Zla d’a d’ogolâ 22:9 - Bible azumeina

⁹ Sama nga mi le suma djivid’ina, a mba b’e vuna kamu, kayam nga mi he te mama mi suma kid’aka.

Zla d’a d’ogolâ 22:9 Referans Kwoze

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.

1 Pierre 4:9

Agi lagi akoina bei gureîd’a.

Sunda hi suma a sunuzinid’a 20:35

Kur ahlena pet, an tagagi á le sun nda djivid’a, kayam agi ndjunugi suma hohoud’a. Agi djib’eregi yam zlad’a hi Salad’a Jesus d’a mam tam dat ala: Alona mba mi b’e vunam yam sama hed’a kal ma ved’a d’a.

Hebre-na 13:16

Agi maragi á le djivid’a mi suma á ndjunugi tagi d’uo mi, kayam vama ngat buzu ma hina na ni vama lAlona tam djivid’ina.

Wana ni Zla d’a Djivi d’a Luc mi b’irita 14:13

Wani ata yima ang le te ma lunina, ang yi ni suma houd’a ki suma homozed’a ki suma dileîd’a ki suma duka.

Isai 32:8

Wani sama djivina mi nga hurumî yam vama djivina, nga mi ve tam ad’enga yam nga hur mam ma djivina mi.

Zla d’a d’ogolâ 21:13

Sama mi tos humam mbei á hum tchina hi sama houd’ina, fata mam tam mi tchid’a, sa nga mi hulongôm humba d’uo mi.

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Zla d’a d’ogolâ 11:25

Sama mi le djivid’a mi sumina, mba mi mbut sama duzîna, sama nga mi he mbiyo ma tched’a mi sumina, a mba hum mbiyo ma tched’a mi.

Marik 7:22

mizeuna, d’od’oka, murud’umba, á mbut ira, batranga, yungôra, á ngul suma, yam mba ad’enga, ki lilid’a a buzugi ni kua.

Matiye 20:15

Djivid’a an le vama hurun mina ki bege manda d’uo zu? Ang le yungôra ni kayambala an ni sama djivina d’a zu?

Gat ta a hat á mbàd’id’a 28:56

Atcha d’a halas sa wäd’u zlad’a heîd’a ti min tin aset kä andaga d’uo d’a, mba d’i d’us irat ata ndjuvut ma ndat le kam heîna ki grotna ki gorota.

Zla d’a d’ogolâ 31:20

Ti nga d’i mat abot á hahlena mi suma hohoud’a, nga d’i mat abot á ndjun suma kid’aka mi.

Zla d’a d’ogolâ 11:17

Sama we hohowa sumina mi le ni tam djivid’a, wani sama murud’umba mi le ni hliwim tchod’a.

Zla d’a d’ogolâ 11:27

Sama nga mi hal djivid’ina, mba mi fe ni djivid’a, wani sama nga mi hal tchod’ina, mba mi fe ni tchod’a mi.

Zla d’a d’ogolâ 14:21

Sama mi gol ndrama isâ mi le ni tchod’a, wani sama mi we hohowa ma hohoud’ina mi le furîd’a.

Zla d’a d’ogolâ 28:24

Sama nga mi kul ahlena habum kasum ma nga mi dala ndata nga ni tchod’a d’uo na, ni sama b’lak ahlena hi sumina ndrama.

Zla d’a d’ogolâ 28:27

Sama nga mi hahlena mi suma houd’ina, nga mi kid’ak ki, wani sama nga mi duk iram mbei kazina suma ablaud’a a mba gum vuna.