25 Ang gol ir suma a nga avorongâ, ang tchok yang kä d’i.
Ang mbud’un iran ndei yam ahle suma hawa ya’â, ar an tit ni kur lovot ta lang tang djivid’id’a.
Jesus mi had’azi kua ala: Ira ni d’igi lalamba hi tad’id’a na. Le irang nga lafiya ni, tang pet ni b’od’a.
Job mi de kua ala: An hle vunan ki gun tad’a ala: An dok ni le d’od’oka yam gor wei d’uo d’a.
Irang mba d’i tining á le d’od’oka yam atcha d’a dinga, hurung mba mi zud’ung á de zla d’a asa’ata.
Ang min tin irang yam ndjondjoî d’a kal leina zu? Gagazi, ndjondjoîd’a nga d’i min gigingâ d’igi agigilauna na, ti pir akulo aduk alona, ti vit teyo.
Ar ang d’el vunang yam zla d’a kad’a, ang d’elem á lop ira mi.
Ang djib’er yam lovot ta ang hlata, ang we lovot ta ang tit kuad’a woi tetet mi.
Lilid’a ni vama furîd’a ir sama bei wäd’u zlad’a ba na, wani sama wad’ud’a mi tit naduk d’ingêr.
Sama asa’atna mi d’uzî iram ba ba, wani sama d’ingêrâ mi tcholî kur lovot mamba ngingring.