Zla d’a d’ogolâ 27:10 - Bible azumeina

¹⁰ Ang ar banangâ d’oze abung banama woi d’i. Ang i avo hi wiyengâ kur bur ma ang nga kur ndakina d’i, kayam ndrang mazina mi kal wiyeng ma sä woi deina.

Zla d’a d’ogolâ 27:10 Referans Kwoze

Zla d’a d’ogolâ 18:24

Sama buniyôma ablaud’a heîna pî, dam ndaka mba d’i mba kamu, wani banang ma hurum vang heîna, mi kal wiyengâ.

Zla d’a d’ogolâ 17:17

Banang ma kokodjona mi le kangî burâ ki burâ. Ni wiyengâ ba, mi ndjunung kur bur ma ndaka.

Zla d’a d’ogolâ 19:7

Sama houd’a b’oziyoma a nga noyômu, buniyôma a nga golom sä woi hina dei. Nga mi halazi á dazi zlad’a ki hud’a pî, nga mi fe sa d’i.

2 Samuel 19:24

Mefibäl Saul gorom ngolona mi i á d’ugol amulâ mi. Mi min nga asem mboze mi wel nga dudumam mboze mi mbus nga baru mam mbei d’uo mi, kur bur ma amulâ mi nde woi kur Jerusalem-ma gak hulong mam mba mi mbeï ki halasid’a.

2 Samuel 21:7

Amulâ David mi keng Mefibäl Jonatan gorom ma Saul gorom ngolonina woyo, kayam gun nda azi gun tazi avok Ma didina ki Jonatan ma Saul goromina.

Sunda hi suma a sunuzinid’a 23:12

Kid’a yina mi fo dad’a, Juif-fâ a tok taziya, a gun tazi ala azi mba te d’oze tche va d’i gak azi tchi Paul mbeî tua.

Jeremi 2:5

Ma didina mi dala: Abuyogi ngolo a fe ni tcho me atan ba, a wal lei dei ki sed’en á zlap tazi kahle suma hawa ya’â, á mbut tazi vama hawa ya’â mi ge?

2 Sunda Hamuleinid’a 24:22

Amulâ Jowas mi djib’er nga yam djivi d’a Jehojada Zakari abum mi lat ki sed’emba d’i, mi tchi goroma Zakari. Ata yima Zakari nga mi lá matnina, mi dala: Ar Ma didina mi we, mi djop ad’u zla ndata ni mamu!

2 Samuel 19:28

Kayam suma avo habun ngolona pet a ndak á tchid’a avok ang salana, amul mana. Wani ang tinin an azong mangâ zlapa ki suma a nga te ki sed’eng yam tabul mangîna. Ni me d’ei ba, an dok halam abo ang amul mana d’ei ge?

Gat ta a hat á mbàd’id’a 22:1

Moise mi de kua ala: Le agi wagi amuhlâ d’oze timina hi ndraginina nga mi i á bad’a woyo ni, agi aram mi ba woi d’i, agi vum im mi salama.