Zla d’a d’ogolâ 24:9 - Bible azumeina

⁹ Djib’era hi sama lilid’id’a ni tchod’a, sama las suma ni vama ndjendjed’a ir suma mi.

Zla d’a d’ogolâ 24:9 Referans Kwoze

Matiye 15:19

Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

2 Korente-na 10:5

kahlena pet suma a nga le yam mba ad’enga á kak djangûna ki wed’a hAlonid’ina, ami nga mbud’umi djib’er ra lara ge pet kä á ge yat kä ad’u Christ.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Sunda hi suma a sunuzinid’a 8:22

Kayam ndata, ang mbut hurung yam tcho manga, ang tchen Salad’a, dam hurum mba mi vat tei yam djib’er ra kurunga kla.

Matiye 9:4

Jesus mi we djib’er ra kuruzid’a tcha, mi dazi ala: Ni kayam me ba, agi djib’eregi djib’er ra tchod’a na ge?

Zla d’a d’ogolâ 29:8

Suma las suma a nga do akud’a hur azì ma ngolâ, wani suma ned’a a nga ve vun ayîna kä.

Zla d’a d’ogolâ 24:8

Sama nga mi djib’er á le tchod’ina, suma a mba yum ala Sala tchod’a.

Matiye 5:28

Wani an nga ni dagiya, sama gol atchad’a hi sama dingîd’a mi le d’od’oka katna, mi le wa mizeuna ki sed’et kurum da’.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Zla d’a d’ogolâ 23:7

Djib’er ra kurumba ba wana: Mba mi dang ala: Ang te, ang tche, wani hurum nga tu ki sed’eng ngi.

Zla d’a d’ogolâ 22:10

Ang dik sama las suma woyo, huneîd’a mba d’i dap peyo; tuguyod’a ki ngula a mba dap pei mi.

Sawal la giled’a 119:113

An noî suma mbàmbàd’a woyo, wani hurun ve ni gat manga.

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

Zla d’a d’ogolâ 9:7

Sama mi ngop sama las sumina, mi mba ni ki gol la isa kamu; sama mi ngop sama asa’atnina mi mba ni ki ngula kam mi.

Zla d’a d’ogolâ 21:24

Sama yam mba ad’eng ma subur tad’a simiyêm ala Ma las suma, mi le sun mamba ni kayîna ki yam mba ad’enga.