Zla d’a d’ogolâ 26:12 - Bible azumeina

¹² Le ang we sama mi gol tam ala mam mi sama ned’a na ni, ang tin hurung yam sama lilid’a kalamu.

Zla d’a d’ogolâ 26:12 Referans Kwoze

Zla d’a d’ogolâ 29:20

Le ang we sama de zlad’a bei djib’era ba na ni, hotei ang tin hurung yam sama lilid’a, kal la ang tin hurung kamba.

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.

Zla d’a d’ogolâ 28:11

Sama ndjondjoîna mi gol tamî sama ned’a, wani ma kid’ak ma wad’ud’a nga mi fegem ad’umu.

Vama ndum mbeina 3:17

Ang nga dala: An ni sama ndjondjoîna, an nga kahlena pet, va kid’agan nga d’i. Wani ang we nga d’ala angî sama amangeî ma hawa ya’â angî ma houd’a angî ma gandilad’a angî ma duka mi d’a d’uo!

Matiye 21:31

Aduk suma mbà ndazina, sama mi le minda habumbina ni nge ge? A hulong dum ala: Ma avo’â. Jesus mi dazi ala: Gagazi, an nga ni dagiya, suma ve lombod’a azi karop suma gaulangâ a nga kal kur leud’a hAlonid’a avorogiya.

Zla d’a d’ogolâ 26:5

Ar ang hulong humba mi sama lilid’a ndak yam lili mamba ba, mi gol tam ala mam mi sama ned’a d’i.

Wana ni Zla d’a Djivi d’a Luc mi b’irita 18:11

Fariziyê máma mi tchol tchen hina yam tamba ala: Alona, an lang mersi kayam an nga d’igi suma hiu suma kula d’oze suma bei d’ingêrâ d’oze suma mizeuna na d’i, d’igi ma ve lombod’a ma wana na d’uo mi.

Wana ni Zla d’a Djivi d’a Luc mi b’irita 7:44

Mi mbut iram yam atcha ndata, mi de mi Simon ala: Ang watcha d’a wanda? An mba avo hatangû, ang han nga mbina á mbus asen ndi, wani ndat mbuzun asen ki simi ma iratna, ti sad’am ki tumus sa kata mi.

Zla d’a d’ogolâ 26:16

Sama azulomba mi djib’er ala ne mamba kal suma ne suma kid’iziya suma a nga hulong humba ki lovod’otna.

Zla d’a d’ogolâ 22:29

Ang we sama d’alâ kur sun mam mba led’a d’uo zu? Mam mba mi tcholî avok amuleina, mba mi tchol avok suma hawa ya’â d’i.

Zla d’a d’ogolâ 3:7

Ar ang gol tang ala angî sama ned’a d’i, ang le mandara Ma didina, ang wal tang ngei ki tchod’a mi.

Jean 9:41

Jesus mi dazi ala: Ladjï agi ni duka ni, agi nga ki tchod’a d’i. Wani ki tchetchemba agi nga dagi ala: Ami nga wamiya. Kayam ndata, tcho magid’a nga kak kä kagiya.

Zla d’a d’ogolâ 12:15

Sama lilid’a mi gol sun mamba ni djivid’a iramu, wani sama nga mi hum d’al ma ded’ina ni sama ned’a.

Zla d’a d’ogolâ 28:26

Sama mi tin hurum yam mam tam gona ni sama lilid’a, wani sama nga mi tit ki ned’ina mba mi kak ki halasa.

Isai 5:21

Ni zla d’a hohoud’a yam suma a nga yi tazi ala azi ni suma ned’a, a nga gol tazi ala azi ni suma wad’ud’a na mi!