Zla d’a d’ogolâ 23:5 - Bible azumeina

⁵ Ang min tin irang yam ndjondjoî d’a kal leina zu? Gagazi, ndjondjoîd’a nga d’i min gigingâ d’igi agigilauna na, ti pir akulo aduk alona, ti vit teyo.

Zla d’a d’ogolâ 23:5 Referans Kwoze

Zla d’a d’ogolâ 27:24

kayam ndjondjoîd’a nga d’i kak didin ndi, avaval la amula mba d’i i avogovok kur atchogoi d’a lara ge pet tuo mi.

1 Jean 2:16

Kayam ahle suma kur duniyad’ina pet ni djib’er ra tchod’a hi hliu tad’id’a ki d’od’oka hi irid’a ki subur ta d’a hawa yaka. Ahle ndazina a tcholï nga nata Abui Alona d’i, wani a tcholî kur duniyad’a ka hî.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

Matiye 6:19

Jesus mi had’azi kua ala: Ar agi togogi ndjondjoî magid’a ka hî yam andagad’a d’i, kayam ni yima fotna ki tchora a b’lagazina, ni yima suma kula a hulut gonga á kuluzina mi.

Ma tchi wala 12:8

Kayam ndata, ang djib’er yam Ma langâ, avok ka bei ziyo kawei ma hapma mi djala bei dei ma lora mi to, bei angot ta ganda ti djal kä golongô, bei vama tan mbina mi kus kä golongô,

Ad’u Tinda 42:36

Jakob mi dazi ala: Agi ban ndi grona woi mbà; Josef nga d’i, Simeon nga d’i. Agi min vagi Benjamin kua; ndak ndata pet mba ni kanu.

Jeremi 22:17

Wani ang irang ki hurung tinda ni yam djivi manga á tchi suma bei zlad’a kazina, á b’at ahlena hi suma kad’enga mi.

Ma tchi wala 1:2

Ma tchi wala mi dala: Ahlena pet ni hawa na, zlazi nga d’i, ahlena pet ni hawa na, ni hawa na.

Sawal la giled’a 39:6

Gola! Ang ngan burun ni gid’enga d’igi hur abona na, kak man nda yam andagad’id’a ni va avorong ngi. Gagazi, sama lara pî ma nga tchola ad’engina mi ni vama hawa ya’â. Tchol ndjö

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Wana ni mbaktumba hi Job-pa 27:19

Nga mi bur kä ki ndjondjoî mamba, wani nga mi tchol akulo ki sed’et ti; mi mal iram mbei wani va nga d’i.

Jeremi 39:12

Ang vum wana, ang tin irang kamu, ang lum vama tcho d’i, ang lum ahlena pet suma mam mba mi dangzina!