Zla d’a d’ogolâ 5:2 - Bible azumeina

² kayam ang kak ki djib’er ra djivid’a, ang ar vunang ngom wed’a mi.

Zla d’a d’ogolâ 5:2 Referans Kwoze

Zla d’a d’ogolâ 16:23

Sama ned’a nga mi djib’er djib’er tua ba, mi de zlad’a, zla d’a ndavunamba nga d’i im avogovok mi.

Zla d’a d’ogolâ 15:7

Zla d’a ti ndavun suma ned’id’a ti ya’î wed’a, wani suma lilid’a djib’er mazid’a ti nga hina d’i.

Sawal la kal teglesa 4:11

Amanda, vunak ma dalalâ mi sor kä d’igi mbul ayuma na, sinak ka de zlad’a ti ni d’igi mbul ayuma kambira na, hisâ hi baru ma’îna mi his afufuîd’a d’igi hisâ hagu ma Liban-na na.

Zla d’a d’ogolâ 15:2

Zla d’a de d’a ndavun suma ned’id’a ti ta’î we d’a djivi d’a kala woi abua, wani zla d’a ndavun suma lilid’id’a ti ta’î lilid’a woi abu mi.

Zla d’a d’ogolâ 10:21

Zla d’a ndavun sama d’ingêrîd’a nga d’i tak lovota mi suma ablaud’a, wani suma lilid’a a nga bo ni yam bei we mazid’a.

Sawal la giled’a 119:13

Nga hur mang ma ndeï avunangâ, an mba ni ndumum mbei ki vunan tutu pet.

Sawal la giled’a 71:15

An mba ni de woi yam d’ingêr manga ki sut manga burâ ki burâ, kayam an we nga ndum mata d’i.

Sawal la giled’a 45:2

Hurun nga oîd’a ki zla d’a djivid’a. An nga ni dala: Sun man nda an nga ni lata ná subur amulâ! Ar sinan ka’î d’igi sama d’al ma b’ir djivid’a heîna na!

Zla d’a d’ogolâ 20:15

Lora nga, ahina d’a guzut kal teglesa ti nga ngola mi. Wani vama guzum kal teglesâ ni zla d’a de d’a ndavun sama wad’ud’id’a.

Zla d’a d’ogolâ 3:21

Gorona, ar ang ngom zla d’a irata ki djib’era, ar a wal lei ki sed’eng ngi.