Zla d’a d’ogolâ 8:10 - Bible azumeina

¹⁰ Ar agi vagi hat manda kal beged’a, ar agi vagi wed’a kal lor ra bei zozota ba d’a.

Zla d’a d’ogolâ 8:10 Referans Kwoze

Sawal la giled’a 119:127

Ni kayam ndata ba, an min vun mang ma hed’a kal lora; gagazi, an minim kal lor ra kal teglesa.

Sawal la giled’a 119:72

Gat ta ti ndeï avunanga, ti djivid’a kan an kal lora ki bege d’a hap pa dudubud’a.

Zla d’a d’ogolâ 23:23

Ang gus gagazid’a, ned’a, hata ki wad’ud’a, ar ang guzuzi woi d’i.

Ma tchi wala 7:11

Ned’a ti djivid’a kal vama ang tum djonina; gagazi, mbiyota nga kua yam suma kur duniyad’ina.

Zla d’a d’ogolâ 10:20

Zla d’a ndavun sama d’ingêrîd’a ti kal kawei ma hap ma a manama, wani djib’era hi sama asa’atnid’a ni zla d’a afid’igid’a.

Sunda hi suma a sunuzinid’a 3:6

Wani Pierre mi dum ala: An nga ki bege d’a hapa d’oze lora d’i, wani vama an nga ki na, an nga ni hangziya. Nala, ki simiyê Jesus Christ ma Nazarat-na, ang fagakulo, ang tid’a!

Zla d’a d’ogolâ 16:16

Hotei ang fe ned’a kal la ang fe lorid’a, hotei ang fe wad’ud’a kal la ang fe beged’id’a.

Sawal la giled’a 119:162

An nga ni le furîd’a yam vun mang ma hled’a d’igi sama mi hurumï ahlena ablaud’a ata yima ayînina na.

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

Zla d’a d’ogolâ 8:19

Ahle suma an hazina a djivid’a kal lora, kal lor ra bei zozota ba d’a, Mbiyozi mi djivid’a kal bege d’a hap pa a manata.

Wana ni mbaktumba hi Job-pa 28:15

Sana mi ndak á guzut ki lor ra djivi d’a kal teglesa d’i, d’oze mi nga kawei ma hapma nga nga á guzut ki d’uo mi.

Zla d’a d’ogolâ 20:15

Lora nga, ahina d’a guzut kal teglesa ti nga ngola mi. Wani vama guzum kal teglesâ ni zla d’a de d’a ndavun sama wad’ud’id’a.