Zla d’a d’ogolâ 24:12 - Bible azumeina

¹² Le ang dala: An we nga d’uo ni, Ma nga mi nga hurîna nga mi we d’uo zu? Ma nga mi ngomongâ, mi nga mi we d’uo zu? Ni mam ba, nga mi wurak nge nge pî yam sun mam mba led’a d’uo zu?

Zla d’a d’ogolâ 24:12 Referans Kwoze

Wana ni mbaktumba hi Job-pa 34:11

Mba mi wurak nge nge pî yam sun mam mba mi lata, mba mi he mi nge nge pî yam vama mi luma mi.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Romê-na 2:6

Ata yi máma Alona mba mi wurak nge nge pî yam sun mam mba mi lata.

Zla d’a d’ogolâ 21:2

Nge nge pî nga mi djib’er ala sun mam mba led’a ni djivid’a iramu, wani Ma didina ni sama nga hurîna.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Sawal la giled’a 121:8

Ma didina mba mi ngomong kur i manga ki hulong manga mi, ki tchetchemba, gak didin mi.

Sawal la giled’a 121:3

Mam mba mi arang aseng mi ka azlard’eid’a d’i; mam ma ngomongâ nga mi bur sen ndi.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.

Sawal la giled’a 62:12

Alona mi de zlad’a yam tu; an hum yan mbà mi dala: Ad’enga ni manda!

Sawal la giled’a 17:3

Ang fegen wa hurunu, ang golon andjege, ang kugun wa, ang fe nga va atan ndi. Zla man nda ded’a ni tu ki djib’er manda.

Vama ndum mbeina 22:12

Jesus mi dala: Agi humugiya! An nga ni mba ka tchetchem ki wurak manda abon á he mi nge nge pî yam sun mam mba mi lata.

Vama ndum mbeina 2:18

Ang b’ir mbaktumba mi malaika ma nga yam Tok ka Tiyatir-rina. Wana nahle suma Alona Gorom ma iram mba gola d’igi sin akud’a na ma asem mi wile d’igi kawei ma hleu ma a gum aduk aku d’a tchafa na na mi dazina:

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Romê-na 2:16

Ni hina ba, bur tu Alona mba mi ka sariyad’a yam ahlena pet suma a nga ngeid’a kur sumina kayam Jesus Christ yam Zla man nda Djivi d’a an nga ni tchat walata.

Sunda hi suma a sunuzinid’a 17:28

D’igi sana tu mi dala: Ni kayam mamu, ei nga karid’a, ei nga mbud’i teya, ei nga mi. D’igi magi suma ding suma hle sawala a de na ala: Ei ni groma mi.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Jeremi 32:19

Angî ma ngolâ kur d’alâ, ma ad’engâ kur sunda mi. Ang irang nga tinda yam tita hi sumid’a á wurak nge nge pî yam tit mamba, yam sun mam mba mi lata mi.

Zla d’a d’ogolâ 5:21

Kayam Ma didina iram nga tinda yam tita hi sumid’a pet, nga mi gol sun mazid’a pet mi.

Sawal la giled’a 66:9

Ni ma ngomei ei boi nga d’uo na, ni ma arei asei ka nga azlard’eid’a d’uo mi na.

Sawal la giled’a 44:21

Le ami marami ang Alo mamina woyo, le ami mbud’umi irami ata alo ma dingâ ni,

Sawal la giled’a 7:9

Ma didina, ang ka sariyad’a yam andjaf suma; Ma didina, ang le glangâsâ yam d’ingêr manda, yam vama abon dom nga d’uo na mi.

1 Samuel 25:29

Le sa hle yam akulo á diging á tchangû ni, Ma didina Alo mangâ mba mi ngomong ata yima ngeid’a gevem aduk suma. Wani mba mi dur mang suma djangûna sä woi hina dei d’igi sana mi dur sana ki mbiud’a na.

1 Samuel 2:6

Ma didina nga mi tchi sana, nga mi mbud’um arid’a, nga mi im azuleyo, nga mi hulongôm akulo mi.

1 Samuel 2:3

Agi zulugi zla d’a hawa d’a subur tad’a d’i, ar zla d’a asa’ata ndavunagi d’i, Kayam Ma didina nAlo ma wahlena petna; mam mi ma nga mi nga sunda hi sumid’a petna.

Sawal la giled’a 94:9

Mam ma mi tin humbina, mi ndak á hum mbuo zu? Mam ma mi min irina, mi ndak á we d’uo zu?

Zla d’a d’ogolâ 12:14

Sana mi fe djivid’a ni yam zla d’a de d’a ndavunamba, nge nge pî nga mi fe wuraka ni yam sun nda mi lat kabomba.

Zla d’a d’ogolâ 5:22

Sama asa’atna nga mi ve ki tcho mam mba mi lata, ziyo matna nga mi vum mi.

Zla d’a d’ogolâ 16:2

Sama lara pî mi djib’er ala tit mamba pet ni djivid’a iramu, wani Ma didina ni ma we hur sumina.

Hor ma tchina 3:36

ata yima ang b’ak sariyad’a hi sama d’ingêrîna, Salad’a mi we nga d’uo zu?