d’ogolâ 6:12

Sama hawa ya’â ni sama bateina, ni sama tit ki zla d’a kad’a avunama.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Zakari 8:17

ar sa mi ve ndram kurum á lum tcho d’i, ar sa mi gun tam ir gurzula d’uo mi, kayam ni sun nda an Ma didina ni golot ni vama ndjendjed’id’a.

Sawal la giled’a 138:6

Ma didina, ang sä akulo dei, ang nga gol suma lulumana, ang nga golï suma yam mba ad’enga ei akulo dei mi.

Sawal la giled’a 101:3

An mba ni tin iran yam vama tcho tu d’i. An noî sunda hi suma a hulong á tuwal fileinina woyo, an mba ni zlap ki sed’ezi d’i.

Zla d’a d’ogolâ 10:31

Zla d’a ti ndavun ma d’ingêrîd’a ni ned’a, wani sin nda ti de zla d’a ata yat tuo d’id’a a mba ngad’at teyo.

Sawal la giled’a 119:104

Ni yam gat manga ba, an mbut sama d’alâ. Ni kayam ndata ba, an nga ni noî zla d’a kad’a woi pet wana.

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Zla d’a d’ogolâ 3:7

Ar ang gol tang ala angî sama ned’a d’i, ang le mandara Ma didina, ang wal tang ngei ki tchod’a mi.

Zla d’a d’ogolâ 15:9

Tita hi sama asa’atnid’a ni vama ndjendjed’a ir Ma didina, wani nga mi le yam sama nga mi tit yam d’ingêrina.

Isai 13:11

Ma didina mi dala: An mba ni ngop suma yam andagad’ina yam asa’at mazid’a, an mba ni ngop suma asa’atna yam tchila mazid’a, an mba ni hulong suma yam mba ad’enga yazi kä, an mba ni hulong suma subur tazi suma te yam suma kad’engina yazi kä mi.

Buzuk ka Abud’a 1:17

Wani arop suma vud’aropma a nga ring mandara Alona, a le nga d’igi amul ma Ezipte-na mi hazi vuna na d’i, a nga ar gro andjofâ bei tchid’a.

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Zla d’a d’ogolâ 16:5

Suma subur tazina pet ni vama ndjendjed’a ir Ma didina; gagazi, ei wei woi tetet ala mam mba mi ngoboziya.

Amos 6:8

Salad’a Ma didina mi gun tam ki mam tamba ala: An Ma didina Alo ma ad’engên kal petna, an gol subur tad’a hi suma hi Jakob-mid’a ni vama ndjendjed’a, an noî azì mazi ma amula woi mi. Kayam ndata, an mba ni hazì mam ma ngolâ abo mazi suma djangûna kahle suma kuruma pet mi.