Zla d’a d’ogolâ 7:1 - Bible azumeina

¹ Gorona, ang ve zla manda, ang ngom vun man ma hed’a kurung mi.

Zla d’a d’ogolâ 7:1 Referans Kwoze

Zla d’a d’ogolâ 1:8

Gorona, ang hum hat ta abung nga mi had’angzid’a, ang noî gat ta asung nga d’i gad’anga woi d’uo mi.

Vama ndum mbeina 1:3

Sama nga mi ndum mbaktum mba wanda azi ki suma a nga hum zla d’a tcholï avun Alona d’a suma a nga djogot teid’a suma a nga ge yazi kä ad’u vama a b’irim kur mbaktum mba wandina, a le furîd’a, kayam yima ngam yam ahle ndazinina mi ar wa go.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Vama ndum mbeina 22:9

Wani mi dan ala: Ang gol tang djiviya. An ni ndrang ma sunda d’igi ang na, d’igi b’oziyong suma djok vun Alona azi ki suma pet suma a ge yazi kä ad’u zla d’a kur mbaktum ndatid’a na. Ang kud’orî Alona hol.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 15:20

Agi djib’eregi yam zla d’a an dagizid’a ala: Azongâ nga mi kal salama d’uo d’a. Le azi djobon vunanu ni, a mba djobogi vunagi hina mi. Le azi ngom zla manda ni, a mba ngom zla magid’a mi.

Zla d’a d’ogolâ 3:1

Gorona, ang mar yam hat manda d’i, ang ngom vun man ma hed’a kurungû.

Wana ni mbaktumba hi Job-pa 22:22

Ang ve zla mam mba mam nga mi had’angzid’a, ang ve zla mamba kurung mi.

Wana ni Zla d’a Djivi d’a Luc mi b’irita 8:15

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Gat ta a hat á mbàd’id’a 11:28

Le agi gagi nga yagi kä ad’u vun ma hed’a hAlo maginina d’uo, le agi d’ezegi woi kur lovot mam mba an tagagizi inid’a á zlabagi kalo ma ding ma agi wum nga d’uo na ni, mam mba mi gagi vuna.

Zla d’a d’ogolâ 10:14

Suma ned’a a nga tok wed’a, wani zla d’a ndavun sama lilid’id’a mba d’i mba ki b’laka atogo zak.

Zla d’a d’ogolâ 4:21

Ar a wal lei ki sed’eng ngi, ang ngomozi kä kurung krovo dei.

Zla d’a d’ogolâ 6:20

Gorona, ang ngom vun ma hed’a habungâ, ang noî hata hasunga woi d’uo mi.

Zla d’a d’ogolâ 6:35

Nga mi tin djib’erem yam wuraka d’i. Le ang hum he d’a hawad’a ni nana pî, nga mi vat ti.

Zla d’a d’ogolâ 5:5

Aset mi i ni yima matna, aset ma tita mi i ni kä azulei mbeî.