Zla d’a d’ogolâ 3:6 - Bible azumeina

⁶ Ang wum mbei tetet kur sun mang nga led’a pet, ni mam ba, mba mi blazang lovot manga kä mi.

Zla d’a d’ogolâ 3:6 Referans Kwoze

Zla d’a d’ogolâ 16:3

Ang he sun mang nga led’a abo Ma didina. Hina wani, ang mba ndak vun nga hur mangâ.

Sawal la giled’a 32:8

Ma didina mi dala: An mba ni had’angû, an mba ni tagang lovot ta ang tit kuad’a, an mba ni dang d’alâ, an mba ni tin iran kang mi.

Filip-ma 4:6

Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.

Zla d’a d’ogolâ 16:9

Sana nga mi nga hurum yam tit mamba, wani ni Ma didina ba, nga mi tagam yima tita.

Jeremi 10:23

Jeremi mi dala: Ma didina, an we sana mi ndak á tit memet ti, mi nga kad’enga á tak tam á tit kur lovot ta djivid’a d’uo mi.

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.

Isai 30:21

Fata agi mba d’ezegi woi abo ma ndjufâ d’oze abo ma gulanid’a, agi mba humugi zla d’a ded’a blogogi ala: Lovota avorogi wana! Agi hlagiziya!

Isai 48:17

Ma didin ma wurak kagi ma tin tam irat vat kagi Israel-lîna mi dala: An Ma didina Alo magina, an nga ni had’agi yam djivi magid’a, an nga ni tinigi kur lovot ta agi nga tid’igi kuad’a.

Kolos-sâ 3:23

Sun nda lara ge pet ta agi nga lata, agi lagizi ni ki hur ma tuna yam Salad’a, nga ni yam suma d’i.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

Zla d’a d’ogolâ 23:17

Ar ang le d’od’oka yam tcho d’a suma le tchod’a a nga lata d’i, wani ang le ni mandara Ma didina burâ ki burâ.

1 Korente-na 10:31

Le agi nga tagiya, le agi nga tchagiya, d’oze le agi nga lagi ni va ni, ar agi lagi ahlena pet ná subur Alona.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

1 Samuel 30:8

David mi djop Ma didina ala: Le an dik ad’u azigar ndazina ni, an fazi zu? Ma didina mi hulong dum ala: Ang digiziya; gagazi, ang mba faziya, ang mba prud’ï suma a yozina.

Isai 45:13

Ma didin ma ad’engêm kal petna mi dala: Ni an ba ni tchol Sirus akulo yam d’ingêr manda, an mba ni blas lovot mamba kä avoromu. Mam mba mi minin azì man ma ngolâ akulo, mba mi tchuk man suma dangeina akulo bei wuraka bei ve he d’a hawad’a ba mi.

Nehemi 1:11

Salad’a, ang tin humang hum tchen nda an azong mangâ nga ni tchenenga ki tchenda hazungeî mang suma a nga lang mandarangâ, ang wan hohowon an azong mangâ avok amul máma ini. Kur biza ndata an ni ma ni he süma mamulîna.

Nehemi 2:4

Amulâ mi djobon ala: Ang min ni me ge? An tchen Alona kurun krovo,

Esdras 7:27

Esdras mi dala: Lei mersi mi Ma didina Alona habuyoi ngolo ma mi mal djib’era hamulîd’a woi mi min gong nga djifâ hi Ma didinid’a avo Jerusalem-ma.

2 Korente-na 8:16

Ami lami mersi mAlona, kayam mi mal lovota mi Tit á hat hurum kagi d’igi ami na mi.

Ndumba 9:20

Le d’ugula nga tchola yam zlub’ud’a burâ tcha ni, azi ve kangâ ad’u vun ma hed’a hi Ma didinina a i nad’u vun ma hed’a hi Ma didinina mi.

Nehemi 7:5

Alona mi malan djib’er manda, an tok suma nglona ki suma avok suma kablau d’a peta, kayam a ndum suma ad’u andjavaziya. An fe mbaktumba nga b’ira kä adjeu yam suma a hulongî avo avo’â. Zla d’a an fat b’ira kä d’a ba wana:

Zla d’a d’ogolâ 11:5

D’ingêra hi sama iratnid’a nga d’i mbud’um lovot mamba d’ingêr, wani sama asa’atna nga mi puk kä yam asa’at mamba.

Jeremi 42:3

Ar Ma didina Alo mangâ mi tagami lovot ta ndak ami hlata ki vama ami luma mi.

Isai 26:7

Lovota hi suma d’ingêrîd’a, ti ni d’ingêr. Angî ma d’ingêrâ, ang nga blas lovota hi suma d’ingêrîd’a kä.