Zla d’a d’ogolâ 23:4 - Bible azumeina

⁴ Ar ang kau tang á mbut sama ndjondjoîna d’i, ar ang tin djib’er manga kat tuo mi.

Zla d’a d’ogolâ 23:4 Referans Kwoze

Hebre-na 13:5

Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.

Zla d’a d’ogolâ 28:20

Sama d’engzengâ, a mba b’e vuna kam ngola, wani sama mi b’at tam á mbut ma ndjondjoînina, a mba ar bei ngobom mbi.

Matiye 6:19

Jesus mi had’azi kua ala: Ar agi togogi ndjondjoî magid’a ka hî yam andagad’a d’i, kayam ni yima fotna ki tchora a b’lagazina, ni yima suma kula a hulut gonga á kuluzina mi.

Zla d’a d’ogolâ 3:5

Ang he tang mi Ma didina ki hurung pet, ang deng tang yam ne manga go d’i.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.

Zla d’a d’ogolâ 15:27

Sama mi le d’od’oka á fe bege d’a mbut irina mi mba ni ki ndaka yam aziyamu, wani sama nga mi noî he d’a hawa d’a mbut ira woina, mba mi kak karid’a.

Zla d’a d’ogolâ 26:12

Le ang we sama mi gol tam ala mam mi sama ned’a na ni, ang tin hurung yam sama lilid’a kalamu.

Isai 5:21

Ni zla d’a hohoud’a yam suma a nga yi tazi ala azi ni suma ned’a, a nga gol tazi ala azi ni suma wad’ud’a na mi!

Zla d’a d’ogolâ 3:7

Ar ang gol tang ala angî sama ned’a d’i, ang le mandara Ma didina, ang wal tang ngei ki tchod’a mi.

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Marik 4:19

wani djib’era hi duniyad’id’a ki d’od’oka hi beged’id’a ki lelemba hahle suma dingîd’a a kal kuruziya, a hep zlad’a akulo ped’et bei le irâ.

Wana ni mbaktumba hi Job-pa 27:19

Nga mi bur kä ki ndjondjoî mamba, wani nga mi tchol akulo ki sed’et ti; mi mal iram mbei wani va nga d’i.

Zla d’a d’ogolâ 27:24

kayam ndjondjoîd’a nga d’i kak didin ndi, avaval la amula mba d’i i avogovok kur atchogoi d’a lara ge pet tuo mi.

Ma tchi wala 5:13

Ndjondjoî ndata ti dap pei ata abo ma mbut ma tchona. Gorom ma mi vud’uma nga mi fe va abom tu d’uo ko.

Jeremi 9:22

Ma didina mi de mi Jeremi kua ala: Ang dazi ala an dala: Matna mba mi sam kä d’igi siligitna mi sam kä abagei kur asinena na, d’igi mbugulud’a ti sam kä bugol sama zed’a ta sama yotna nga d’uo d’a na.