Zla d’a d’ogolâ 6:12 - Bible azumeina

¹² Sama hawa ya’â ni sama bateina, ni sama tit ki zla d’a kad’a avunama.

Zla d’a d’ogolâ 6:12 Referans Kwoze

Matiye 12:34

Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Zla d’a d’ogolâ 16:27

Sama hawa ya’â mi min mba ni ki ndaka; zla d’a avunamba ti ni d’igi aku d’a ti ngal yinid’a na.

Zla d’a d’ogolâ 4:24

Ar ang d’el vunang yam zla d’a kad’a, ang d’elem á lop ira mi.

1 Timote 5:13

Wani azi hat nazulomba, a tit navun azina avun azina. Azi nga hat nazulomba hol li, wani a mbut ni suma tchibet zlad’a ki mbut ira. Azi de nahle suma ndak á ded’a d’uo na.

Sunda hi suma a sunuzinid’a 20:30

Suma a mba tchol nadigagi á hat hat ta tchod’a á tan suma a he gagazid’ina ad’uziya.

Zla d’a d’ogolâ 17:4

Sama le tchod’a mi tin humam á hum zla d’a ata yat tuo d’a, sama ka zlad’a nga mi tin humam á hum zla d’a tchod’a mi.

Zla d’a d’ogolâ 8:13

Le mandara Ma didina ni lovot ta noî tchod’a. Yam mba ad’enga, subur tad’a, tit ta tchod’a ki zla d’a de d’a ata yat tuo d’a nahle suma an minizi d’uo na.

Sawal la giled’a 59:7

Azi hulongî fladege, a nga siwel d’igi adureina na, a nga ngui huyok azì ma ngolâ.

Jacques 3:6

Sinda ni d’igi akud’a na. Ndat ni duniya d’a tchod’a, ti nga naduk hliu teya, nga d’i mbud’um ndjendjed’a pet. Nga d’i ngalei ari meid’a woi pet kaku d’a tcholï Jahanamid’a.

Zla d’a d’ogolâ 11:6

D’ingêra hi suma d’ingêrîd’a nga d’i prud’uzi woyo, wani suma mbut ira a mba ve ki mbut ir mazid’a.

Zla d’a d’ogolâ 6:14

Zla d’a ata yat tuo d’a ti nga oîd’a kurumu, ata yima lara pî mi djib’erî djib’er ra tchod’a, nga mi tchuk suma huneîd’a aduk tazi mi.

Zla d’a d’ogolâ 2:12

Ned’a mba d’i prud’ung ngei kur lovot ta tchod’a abo suma a nga de zla d’a ndak á ded’a d’uo d’ina,

Sawal la giled’a 36:3

Nga mi subur tam katam vam tala ar tcho mamba nde woi abu d’uo d’a, nga mi ar tcho mam ndata woi d’uo mi.

Sawal la giled’a 10:7

Zla d’a ndeï avunamba nahle suma yid’a, mbut ira ki zla d’a kad’a; zla mam mba ded’a ni zla d’a tchod’a, ni zla d’a ata yat tuo d’a mi.

Sawal la giled’a 10:3

Sama asa’atna nga mi subur tam yam tamu, sama hal ahlena hi sumina nga mi ngulung ang Ma didina, nga mi golong is mi.

Jacques 1:21

Kayam ndata, agi aragi ahle suma ndjendjed’a ki sun nda tchod’a pet teyo. Agi vagi zla d’a Alona d’a a zaragizi kurugid’a ki lulumad’a, ni d’a ndak á sud’ugid’a.

Jeremi 24:2

Tulum ma kur gagalaga d’a tud’ina ni tulum ma djivina d’igi tulum ma mi ne avo’â na. Ma kur gagalaga d’a mbàd’ina ni tulum ma tcho ma mi ndak nga á ted’a d’uo na.

1 Samuel 17:28

Wani wiyem ma ngolâ Eliyap mi hum David nga mi yo siretna ki sed’eziya, hurum zal ata David, mi dum ala: Ni kayam me ba, ang mba ka hî ge? Ang arza tumiyô mang suma ngiyeûna abagei ni mi nge ge? An we yam mang nga ad’eng ndata, ki djib’er mang nga tcho ndata; ang mba ka hî ná gol ayîna hawa na.

Zla d’a d’ogolâ 10:32

Zla d’a ti ndavun ma d’ingêrîd’a ni zla d’a djivid’a, wani zla d’a ti ndavun ma asa’atnid’a ni zla d’a ata yat tuo d’a.

Sawal la giled’a 101:3

An mba ni tin iran yam vama tcho tu d’i. An noî sunda hi suma a hulong á tuwal fileinina woyo, an mba ni zlap ki sed’ezi d’i.

Zla d’a d’ogolâ 3:32

Kayam Ma didina nga mi gol suma a nga le zla d’a ata yat tuo d’ina is, wani mi ni suma iratna banazina.

Zla d’a d’ogolâ 16:30

Sama mi duk iram mbeina mi djib’erî djib’er ra tchod’a, sama nga mi tchurot vunam mbeina mi le wa tchod’a da’.