Zla d’a d’ogolâ 24:16 - Bible azumeina

¹⁶ Kayam sama d’ingêrâ le mi puk kä yam kid’iziya pî, mba mi tchol akulo, wani suma asa’atna a nga tchuguzi kä kur ndaka atogo zak.

Zla d’a d’ogolâ 24:16 Referans Kwoze

Sawal la giled’a 34:19

Ma didina mi nga go ki suma huruzi b’la’â, nga mi sut suma huruzi nga mi vazi yam tcho mazid’ina mi.

Sawal la giled’a 37:24

Le mi puk kä pî, nga mi ba kä d’i, kayam Ma didina nga mi vum abom akulo.

Wana ni mbaktumba hi Job-pa 5:19

Mba mi sud’ung ngei kur ndaka yam karagaya. Le ndaka mba kang yat kid’iziya pî, mba d’i dong nguo mi.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Zla d’a d’ogolâ 13:17

Sama sun ma asa’atna nga mi mba ki ndaka, wani ma sun ma d’engzengâ nga mi mba ki suta.

Amos 5:2

Agi Israel-lâ, agi ni d’igi gor wei d’a ti puk kä andaga d’a ti mita na. Agi mba hulong tchologi akulo d’i. A mba aragi kä yam andaga magid’a, Sama mi yogi akulona nga d’uo mi.

Sawal la giled’a 52:5

Ang min tchod’a kal djivid’a, ang min zla d’a kad’a kal gagazid’a mi. Tchol ndjö

1 Samuel 26:10

Ma didina ni Ma bei matna, ni mam tu ba, mi tchumu, d’oze burum ma matna mba mi mba, mam mba mid’a, d’oze a tchum avun ayî ma durâ.

Sawal la giled’a 7:16

Mi djugot zula kä yiyik, wani mi nde kur zul la mam tam mi djugud’ot kabomba.

Ester 7:10

A gap Haman akulo ata agu ma mi minim yam Mardose-na. Ata yi máma amulâ hurum b’lengâ.

Sunda hi suma a sunuzinid’a 12:23

Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.

Amos 8:14

Suma a nga gun tazi kalo ma ka zla ma Samari suma a nga dala: Dan! Ar alo mangâ va mi lum mbuo, d’oze, Ar alo ma Berseba-na va mi lum mbuo mi na, a mba puk kä, a mba tchol akulo bugol luo d’a.

1 Samuel 31:4

Ata yi máma Saul mi de mi sama zim ahle mam suma sïnina ala: Ang pat mbigeu mang nga fiyaka, ang tchogonu; ar suma bei ngat bayâ ndazina a mba tchan tchi ba a lazan ndi. Wani sama zim ahle mam suma sïnina mi min ndi, kayam nga mi le mandarâ ngola. Ata yi máma Saul mi pat mbigeu mam mba fiyaka, mi ge tam avunad’u.

Sawal la giled’a 34:21

nga mi ngomom asogom pet, asogom tu pî nga mi kus sei d’i.

Sawal la giled’a 79:12

Salad’a, ang wurak suma a nguyumina yam ngul la a ngulunga wuwurak yang kid’iziya.

Zla d’a d’ogolâ 6:15

Kayam ndata, b’laka mba d’i mba kam dumuzi, mba mi ba woi atogo zak bei mi fe lovot ta prut tam ba.

Zla d’a d’ogolâ 24:22

Kayam b’laka mba d’i mba kazi atogo hina zak; ni nge ba, mi we ndak ka nga d’i mba kazid’a ge?

Jeremi 8:4

Ma didina mi dan ala: Ang Jeremi, ang dazi ala: Le sana mi puk kä ni, mba mi tchol akulo d’uo zu? Le sana mi vit tei kur lovota ni, mba mi hulongî balum asem mbuo zu?

Jeremi 18:17

An mba ni ndjoyôzi woi avok mazi suma djangûna d’igi simet ma abo ma yorogona mi ndjoî ahlena woi na, an mba ni hazi huyogonu, an mba ni mbut iran irazi kur bur ma b’laka mba d’i mba kazina d’i.

Ad’u Tinda 19:35

Kur andjege ndata azi he süm ma ayîna mabuzi kua, d’a gora ti i bur ki sed’emu. Mi we nga bur ma ti bur ki sed’ema, d’oze tchol la ti tchol id’a d’uo mi.

Ndumba 32:23

Wani le agi lagi nga hina d’uo ni, agi lagi ni tchod’a avok Ma didina, agi wagi woi tetet ala tcho magid’a mba d’i hulong kagiya.

Zla d’a d’ogolâ 13:21

Ndaka nga d’i dik bugol suma le tchod’a, wani djivid’a nga d’i wurak suma d’ingêrâ.

Ezekiyel 7:5

Salad’a Ma didina mi dala: Gola! Ndaka nga d’i mba! Ndak ka hle tat d’igi ndat hina d’a nga d’i!