Zla d’a d’ogolâ 4:13 - Bible azumeina

¹³ Ang ve hat manda, ang tchuk abong ngei atat ti; ang ngomod’u, kayam ndat nari manga.

Zla d’a d’ogolâ 4:13 Referans Kwoze

Hebre-na 2:1

Kayam ndata, mbeî ei djib’erei ngola yam ahle suma ei humizina, ar ei walei woi dei ki sed’ezi d’i.

Zla d’a d’ogolâ 3:18

Ndat nagu ma harina yam suma a vabozi atatna; suma a vatna a le furîd’a.

Zla d’a d’ogolâ 23:23

Ang gus gagazid’a, ned’a, hata ki wad’ud’a, ar ang guzuzi woi d’i.

Gat ta a hat á mbàd’id’a 32:47

Kayam vun ma he máma ni vama hawa ya’â kagi d’i. Ni ari magid’a. Ni kayam mam ba, agi mba tagi tatâ yam ambas sa agi nga djagagi alum ma Jurdê-na á hlat wanda.

1 Tasaloni’â 5:21

Agi kugugi ahlena pet, agi vagi ahle suma djivina.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 2:42

A ve tazi ad’enga kur hat ta suma a sunuzina a had’azizid’a, a nga le darigïd’a aduk taziya, a nga mbruk avungôna, a nga tchen Alona mi.

Jean 6:68

Simon Pierre mi hulong dum ala: Salamina, ami imi ni gen nge ge? Ni ang ba, nga ki zla d’a ari d’a didinda.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Vama ndum mbeina 2:13

An we yi mang ma kaka, ni yima zlamba hi Seitan-nid’a ti nga tinda kuana. An we ang nga ve tang ad’enga kanu, ang tin nga vunang yam he gagazi d’a ang hat kan kur bur ma a tchi Antipas man ma glangâs ma d’engzengâ adigagi ata yima Seitan mi nga kaka kuana d’i.

Sawal la kal teglesa 3:4

An gazi woi hina nde, an fe ma an hurun vum heîna. An vumu, an tchugum nga d’i gak an kal ki sed’em avo hasunu, klavi hi d’a vud’unda.

Ma tchi wala 7:12

Ned’a ti nga d’i ngom sana d’igi beged’a ti ngom sana na; djivid’a a we ned’a, kayam ti nga d’i i suma nga ki sed’etna buruzi avogovogo.

Zla d’a d’ogolâ 3:22

A mba mbut ni ari manga, ni vama djif ma ang gum kelengâ mi.

Ad’u Tinda 32:26

Sa máma mi de mi Jakob ala: Ang aranu, kayam yina ar go á fod’a. Jakob mi hulong dum ala: An arang ngi. Ang b’e vunang kan tua.

Jean 6:63

Ni Muzu’â hAlonina ba, mi he arid’a mi suma; hliuna ndak á le va d’i. Zla d’a de d’a an dagizid’a ni Muzu’â karid’a.

Zla d’a d’ogolâ 6:23

Kayam vun ma hed’a ni lalamba, hata ni b’od’a, ngopa á hata ni lovot ta suta.

Zla d’a d’ogolâ 8:35

Kayam sama fana mi fe narid’a, Ma didina mba mi wum hohowom mi.

Zla d’a d’ogolâ 10:17

Sama nga mi ngom hatina mi hle ni lovot ta i kur arid’id’a, wani sama nga mi noî ngopina mi vit ni tam mbeyo.