Zla d’a d’ogolâ 26:25 - Bible azumeina

²⁵ Le nga mi de zla d’a djivid’a ki vunam ko, ang he gagazid’a kam mbi, kayam ahle suma ndjendjed’a kid’iziya a nga kurumu.

Zla d’a d’ogolâ 26:25 Referans Kwoze

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Sawal la giled’a 28:3

Ang zlaban doglod’a ki suma asa’at suma a le sunda tchod’ina d’i. Azi ni suma a nga de zla d’a djivid’a mi ndrozina ki vunazina, wani huruzi ma krovona ni oîd’a kasa’ata.

Matiye 24:23

Ata yi máma, le sana mi dagi ala: Gola! Mesi máma mi kä wana d’oze ala: Gola! Mi sä wana ni, agi hagi gagazid’a kam mbi.

Sawal la giled’a 12:2

Ma didina, ang ndjunumiya! Sama d’engzeng nga d’uo d’a, suma d’ingêrâ a nga dap pei aduk suma.

Mise 7:5

Agi hagi gagazid’a yam banagi d’i, agi tinigi hurugi yam ma le kagi heîna d’uo mi. Ang ngom vunang avok atcha d’a nga d’i bur ki sed’eng kur zlat ma tunid’a.

Zla d’a d’ogolâ 23:7

Djib’er ra kurumba ba wana: Mba mi dang ala: Ang te, ang tche, wani hurum nga tu ki sed’eng ngi.

Zla d’a d’ogolâ 26:23

Sama vunam akud’a ma hurum tchod’ina, mi ni d’igi dei ma andaga ma a gulud’um ki sud’o kawei ma hapmina na.

1 Samuel 18:17

Saul mi de mi David ala: Goron nda ngola Merap wana, an mba ni hangzi atchad’a; ang durun ayîna kad’engêngû, ang dur ayîna hi Ma didinina. Mi djib’er kurum ala: Ar an tchumî an ndi, wani Filistê-na a tchumî aziya.

Nehemi 6:2

Ata yi máma Sanbalat ki Gesem a sunï atanu, a dan ala: Ang mbeï ei i asem tei Kefirim kur hor ra Ono-d’a. Wani azi nga huruzi á lan murud’umba.