Zla d’a d’ogolâ 24:7 - Bible azumeina

⁷ Ned’a ni vama kal yam sama lilid’ina, mba mi mal vunam á de zlad’a ata yima ka sariyad’a d’i.

Zla d’a d’ogolâ 24:7 Referans Kwoze

Zla d’a d’ogolâ 14:6

Sama las sumina mi hal ned’a pî, nga mi fat ti. Wani wed’a ni vama afefetna ata sama wad’ud’a.

Sawal la giled’a 10:5

Ahle suma mi lazina nga mi fazi tatap; sariya nga d’i vum mbi; nga mi gol mam suma djangûna is mi.

1 Korente-na 2:14

Sama nga ki Muzu’â hAlonina d’uo na, mi ndak á ve gagazi d’a tcholï ata Muzuk mámid’a d’i. Ndat ni vama lilid’a iramu, mi ndak á wal ir ahlena hi Muzuk mámina d’uo mi.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Amos 5:12

Kayam an we tchila magid’a tablaud’a, tcho magid’a ti kal ngola heî mi; agi nga kid’eyêgi ir ma d’ingêrâ, agi nga vagi bege d’a mbut ira abomu, agi nga d’elegi suma ka sariyad’a á ka sariyad’a hi suma houd’id’a.

Amos 5:10

Agi nga noyôgi sama nga mi de zla d’a d’ingêra avun agre’â ata yima ka sariyad’ina, agi nga gologi sama mi le glangâs ma iratnina is mi.

Zla d’a d’ogolâ 22:22

Ar ang hurum sama kid’aka tala ni ma kid’aka d’a d’i, ang kid’eî ir ma hohoud’a ata yima ka sariyad’a d’uo mi.

Zla d’a d’ogolâ 17:24

Ned’a ni go ki sama wad’ud’a, wani sama lilid’a mi gol yina gak avun dabid’a handagad’id’a.

Zla d’a d’ogolâ 15:24

Sama wad’ud’a mi hle ni lovot ta ari d’a i akulod’a á sut tam mbei ata yima azulei ma nga ad’u kä na.

Wana ni mbaktumba hi Job-pa 31:21

Le an ngop ma hokuyod’a ata yima sariyad’a kayambala an we suma ka sariyad’a a ndjununda ni,

Wana ni mbaktumba hi Job-pa 5:4

Ar groma a fe sama a deng tazi atama d’i, a kazi sariyad’a kazi ata yima ka sariyad’a bei sa mi ndjunuzi ba!

Sawal la giled’a 127:5

Sama nga mi le furîd’ina ni sama groma ablaud’a d’igi ir yeûd’a ti nga oîd’a kur aziyat na na, mba mi mbut zulona ata yima mba mi tchol avok mam ma djangûna ata yima ka sariyad’ina d’i.

Zla d’a d’ogolâ 17:7

Zla d’a de d’a djivid’a ndak nga yam sama lilid’a d’i, kal pet zla d’a kad’a ndak nga yam ma te yamba d’uo mi.

Zla d’a d’ogolâ 17:16

Bege d’a abo suma lilid’id’a ti le ni suna me ge? Mi guzî ki ned’a zu? Kayam yam nga kam mbi!

Isai 32:6

Kayam suma lilid’a a de ni zla d’a lilid’a, huruzi ni tinda yam sun nda tchod’a á le sun nda ata yat tuo d’a, á de zla d’a tchod’a yam Ma didina mi. A nga he tena mi sama meid’a tchuma d’i, a nga d’el lovota á he mbina mi sama vunam sona mi.

Zla d’a d’ogolâ 28:5

Suma tchona a nga wäd’u zla d’a d’ingêra d’i, wani suma a nga hal Ma didinina a nga wäd’u ahlena pet.

Zla d’a d’ogolâ 31:23

Ata yima ndjuvut nga mi kak kä aduk suma nglo suma kur ambasina, a nga hum ngola.